Nau Ngluh Êjipt 4:21 - Nau Brah Ndu Ngơi 2023

²¹ Brah Yêhôva lah ma Y-Môis: “Lah may plơ̆ sĭt ta n'gor Êjipt, ăn may ƀư lĕ rngôch nau mbên khlay Gâp hŏ jao jêh tâm ti may gay ƀư tanăp Pharaôn. Ƀiălah Gâp mra ƀư ăn hađăch Êjipt dăng nuih n'hâm, mâu ăn ôh phung ƀon lan hăn.

Nau Ngluh Êjipt 4:21 ပူးပေါင်းရင်းမြစ်များ

Nau Ntơm 6:3

Brah Yêhôva lah: “Huêng Brah Gâp mâu mra gŭ mro ôh tâm kon bunuyh yorlah khân păng knŏng jêng nglay săk, nau rêh bunuyh mra hôm e du rhiăng bar jât năm dơm.”

I Phung Hađăch 22:22

Brah nây lah: ‘Gâp mra hăn jêh ri ƀư du huê brah ngơi mƀruh tâm trôm mbung lĕ rngôch nơm mbơh lor păng.’ Brah Yêhôva lah: ‘Di ngăn, may mra ndơm păng. Hăn hom jêh ri ƀư kơt nĕ.’

Nau Mprơ Ơm 105:25

Păng ƀư ma phung Êjipt plơ̆ tâm rmot ma phung ƀon lan Păng, Tâm nchră ƀư mhĭk ma phung oh mon Păng.

Nau Mprơ Ơm 78:43

Jêng dôl Păng ƀư lĕ nau mbên tâm bri Êjipt Jêh ri lĕ kan khlay tâm ndrêch gơ̆ Sôan.

Nau Ngluh Êjipt 10:1

Brah Yêhôva lah ma Y-Môis: “Hăn mâp hom Pharaôn, yorlah Gâp hŏ ƀư dăng jêh nuih n'hâm hađăch nây jêh ri phung oh mon păng, gay ma Gâp dơi tâm mpơl nau mbên khlay aơ ta nklang khân păng,

Nau Ngluh Êjipt 10:20

Ƀiălah Brah Yêhôva ƀư dăng nuih Pharaôn; hađăch nây mâu ăn phung ƀon lan Israel hăn ôh.

Nau Ngluh Êjipt 10:27

Ƀiălah Brah Yêhôva ƀư dăng nuih n'hâm Pharaôn, păng mâu ăn ôh phung Israel dâk hăn.

Nau Ngluh Êjipt 11:10

Y-Môis jêh ri Y-Arôn ƀư lĕ rngôch nau mbên khlay aơ tanăp Pharaôn; ƀiălah Brah Yêhôva ƀư dăng nuih n'hâm Pharaôn, yor ri Pharaôn mâu ăn ôh phung ƀon lan Israel du luh tă bơh n'gor păng.

Nau Ngluh Êjipt 11:9

Brah Yêhôva lah ma Y-Môis: “Pharaôn mâu iăt ôh nau may, gay ma Gâp n'hao âk nau mbên khlay tâm n'gor Êjipt.”

Nau Ngluh Êjipt 14:17

Gâp mra ƀư dăng nuih n'hâm phung Êjipt gay ma khân păng tĭng phung Israel trŭnh tâm dak mƀŭt; Gâp mra geh nau tâm rnê yor Pharaôn, yor lĕ rngôch phung tahan, ndeh seh, jêh ri lĕ rngôch phung tahan ncho seh păng.

Nau Ngluh Êjipt 14:4

Gâp mra ƀư dăng nuih n'hâm Pharaôn, jêh ri păng mra hăn tĭng phung ƀon lan nây. Ƀiălah Gâp mra dơi geh nau tâm rnê yor Pharaôn jêh ri lĕ rngôch phung tahan păng; phung Êjipt mra gĭt Gâp jêng Brah Yêhôva.” Phung ƀon lan Israel hŏ ƀư di kơt nây.

Nau Ngluh Êjipt 14:8

Brah Yêhôva ƀư dăng nuih Pharaôn, hađăch Êjipt jêh ri păng hăn tĭng phung ƀon lan Israel, tâm nôk phung ƀon lan Israel hăn du luh ma nau janh.

Nau Ngluh Êjipt 3:19

Ƀiălah, Gâp gĭt hađăch Êjipt mâu mra ăn khân may hăn ôh, tơlah mâu geh mpang ti nau brah dơi kơl an.

Nau Ngluh Êjipt 3:20

Yor ri, Gâp mra yơr ti rmal n'gor Êjipt đah lĕ nau mbên mha Gâp mra ƀư tâm n'gor nây, jêh nây khân păng mra ăn khân may hăn.

