Nau Ngluh Êjipt 40:34 - Nau Brah Ndu Ngơi 2023

³⁴ Jêh nây geh du ndâr tŭk nkŭm Ngih Bok Nau Tâm Rƀŭn jêh ri nau chrêk rmah Brah Yêhôva bêng Ngih Bok.

Nau Ngluh Êjipt 40:34 ပူးပေါင်းရင်းမြစ်များ

II Samuel 7:6

May gĭt lĕ ntơm bơh nar Gâp njŭn leo phung Israel du luh bơh Êjipt kŏ tât ta nar aơ, Gâp mâu gŭ ôh ma du mlâm ngih brah, ƀiălah Gâp hăn nsong ta aơ ta ri gŭ tâm ngih bok jêh ri Ngih Bok.

II Nau Rêh Jêng 5:13

Phung uh nŭng nđâp ma phung mprơ ăn bu iăt khân păng tâm rnglăp tâm ban du huê, mât ton tâm rnê ma Brah Yêhôva. Khân păng mprơ ndrel nđâp ma bâr nŭng, bâr rgu dang nteh ăn huy, jêh ri lĕ gong êng, jêh ri mât ton ma Brah Yêhôva pô aơ: “Yorlah Kôranh Brah jêng ueh, Nau ueh Păng hôm tât ƀaƀơ n'ho ro!” Nôk nây, ngih Brah Yêhôva geh bêng tŭk

II Nau Rêh Jêng 7:2

Phung kôranh ƀư brah mâu dơi lăp tâm ngih Brah Yêhôva, yor nau chrêk rmah Brah Yêhôva bêng ler ngih brah Păng.

Nau Mprơ Ơm 26:8

Ơ Brah Yêhôva, gâp rŏng ngih May gŭ, Jêh ri ntŭk chrêk rmah May.

Nau Ngluh Êjipt 14:24

Kêng ơm ôi, Brah Yêhôva bơh n'gâng tŭk jêh ri n'gâng ŭnh gŭ uănh ma phung tahan Êjipt jêh ri ƀư ma khân păng uh ah.

Nau Ngluh Êjipt 16:10

Dôl Y-Arôn hôm ngơi ma lĕ rngôch phung Israel tâm rƀŭn, khân păng uănh mpeh let bri rdah jêh ri saơ ro nau chrêk ma lơp Brah Yêhôva tâm mpơl tâm ndâr tŭk.

Nau Ngluh Êjipt 25:8

Khân păng mra ƀư ma Gâp du Ngih Brah Kloh Ueh gay Gâp gŭ tâm nklang khân păng.

Nau Ngluh Êjipt 29:43

Gâp mra tâm mâp đah phung ƀon lan Israel ta nây; ntŭk nây mra dơi kloh ueh ma nau chrêk rmah Gâp.

Nau Ngluh Êjipt 33:9

Nôk Y-Môis lăp jêh tâm Ngih Bok, n'gâng tŭk jŭr ta mpông Ngih Bok; Brah Yêhôva ngơi ma Y-Môis.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 6:4

Bâr phung nter huy ngăn ƀư ma lĕ n'gâng mpông ta ntŭk mbong mpông sâr n'gơ, jêh ri ngih brah bêng ma nhhŭk ŭnh.

Êsêkiêl 10:4

Nau chrêk rmah Brah Yêhôva hao du klơ tă bơh chêrub jêh ri dâk ta ntŭk kađar lăp mpông sâng ngih brah. Ngih brah bêng ndâr tŭk jêh ri tâm nkual nhuang bêng nau chrat ang chrêk ma lơp Brah Yêhôva.

Kan Lêvi 16:2

“Ăn may lah hom ma Y-Arôn, nâu may pô aơ, mâu geh lah dah ŭch lăp tâm Ntŭk Dŭt Kloh Ueh tâm trôm blah bok, tanăp ndrŭp nau yô̆ an ta klơ Hip Nau Tâm Rnglăp, tơlah mâu tông mra khĭt yơh, yorlah Gâp mra tâm mpơl tâm ndâr tŭk ta ndrŭp nau yô̆.

Ndrom Samƀŭt bơh Agê 2:7

Gâp n'gơ n'găr lĕ rngôch bri dak tâm ban lĕ, jêh ri drăp ndơ lĕ rngôch bri dak mra văch tât ta aơ; jêh nây Gâp mra ƀư ăn ma ngih brah aơ bêng ma nau chrêk ma lơp.’ Brah Yêhôva ma phung tahan lah pônây.

Ndrom Samƀŭt bơh Agê 2:9

Brah Yêhôva ma phung tahan lah: ‘Nau chrêk ma lơp ngih brah pakơi aơ taơ mra toyh lơn ma nau chrêk ma lơp ngih ntơm saơm. Gâp mra ăn nau đăp mpăn tâm ntŭk aơ.’ Brah Yêhôva ma phung tahan lah pônây.”

Nau Kơp Bunuyh 7:89

Tơlah Y-Môis lăp Ngih Bok Nau Tâm Rƀŭn gay tâm ngơi ndrel đah Brah Yêhôva, păng tăng bâr Kôranh Brah ngơi ma păng nơm tă bơh ndrŭp nau yô̆ an ta klơ Hip Nau Tâm Rnglăp, ta vah vang bar chêrubim. Jêh ri kơt nĕ păng tâm ngơi ndrel jêh đah Brah Yêhôva.

Samƀŭt Pôl Njuăl Ăn Ma Phung Nsing Ta Ƀon Rôm 9:4

nâm bu ntĭt phung Israel, phung ƀon lan dơi dơn jêng kon mât rŏng, nau chrêk rmah, nau tâm rnglăp, nau vay, nau yơk mbah, jêh ri nau ton;

Nau Tâm Mpơl 15:8

Ngih brah bêng ma nhhŭk ŭnh tă bơh nau chrêk rmah Brah Ndu jêh ri nau brah Păng; mâu geh ôh du huê klăp dơi lăp tâm ngih brah kŏ tât pơh ntil nau rêh ni tă bơh pơh nuyh tông mpăr lĕ lôch jêh.

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.