Nau Ngluh Êjipt 6:13 - Nau Brah Ndu Ngơi 2023

¹³ Brah Yêhôva ngơi tay đah Y-Môis jêh ri Y-Arôn, ntĭnh ăn ma bar hê khân păng hăn tât ma phung ƀon lan Israel jêh ri Pharaôn, hađăch n'gor Êjipt, gay leo phung ƀon lan Israel luh bơh n'gor Êjipt.

Nau Ngluh Êjipt 6:13 ပူးပေါင်းရင်းမြစ်များ

Nau Mprơ Ơm 91:11

Yorlah Păng mra ăn nau ntrŭnh ma phung tông mpăr Păng Mât mray may tâm lĕ trong may.

Nau Ngluh Êjipt 6:12

Ƀiălah Y-Môis plơ̆ lah ma Brah Yêhôva: “Ơ Kôranh Brah, gâp jêng bunuyh mâu blau ngơi ueh; phung ƀon lan Israel mâu hŏ ôh iăt nau gâp, mâm dĭng Pharaôn dơi iăt gâp?”

Nau Ngluh Êjipt 6:14

Aơ jêng kôranh ndŭl mpôl tâm lĕ noi deh ƀon lan Israel. Phung kon bu klâu Y-Ruben, kon bu klâu bôk rah Y-Israel, jêng: Y-Hanŏk, Y-Palu, Y-Hêsron, jêh ri Y-Karmi. Nây jêng ndŭl mpôl Y-Ruben.

Nau Ngluh Êjipt 6:26

Y-Arôn jêh ri Y-Môis jêng phung bunuyh Brah Yêhôva hŏ ntĭm nti jêh: “Ăn hăn tĭng ăp ndŭl mpôl gay njŭn phung ƀon lan Israel luh bơh n'gor Êjipt.”

Nau Kơp Bunuyh 27:19

jêh nây leo păng tâm mâp ma kôranh ƀư brah Y-Êlêasar jêh ri lĕ rngôch phung tâm rƀŭn, jêh ri jao nau kan ma păng tanăp măt lĕ rngôch bunuyh.

Nau Kơp Bunuyh 27:23

Y-Môis pah ti păng ta klơ Y-Yôsuê jêh ri jao nau kan ma păng di nâm nau Brah Yêhôva ntĭnh jêh ma Y-Môis.

Mathay 4:6

jêh ri lah: “Tơlah may jêng Kon Brah Ndu, ntŭp hom may nơm hăn trŭnh, yorlah geh nau nchih: ‘Kôranh Brah mra ntăm ma phung tông mpăr, Phung nây mra kơl rđâng may tâm ti, Klach lah jâng may chêh ta lŭ.’ ”

Nau Vay Nkah Tay 31:14

Brah Yêhôva lah ma Y-Môis: “Aơ, nar may mra khĭt hŏ dăch jêh. Kuăl hom Y-Yôsuê jêh nây lĕ bar hê mra tâm mpơl măt ta Ngih Bok Nau Tâm Rƀŭn gay Gâp ntăm ma păng.” Pôri Y-Môis jêh ri Y-Yôsuê tâm mpơl măt ta Ngih Bok Nau Tâm Rƀŭn.

I Timôthê 1:18

Hơi Y-Timôthê kon gâp, gâp ntrŭnh nau vay dăp aơ ma may, tĭng nâm lĕ nau mbơh lor ma may bơh kăl e, gay bơh lĕ nau ngơi nây may tâm lơh janh ktang,

I Timôthê 5:21

Tanăp Brah Ndu jêh ri Brah Yêsu Krist nđâp ma phung tông mpăr Brah Ndu săch jêh, gâp mbơh ăn may djôt prăp lĕ nau ntĭm nti aơ, mâu dơi geh nau mĭn êng, mâu đŏng ƀư moh nau yorlah gŭ nding.

I Timôthê 6:13

Tanăp Brah Ndu jêng Nơm ăn nau rêh ma lĕ rngôch ndơ, jêh ri tanăp Brah Yêsu Krist jêng Nơm geh nau mbơh nkoch ueh nôk mbơh nkoch tanăp Pôns Pilat, gâp ntĭnh may

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.

II Timôthê 2:4

Mâu geh ôh du huê tahan dôl ƀư nau kan ƀiălah hôm văk nau kan tâm nau rêh aơ, yorlah ntŭk ntrâng păng jêng ƀư maak nuih n'hâm ma nơm sŏk dŏng păng nơm.

II Timôthê 4:1

Tanăp Brah Ndu jêh ri Brah Yêsu Krist, jêng Nơm mra phat dôih phung rêh jêh ri phung khĭt, jêh ri yor nau Păng tâm mpơl tât jêh ri ƀon bri hađăch Păng, gâp mbơh ăn ma may: