Nau Ngluh Êjipt 5:6 - Nau Brah Ndu Ngơi 2023

⁶ Tâm nar nây ro, Pharaôn ntĭnh đă phung kôranh uănh kan jêh ri phung kôranh mbŭch:

Nau Ngluh Êjipt 5:6 ပူးပေါင်းရင်းမြစ်များ

II Nau Rêh Jêng 26:11

Y-Usia geh du phung tahan rơm ndrăp nau tâm lơh, tâm pă tĭng mbŭch, tĭng nâm rnoh bunuyh kôranh nchih samƀŭt Y-Jêiêl, jêh ri kôranh tahan Y-Maseya hŏ săch, jêh ri dơm tâm dâng nau ƀĭt gai Y-Hanania, du huê kôranh toyh ma hađăch.

Nau Ngluh Êjipt 1:11

Yor ri, phung Êjipt dơm phung kôranh uănh kan gay ƀư rêh ni phung Israel ma nau kan jâk jêr, nchâp đă khân păng ƀư ƀon toyh Pithôm jêh ri ƀon Ramsê gay ma ƀư ntŭk prăp drăp khlay ăn ma Pharaôn.

Nau Ngluh Êjipt 3:7

Brah Yêhôva lah: “Gâp hŏ saơ nanê̆ ngăn nau rêh ni phung ƀon lan Gâp tâm n'gor Êjipt jêh ri gâp hŏ tăng jêh nau khân păng lŭng nter yor phung kôranh uănh kan khân păng. Di ngăn, Gâp gĭt jêh nau nđêh nji khân păng.

Nau Ngluh Êjipt 5:10

Pôri phung kôranh uănh kan jêh ri phung kôranh mbŭch hăn ngơi ma phung ƀon lan: “Pharaôn hŏ lah kơt aơ: ‘Gâp mâu hôm ƀơk ôh rhe ma khân may.

Nau Ngluh Êjipt 5:19

Phung kôranh mbŭch Israel saơ khân păng nơm tŭp tâm nau uh ah nôk bu đă: “Khân may mâu dơi n'hŭch rnoh ƀrĭk hŏ jao jêh tâm ăp nar.”

Nau Ngluh Êjipt 5:7

“Lơi ta khân may ƀơk ôh rhe ma phung ƀon lan ƀư ƀrĭk nâm bu alor. Ăn khân păng nơm hăn joi êng rhe gay ƀư.

Nau Hôr 12:10

Bunuyh sŏng srăng mât mray ăn nau rêh mpô mpa păng rŏng, Ƀiălah nuih n'hâm yô̆ bơh phung mhĭk jêng nau djơh janh.

Nau Kơp Bunuyh 11:16

Brah Yêhôva lah ma Y-Môis: “Rgum hom pơh jât nuyh tâm phung kôranh bu ranh Israel, jêng phung may gĭt năl jêh jêng kôranh bu ranh jêh ri kôranh chiă uănh phung ƀon lan. Njŭn leo hom khân păng tât ta Ngih Bok Nau Tâm Rƀŭn, jêh ri ăn khân păng dâk ndrel ma may ta nây.

Nau Vay Nkah Tay 1:15

Pôri gâp hŏ săch jêh lĕ phung blau mĭn, gĭt rbăng tâm lĕ ndŭl mpôl jêh ri ndâk khân păng jêng phung kôranh ma khân may, chiă uănh ma rbăn nuyh, rhiăng nuyh, prăm jât nuyh mâu lah ma jât nuyh, jêh ri ndâk đŏng phung kôranh ma ăp ndŭl mpôl khân may.

Nau Vay Nkah Tay 16:18

“Ăn khân may sâm dơm kôranh phat dôih jêh ri kôranh chiă uănh ma lĕ ndŭl mpôl tâm lĕ ƀon Yêhôva Brah Ndu khân may mra ăn ma khân may. Khân păng mra phat dôih phung ƀon lan ma nau sŏng.

Yôsuê 24:1

Y-Yôsuê tâm rƀŭn lĕ rngôch phung ndŭl mpôl Israel ta ƀon Sichem, jêh ri păng kuăl rgum phung bu ranh, phung kôranh chiă uănh, phung kôranh phat dôih jêh ri phung kôranh tahan Israel, jêh ri mpơl măt khân păng nơm panăp Brah Ndu.

Yôsuê 24:4

Gâp ăn Y-Yakôb jêh ri Y-Êsau ma Y-Isăk, jêh nây ăn bri klơ dor Sêir ma Y-Êsau ƀư drăp ndơn, ƀiălah Y-Yakôb jêh ri phung kon păng hăn trŭnh ma Êjipt da dê.

Yôsuê 8:33

Lĕ rngôch bunuyh ƀon lan, lĕ phung bu năch, bunuyh tơm bri, phung kôranh bu ranh, phung kôranh chiă uănh, jêh ri phung phat dôih gŭ dâk bar đah Hip Nau Tâm Rnglăp panăp phung kôranh ƀư brah tâm noi deh Lêvi jêng phung tung Hip Nau Tâm Rnglăp Brah Yêhôva. Du n'gul phung ƀon lan gŭ dâk panăp yôk Gêrisim, jêh ri du n'gul ri gŭ dâk panăp yôk Êbal, tĭng nau Y-Môis, oh mon Brah Yêhôva, ntăm jêh ntơm bơh saơm, gay ăn nau ueh uĭn ma phung ƀon lan Israel.