Nau Ngluh Êjipt 5:22 - Nau Brah Ndu Ngơi 2023

²² Y-Môis plơ̆ sĭt jêh ri ngơi đah Brah Yêhôva: “Ơ Kôranh Brah! Mâm ƀư May ăn nau mhĭk ma phung ƀon lan aơ? Mâm ƀư May đă gâp hăn ta aơ?

Nau Ngluh Êjipt 5:22 ပူးပေါင်းရင်းမြစ်များ

I Phung Hađăch 19:10

Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

I Phung Hađăch 19:4

Bi păng hăn trong du nar đŏng lăp tâm bri rdah. Păng gŭ tâm dâng du tơm si n'ho toyh jêh ri mbơh sơm dăn ma păng khĭt: “Hơi Kôranh Brah! Lĕ găp jêh. Dăn ma May nglôch lơi nau rêh gâp, yorlah gâp mâu jêng ueh lơn ôh đah phung chô yau gâp.”

Nau Mprơ Ơm 73:25

Ta klơ trôk padih May mâu hôm geh bunuyh ôh? Bi ta neh ntu gâp mâu hôm ŭch rŏng ma bu êng rlau ma May.

Nau Ngluh Êjipt 17:4

Y-Môis kuăl dăn ma Brah Yêhôva: “Mâm gâp mra ƀư ma phung ƀon lan aơ? Mâu tŏng ndơ khân păng klŭp gâp ma lŭ!”

Yêrêmi 12:1

Ơ Brah Yêhôva, May sŏng srăng mro Ăp tơ̆ gâp ngơi tâm rlăch nchră đah May; Nđâp pônây, gâp dăn ôp May ma nau phat dôih. Mâm ƀư trong phung ƀai geh nau ndrŏng ktang mro? Mâm ƀư phung gŭ rêh ndơm geh nau mpăn rlêk?

Yêrêmi 20:7

Ơ Brah Yêhôva, May hŏ nsŭk nsôr jêh ma gâp, Gâp lĕ geh nau May nsŭk nsôr; May ktang lơn ma gâp, Jêh ri May hŏ dơi jêh. Lĕ nar gâp ƀư ƀaƀơ nau gơm ăn ma neh ntu, Ăp bunuyh mưch rmot ma gâp.

Yêrêmi 4:10

Gâp lah ro: “Ơ! Kôranh Brah Yêhôva! Nanê̆ May hŏ ndơm phung ƀon lan aơ jêh ri Yêrusalem jêh. May ton: ‘Khân may mra dơi geh nau đăp mpăn,’ pôri đao dôl kêng trô ko!”

Habakuk 2:3

Yorlah nau tâm saơ hôm e kâp rnôk tât geh nau tâm di; Păng văch gơnh hăn tât ntŭk nglĕ dŭt, mâu mƀruh ôh. Tơlah păng băt tât, ăn gŭ kâp ƀât; N'hêl nanê̆ păng mra tât, mâu mbrĕ mbrơi ôh.

Nau Kơp Bunuyh 11:11

Y-Môis lah ma Brah Yêhôva: “Mâm May ƀư rêh ni ma oh mon May? Nâm bu gâp mâu geh nau yô̆ ôh tanăp măt May? Mâm May ăn tŭp nau jâk lĕ rngôch phung ƀon lan aơ ta gâp?

Yôsuê 7:7

Y-Yôsuê lah: “Ơ! Kôranh Brah Yêhôva, mâm ƀư May djôt leo phung ƀon lan aơ rgăn dak krong Yurdan, jêh ri jao hên tâm ti phung Amôrit gay ƀư rai lơi hên? Vư! Ueh lơn hên gŭ ta kơh tê̆ dak krong Yurdan?

I Samuel 30:6

Y-Đavit geh nau rêh ni ngăn yorlah bu ŭch klŭp păng ma lŭ, yorlah nuih n'hâm lĕ rngôch phung ƀon lan rngot ngăn yor mĭn ma phung kon bu klâu jêh ri kon bu ur khân păng. Ƀiălah Y-Đavit geh nau ktang bơh Yêhôva Brah Ndu păng nơm.