Nau Ngluh Êjipt 4:23 - Nau Brah Ndu Ngơi 2023

²³ Rĭ dĭng Gâp lah ma may: Ăn kon Gâp hăn hom, gay ma păng dơi pah kan ma Gâp. Tơlah may dun mâu ăn ôh păng hăn, aơ, gâp mra nkhĭt kon bu klâu may deh dak bôk.’”

Nau Ngluh Êjipt 4:23 ပူးပေါင်းရင်းမြစ်များ

Nau Mprơ Ơm 105:36

Păng nkhĭt đŏng lĕ rngôch kon bôk rah tâm n'gor, Nây jêng nau ueh ngăn nau ktang khân păng.

Nau Mprơ Ơm 135:8

Păng dong nkhĭt phung kon bu klâu bôk rah tâm n'gor Êjipt, Ntơm bơh bunuyh kŏ tât ma mpô mpa.

Nau Mprơ Ơm 136:10

Păng yơh nơm dong khĭt phung kon bu klâu bôk rah bri Êjipt, Yor nuih n'hâm ueh Păng hôm tât n'ho ro.

Nau Mprơ Ơm 78:51

Păng lơh khĭt lĕ rngôch kon bôk rah tâm n'gor Êjipt, Nây jêng nau ueh nau ktang tâm lĕ ngih bok Cham.

Nau Ngluh Êjipt 10:3

Y-Môis jêh ri Y-Arôn hăn tât ta Pharaôn jêh ri lah: “Brah Yêhôva jêng Brah Ndu phung Hêbrơ lah: ‘Ndah nâm jŏ may mâu ŭch ntrŭnh may nơm tanăp măt Gâp? Ăn phung ƀon lan Gâp hăn, gay ma khân păng dơi pah kan ma Gâp.

Nau Ngluh Êjipt 10:4

Tơlah may mâu ăn ôh phung ƀon lan Gâp hăn, aơ, ôi taơ Gâp mra ăn phung krah văch tâm lam n'gor bri may.

Nau Ngluh Êjipt 11:5

Lĕ rngôch kon bu klâu bôk rah tâm n'gor Êjipt mra khĭt; ntơm bơh kon dak bôk Pharaôn, nơm dôl chiă uănh bri dak kŏ tât đŏng ma kon bôk rah oh mon bu ur kơl kan dôl kĭn ba, jêh ri nđâp ma kon bôk rah mpô mpa rong khân păng đŏng.

Nau Ngluh Êjipt 12:29

Ta klong măng, Brah Yêhôva ƀư nau nđêh nji lĕ rngôch phung kon bôk rah tâm n'gor Êjipt, ntơm bơh kon bôk rah Pharaôn nơm dôl chiă uănh kŏ tât kon bôk rah lĕ rngôch phung bu nă dôl krŭng tâm ndrung, nđâp ma lĕ rngôch kon dak bôk mpô mpa rong.

Nau Ngluh Êjipt 13:15

Nôk Pharaôn dăng nuih n'hâm mâu ăn ôh hên hăn du luh, Brah Yêhôva hŏ nkhĭt lĕ rngôch kon dak bôk tâm n'gor Êjipt, ntơm bơh kon bu klâu bôk rah bunuyh kŏ tât kon dak bôk mpô mpa rong. Yor nây dĭng gâp nhhơr ma Brah Yêhôva dĭng lĕ rngôch kon nkuăng dak bôk jêng ndơ ƀư brah, jêh ri tâm chuai kon bu klâu bôk rah tâm phung kon bu klâu gâp.’

Nau Ngluh Êjipt 18:8

Y-Môis nkoch tay ma po păng lĕ rngôch nau Brah Yêhôva hŏ ƀư jêh ma Pharaôn jêh ri ma phung Êjipt yor phung Israel, lĕ rngôch nau hŏt rgănh tât ta ma khân păng rŏ trong, jêh ri mâm nau Brah Yêhôva tâm rklaih khân păng.

