Nau Ngluh Êjipt 5:2 - Nau Brah Ndu Ngơi 2023

² Ƀiălah Pharaôn lah: “Brah Yêhôva mbu jêng, dĭng gâp ma tông bâr gay ma ăn phung ƀon lan Israel hăn? Gâp mâu gĭt năl ôh Brah Yêhôva jêh ri gâp mâu đŏng ăn Phung ƀon lan Israel hăn.”

Nau Ngluh Êjipt 5:2 ပူးပေါင်းရင်းမြစ်များ

II Phung Hađăch 18:35

Geh brah moh tâm lĕ rngôch brah lĕ bri dak hŏ rklaih n'gor khân păng tă bơh ti gâp lĕ? Pônây, Brah Yêhôva dơi rklaih Yêrusalem tă bơh ti gâp lĕ?’”

II Nau Rêh Jêng 32:14

Tâm lĕ rngôch brah tâm phung ndŭl mpôl nây, phung chô yau gâp hŏ ƀư rai lĕ jêh, geh đŏng brah dơi rklaih phung ƀon lan khân păng bơh ti gâp? Lah ndrĭ brah khân may klăp lah dơi rklaih khân may bơh ti gâp bơh?

II Nau Rêh Jêng 32:15

Yor ri aƀaơ, lơi ăn Y-Hêsêkia mplư ndơm jêh ri mƀruh khân may kơt nĕ. Lơi ta khân may iăt nau păng, yorlah tâm lĕ rngôch ndŭl mpôl bunuyh mâu hôm geh brah mâu lah ƀon bri hađăch êng dơi rklaih phung ƀon lan păng bơh ti gâp mâu lah bơh ti chô yau gâp, mâm dĭng Brah Ndu khân may dơi tâm rklaih khân may bơh ti gâp!”

II Nau Rêh Jêng 32:19

Khân păng lah Brah Ndu ƀon Yêrusalem nâm bu brah phung ƀon lan ta neh ntu, jêng kan ma ti bunuyh ƀư.

Nêhêmi 9:10

Păng ƀư mpơl nau mbên âk ntil jêh ri nau mbên mha tâm rdâng đah Pharaôn, Jêh ri phung oh mon păng jêh ri lĕ rngôch phung ƀon lan tâm bri dak, Yorlah Kôranh Brah gĭt khân păng hŏ ƀư djơh rlau keh ir ma chô yau hên. Kôranh Brah ƀư ăn lư n'găr amoh Kôranh Brah tât nâm bu ta nar aơ.

Ndrom Samƀŭt bơh Yôp 15:25

Yorlah păng yơr ti tâm rdâng đah Brah Ndu, Jêh ri sưr rlau rlong uănh ma Nơm Geh Lĕ Nau Brah.

Ndrom Samƀŭt bơh Yôp 15:26

Nde krap tâm dâng khêl mbâl, Păng brơl ir rduh lơh Kôranh Brah,

Ndrom Samƀŭt bơh Yôp 21:15

Mbu moh Nơm Geh Lĕ Nau Brah dĭng ma hên pah kan? Moh ndơ khlay ma hên la mbơh sơm ma Păng?’

Nau Mprơ Ơm 10:4

Phung mhĭk ngơi nau sưr, mâu tĭng joi Kôranh Brah; Păng mĭn pô aơ mâu geh Brah Ndu ôh.

Nau Mprơ Ơm 12:4

Ma phung lah pô aơ: “He mra dơi yor ma mpiăt he nơm; Bâr mbung he jêng ndơ he; mbu nơm jêng kôranh he?”

Nau Mprơ Ơm 12:5

Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Mprơ Ơm 14:1

Bunuyh rluk lah tâm nuih n'hâm pô aơ: “Mâu geh Brah Ndu ôh.” Khân păng rai yot da dê, ƀư lĕ kan ƀơ̆ ƀơch; Mâu geh du huê ƀư nau ueh ôh.

Nau Ngluh Êjipt 3:19

Ƀiălah, Gâp gĭt hađăch Êjipt mâu mra ăn khân may hăn ôh, tơlah mâu geh mpang ti nau brah dơi kơl an.

Nau Ngluh Êjipt 7:17

Yor ri, Brah Yêhôva ngơi: ‘Ma nau aơ may mra gĭt Gâp jêng Brah Yêhôva.’ Aơ, gâp mra sŏk mâng jra tâm ti gâp mbang tâm dak krong, jêh ri dak nây mra jêng mham;

Nau Hôr 30:9

Klach lah dôl rmeh ler, gâp dun Kôranh Brah, Ngơi pô aơ: “Brah Yêhôva jêng mbu nơm?” Mâu lah dôl gâp o ach mra hăn ntŭng, Jêh ri ƀư ƀơ̆ amoh Brah Ndu ma gâp đŏng.

Yêrêmi 42:13

Ƀiălah tơlah khân may lah: ‘Hên mâu ŭch gŭ tâm bri aơ ôh;’ khân may mâu tông ôh bâr Yêhôva Brah Ndu khân may,

Yêrêmi 48:26

Ăn hom păng nhêt ndrănh kŏ nhŭl, yorlah păng n'hao êng păng nơm ŭch tâm rdâng đah Brah Yêhôva. Ăn hom Môap pung păng nơm tâm ndơ păng hok jrih luh jêh ri ƀư nau gơm mưch ăn ma neh ntu.

Daniel 3:15

Aƀaơ, tơlah khân may tăng bâr nŭng, bâr dĭng, bâr gong rêng, dĭng vưt, gong rêng loih, gâr jê̆ jêh ri ăp ntil gong kreh huy khân may rơm ndrăp chon mon muh măt yơk mbah ma rup gâp ƀư jêh mra jêng ueh; ƀiălah tơlah khân may mâu chon mbah ôh bu mra klŭp khân may tâm năk ŭnh hit, rlong uănh mbu brah dơi tâm rklaih khân may bơh ti gâp?”

Yôhan 16:3

Khân păng mra ƀư lĕ nau nây yorlah khân păng mâu gĭt năl Mbơ̆, mâu gĭt Gâp đŏng.

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.

II Têsalônik 1:8

Păng mra tâm rmal phung mâu gĭt năl Brah Ndu jêh ri mâu tông bâr ma Nau Mhe Mhan Ueh bơh Kôranh Brah he jêng Brah Yêsu.

Phung Kôranh Phat Dôih 2:10

Jêh ri lĕ rngôch bunuyh rnôk rô̆ nây lĕ khĭt đŏng, jêh ri geh đŏng rnôk rô̆ phung êng pakơi khân păng; khân păng mâu gĭt năl ôh Brah Yêhôva mâu đŏng gĭt lĕ nau kan Păng ƀư jêh ma phung Israel.

I Samuel 2:12

Nôk nây, bar hê kon bu klâu Y-Êli jêng phung ƀai ngăn, mâu chrê ôh ma Brah Yêhôva.

I Samuel 25:10

Ƀiălah Y-Nabal plơ̆ lah ma phung oh mon Y-Đavit: “Mbu moh Y-Đavit? Mbu nơm jêng kon bu klâu Y-Yêsê? Nar aơ âk ngăn phung oh mon du ndĕ đah kôranh păng!