Nau Ngluh Êjipt 7:13

Nuih n'hâm Pharaôn ăt hôm dăng, mâu iăt ôh nau Y-Môis jêh ri Y-Arôn, di nâm nau Brah Yêhôva hŏ lah jêh.

Nau Ngluh Êjipt 7:3

Ƀiălah Gâp mra ƀư dăng nuih n'hâm Pharaôn, jêh ri nđâp lah Gâp ăn lơ n'hao âk nau mbên khlay tâm n'gor Êjipt

Nau Ngluh Êjipt 8:11

Kĭt mra du tă bơh may, ngih may, phung oh mon may, jêh ri bơh phung ƀon lan may; knŏng hôm e tâm dak krong dơm.”

Nau Ngluh Êjipt 8:15

Ƀiălah dôl Pharaôn saơ păng nơm klaih jêh, nuih n'hâm păng plơ̆ dăng tay, mâu hôm ŭch tông ôh nau Y-Môis jêh ri Y-Arôn, di nâm nau Brah Yêhôva hŏ lah jêh.

Nau Ngluh Êjipt 8:32

Ƀiălah tal aơ, Pharaôn ăt dăng tay nuih n'hâm, mâu ăn phung ƀon lan dâk hăn.

Nau Ngluh Êjipt 9:12

Brah Yêhôva ƀư dăng nuih n'hâm Pharaôn, mâu iăt ôh nau Y-Môis jêh ri Y-Arôn, di tĭng nâm nau Brah Yêhôva lah jêh ma Y-Môis.

Nau Ngluh Êjipt 9:35

Nuih n'hâm Pharaôn jêng dăng tay, mâu ăn ôh phung ƀon lan Israel hăn, di tĭng nâm Brah Yêhôva hŏ lah jêh ma Y-Môis.

Êsai 6:10

Ƀư hom ma phung ƀon lan aơ rluk mâl, Tê̆k trôm tôr, nhêp măt; Klach lah măt khân păng dơi saơ, Tôr khân păng dơi tăng, Nuih n'hâm khân păng dơi gĭt rbăng, Jêh nây khân păng plơ̆ sĭt jêh ri bu ƀư bah!”

Êsai 63:17

Ơ Brah Yêhôva, mâm ƀư May ăn hên nkhah du bơh trong may? Mâm dĭng ăn nuih n'hâm hên dăng kŏ tât hên mâu hôm klach yơk ma May ôh? Yor phung oh mon May jêh ri phung ndŭl mpôl drăp ndơn May. Dăn Kôranh Brah plơ̆ sĭt hom!

Yôhan 12:40

“Brah Yêsu ƀư ăn măt khân păng chieh, Nuih n'hâm khân păng dăng, Klach lah măt khân păng dơi saơ, Nuih n'hâm khân păng gĭt rbăng jêh ri rmal nau tih, Gay ma Gâp ƀư bah khân păng.”

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.

Samƀŭt Pôl Njuăl Ăn Ma Phung Nsing Ta Ƀon Rôm 9:18

Nâm bu pônây, Brah Ndu ŭch yô̆ nđach ma mbu nơm Păng yô̆ nđach, Mbu nơm Păng ŭch ƀư dăng nuih n'hâm Păng mra ƀư.

II Kôrintô 2:16

Ma phung bunuyh geh nau rai yot, hên jêng ndơ ƀâu nau khĭt, njŭn leo tât nau khĭt; ma phung bunuyh geh nau tâm rklaih, hên jêng ƀâu nau rêh, njŭn leo tât nau rêh. Mbu nơm jêng bunuyh dơi ƀư lĕ nau aơ?

Nau Vay Nkah Tay 2:36

Ntơm bơh Arôer gŭ ta kơh dak krong Arnôn, jêh ri bơh ƀon toyh gŭ tâm rlŭng tât ta Gilêat, mâu geh ôh du ƀon toyh nâp ir đah he. Yêhôva Brah Ndu he hŏ jao jêh ăp ntil ma he.

Yôsuê 11:20

Yorlah Brah Yêhôva ƀư ma phung hađăch nây dăng nuih n'hâm tâm rdâng đah phung Israel, gay ma khân păng mra rai lĕ, mâu dơi geh nau yô̆ nđach ôh, di nâm Brah Yêhôva ntăm jêh ma Y-Môis.

I Pêtrôs 2:8

jêh ri jêng “Lŭ ƀư chêh jâng, Lŭ toyh ƀư chêh prah bu;” Khân păng chêh prah yorlah mâu tông prăp ma nau chroh, tâm ban ma tâm nal jêh ma khân păng.