Nau Ngluh Êjipt 3:18

Khân păng mra iăt tĭng bâr may ngơi. Pôri ăn may jêh ri phung kôranh bu ranh Israel hăn tât tâm mâp đah hađăch Êjipt jêh ri lah: ‘Brah Yêhôva, Brah Ndu phung Hêbrơ, hŏ tâm mpơl jêh đah hên. Aƀaơ, dăn ma hađăch ăn hên pe nar hăn trong lăp tâm bri rdah gay nhhơr mpa ƀư brah ma Yêhôva Brah Ndu hên.’

Nau Ngluh Êjipt 5:1

Jêh nây, Y-Môis jêh ri Y-Arôn hăn mbơh ma Pharaôn jêh ri lah: “Brah Yêhôva, Brah Ndu phung Israel, lah: ‘Ăn phung ƀon lan Gâp hăn gay ma khân păng nkra nau tâm rƀŭn yơk mbah ma Gâp tâm bri rdah.’”

Nau Ngluh Êjipt 6:11

“Hăn ngơi hom đah Pharaôn, hađăch Êjipt, gay ma păng ăn phung ƀon lan Israel luh bơh n'gor păng.”

Nau Ngluh Êjipt 7:16

Ăn may mbơh ma păng pô aơ Brah Yêhôva, jêng Brah Ndu phung Hêbrơ hŏ đă gâp tât gay mâp may jêh ri lah ma may: ‘Ăn phung ƀon lan Gâp luh du gay ma khân păng dơi pah kan ma Gâp tâm bri rdah; ƀiălah tât aƀaơ may mâu ôh mâp tông bâr.’

Nau Ngluh Êjipt 8:1

Brah Yêhôva lah tay ma Y-Môis: “Hăn mâp hom Pharaôn, jêh ri lah ma păng: Brah Yêhôva lah pô aơ: ‘Ăn phung ƀon lan Gâp hăn gay ma khân păng pah kan ma Gâp.

Nau Ngluh Êjipt 8:16

Brah Yêhôva lah tay ma Y-Môis: “Ngơi hom ma Y-Arôn: ‘Yơr hom mâng jra, mbang klơ ndruyh neh, ndruyh neh muy mra jêng măch tâm lam n'gor Êjipt.’”

Nau Ngluh Êjipt 8:17

Bar hê khân păng ƀư di kơt nây. Y-Arôn yơr mâng jra kuăn tâm ti, mbang klơ ndruyh neh, ndruyh jêng măch jôp ta bunuyh jêh ri ta mpô mpa; lĕ rngôch ndruyh neh jêng măch tâm lam n'gor Êjipt.

Nau Ngluh Êjipt 8:20

Jêh nây, Brah Yêhôva lah ma Y-Môis: “Dâk hom ơm ôi jêh ri tâm mâp ma Pharaôn dôl păng hăn ta kơh dak krong jêh ri lah ma păng pô aơ Brah Yêhôva lah: ‘Ăn phung ƀon lan Gâp hăn gay ma khân păng dơi pah kan ma Gâp.

Nau Ngluh Êjipt 9:1

Brah Yêhôva lah ma Y-Môis: “Hăn tâm mâp hom ma Pharaôn jêh ri lah ma păng pô aơ Brah Yêhôva, jêng Brah Ndu ma phung Hêbrơ lah: ‘Ăn phung ƀon lan Gâp hăn, gay ma khân păng dơi pah kan ma Gâp.

Nau Ngluh Êjipt 9:13

Jêh nây, Brah Yêhôva lah ma Y-Môis: “Ôi taơ ăn may dâk ơm ôi, dâk tanăp măt Pharaôn jêh ri lah pô aơ Brah Yêhôva, jêng Brah Ndu phung Hêbrơ lah: ‘Ăn phung ƀon lan gâp hăn, gay ma khân păng dơi pah kan ma Gâp.

Nau Ngluh Êjipt 9:2

Yorlah tơlah may mâu ŭch ăn ôh khân păng hăn jêh ri hôm kân khân păng

Ndrom Samƀŭt bơh Ôsê 11:1

“Dôl Israel hôm kon se jê̆ Gâp hŏ rŏng jêh păng; Gâp ntơ kon bu klâu Gâp luh tă bơh n'gor bri Êjipt.