Nau Ngluh Êjipt 5:10 - Nau Brah Ndu Ngơi 2023

¹⁰ Pôri phung kôranh uănh kan jêh ri phung kôranh mbŭch hăn ngơi ma phung ƀon lan: “Pharaôn hŏ lah kơt aơ: ‘Gâp mâu hôm ƀơk ôh rhe ma khân may.

Nau Ngluh Êjipt 5:10 ပူးပေါင်းရင်းမြစ်များ

Nau Ngluh Êjipt 1:11

Yor ri, phung Êjipt dơm phung kôranh uănh kan gay ƀư rêh ni phung Israel ma nau kan jâk jêr, nchâp đă khân păng ƀư ƀon toyh Pithôm jêh ri ƀon Ramsê gay ma ƀư ntŭk prăp drăp khlay ăn ma Pharaôn.

Nau Ngluh Êjipt 3:7

Brah Yêhôva lah: “Gâp hŏ saơ nanê̆ ngăn nau rêh ni phung ƀon lan Gâp tâm n'gor Êjipt jêh ri gâp hŏ tăng jêh nau khân păng lŭng nter yor phung kôranh uănh kan khân păng. Di ngăn, Gâp gĭt jêh nau nđêh nji khân păng.

Nau Ngluh Êjipt 5:11

Ăn khân may nơm hăn joi êng rhe ta ntŭk khân may dơi saơ; ƀiălah nau kan khân may mâu dơi n'hŭch ôh.’”

Nau Ngluh Êjipt 5:6

Tâm nar nây ro, Pharaôn ntĭnh đă phung kôranh uănh kan jêh ri phung kôranh mbŭch:

Nau Ngluh Êjipt 5:9

Ăn jao ntop kan jâk lơn ma phung nây gay yor âk ir nau kan, rĭ mơ khân păng mâu hôm mĭn rvê ma lĕ nau ngơi mƀruh nây.”

Nau Hôr 29:12

Tơlah kôranh chiă uănh iăt nau ngơi mƀruh, Pôri lĕ rngôch phung oh mon păng jêng djơh.

Êsai 30:6

Nau mbơh lor ma lĕ mpô mpa n'gor Nêgep: Rgăn lam bri rêh ni jêh ri rngot rvê, Bri ma phung yau mŭr me jêh ri nkuăng, Bri ma phung bêh rmâng jêh ri bêh ŭnh mpăr, Khân păng rdeng drăp ndơ khân păng ma ndŭr kơi seh bri, Jêh ri rdeng drăp ndơ khlay khân păng ta klơ vơng seh samô Hăn tât ma du phung ƀon lan mâu jêng khlay ma khân păng ôh.