Nau Ngluh Êjipt 6:11 - Nau Brah Ndu Ngơi 2023

¹¹ “Hăn ngơi hom đah Pharaôn, hađăch Êjipt, gay ma păng ăn phung ƀon lan Israel luh bơh n'gor păng.”

Nau Ngluh Êjipt 6:11 ပူးပေါင်းရင်းမြစ်များ

Nau Ngluh Êjipt 3:10

Pôri aƀaơ, văch hom ta aơ, Gâp mra đă kon hăn tât ta Pharaôn gay ma kon djôt leo phung ƀon lan Gâp, jêng phung kon Israel, luh bơh n'gor Êjipt.”

Nau Ngluh Êjipt 4:22

Pôri ăn may lah đah Pharaôn pô aơ Brah Yêhôva lah: ‘Israel jêng kon Gâp, jêng kon bu klâu bôk rah Gâp.

Nau Ngluh Êjipt 4:23

Rĭ dĭng Gâp lah ma may: Ăn kon Gâp hăn hom, gay ma păng dơi pah kan ma Gâp. Tơlah may dun mâu ăn ôh păng hăn, aơ, gâp mra nkhĭt kon bu klâu may deh dak bôk.’”

Nau Ngluh Êjipt 5:1

Jêh nây, Y-Môis jêh ri Y-Arôn hăn mbơh ma Pharaôn jêh ri lah: “Brah Yêhôva, Brah Ndu phung Israel, lah: ‘Ăn phung ƀon lan Gâp hăn gay ma khân păng nkra nau tâm rƀŭn yơk mbah ma Gâp tâm bri rdah.’”

Nau Ngluh Êjipt 5:23

Ntơm bơh gâp tâm mâp đah Pharaôn jêh ri sŏk amoh Brah Ndu gay ngơi ƀiălah hađăch nây rlơ̆ ƀư nau mhĭk ma phung ƀon lan aơ, jêh ri Brah Ndu mâu ôh sâm rklaih phung ƀon lan May.”

Nau Ngluh Êjipt 6:10

Brah Yêhôva lah ma Y-Môis:

Nau Ngluh Êjipt 6:29

Brah Yêhôva hŏ lah jêh ma Y-Môis: “Gâp jêng Brah Yêhôva. Nkoch hom ma Pharaôn, hađăch Êjipt lĕ rngôch nau Gâp hŏ ngơi ma may.”

Nau Ngluh Êjipt 7:1

Brah Yêhôva lah ma Y-Môis: “Aơ, Gâp ăn may jêng nâm bu Brah Ndu đah Pharaôn; bi ma Y-Arôn, nâu may, mra jêng bunuyh sâm ngơi ma may.