Nau Ngluh Êjipt 4:15 - Nau Brah Ndu Ngơi 2023

¹⁵ Ăn may ngơi đah nâu may, jêh ri dăp dơm rplay ngơi tâm trôm mbung păng. Gâp mra gŭ ndrel ma trôm mbung may nđâp ma trôm mbung nâu may jêh ri nti khân may moh ndơ mra ƀư.

Nau Ngluh Êjipt 4:15 ပူးပေါင်းရင်းမြစ်များ

II Samuel 14:3

Jêh nây hăn văch hom tâm mâp đah hađăch, mbơh ma păng kơt aơ...” Jêh ri Y-Jôap nti lĕ nau păng mra ngơi.

Nau Mprơ Ơm 25:12

Mbu nơm klach yơk ma Brah Yêhôva? Păng mra ntĭm nti nơm nây tâm trong păng mra săch.

Nau Mprơ Ơm 51:15

Ơ Kôranh Brah, pơk hom trôm mbung gâp Jêh ri bâr mbung gâp mra mbơh nau mprơ tâm rnê ma May.

Nau Ngluh Êjipt 3:12

Brah Ndu lah: “Gâp mra gŭ ndrel ma may. Aơ jêng nau tâm mbên gay ma may gĭt nal Gâp hŏ đă may hăn: Jêh may hŏ njŭn leo phung ƀon lan luh bơh n'gor Êjipt, jêh ri khân may mra yơk mbah Brah Ndu ta klơ yôk aơ.”

Nau Ngluh Êjipt 4:12

Pôri aƀaơ ri ăn hăn hom, Gâp mra gŭ ndrel ma trôm mbung may jêh ri nti may lĕ nau may mra ngơi.”

Nau Ngluh Êjipt 4:28

Y-Môis nkoch tay ma Y-Arôn lĕ rngôch nau ngơi Brah Yêhôva đă păng ngơi jêh ri lĕ rngôch nau mbên khlay Brah Yêhôva đă păng ƀư.

Nau Ngluh Êjipt 4:30

Y-Arôn nkoch tay lĕ rngôch nau Brah Yêhôva hŏ ngơi jêh đah Y-Môis, jêh ri ƀư lĕ nau mbên khlay tanăp phung ƀon lan.

Êsai 51:16

Gâp dơm jêh nau gâp ngơi tâm trôm mbung may, Jêh ri pôn jêh may tâm dâng gui ti Gâp, Tâm nôk ndâk lĕ ndâr trôk, Dơm mbon rplay neh, Jêh ri lah ma ƀon Siôn pô aơ: ‘Khân may jêng phung ƀon lan Gâp.’”

Êsai 59:21

Brah Yêhôva lah: “Bi Gâp be, aơ jêng nau tâm rnglăp Gâp ƀư đah khân păng: ‘Brah Huêng Ueh Gâp gŭ ta klơ khân may, jêh ri lĕ nau Gâp ngơi hŏ dơm jêh tâm trôm mbung khân may mâu mra du bơh trôm mbung khân may ôh, tâm trôm mbung phung noi deh khân may, jêh ri tâm trôm mbung phung sau khân may, ntơm bơh aƀaơ tât ta n'ho ro!’ ” Brah Yêhôva lah kơt nĕ.

Yêrêmi 1:9

Pôri Brah Yêhôva yơr ti bi ta mbung gâp. Brah Yêhôva lah ma gâp: “Aơ, Gâp hŏ dơm jêh nau Gâp tâm mbung may.

Yêrêmi 36:32

Y-Yêrêmi sŏk đŏng du ndrom samƀŭt ntâu êng ăn ma kôranh nchih samƀŭt Y-Baruk, kon bu klâu Y-Nêria. Păng nchih tay tĭng lĕ rngôch nau bơh mbung Y-Yêrêmi hŏ geh nchih jêh nau ngơi tâm ndrom samƀŭt ntâu Y-Jêhôjakim, hađăch Yuđa, hŏ su jêh tâm ŭnh. Păng kơi ntop âk nau ngơi ƀoi nĕ.

Nau Kơp Bunuyh 16:28

Y-Môis lah: “Yor nau aơ, khân may mra gĭt năl ma Brah Yêhôva geh njuăl gâp ƀư lĕ kan aơ, jêh ri mâu di tĭng nâm gâp nơm ŭch ôh.

Nau Kơp Bunuyh 22:38

Y-Balaam ơh nau ma Y-Balak pô aơ: “Aƀaơ, gâp văch jêh ma may, ƀiălah gâp geh lĕ nau dơi ngơi ƀaƀă aƀaơ ri? Gâp knŏng lah nau Brah Ndu dơm tâm trôm mbung gâp.”

Nau Kơp Bunuyh 23:12

Y-Balaam plơ̆ lah: “Gâp mâu njrăng gay ngơi moh nau Brah Yêhôva dơm jêh tâm trôm mbung gâp?”

Nau Kơp Bunuyh 23:16

Brah Yêhôva tâm mpơl ma Y-Balaam jêh ri dơm nau ngơi tâm trôm mbung păng gay lah. Păng lah: “Plơ̆ sĭt hom ma Y-Balak jêh ri ngơi pô aơ.”

Nau Kơp Bunuyh 23:5

Brah Yêhôva dơm nau ngơi tâm trôm mbung Y-Balaam jêh ri lah: “Plơ̆ sĭt hom ma Y-Balak jêh ri ngơi pô aơ.”

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

I Kôrintô 11:23

Yorlah gâp geh dơn tă bơh Kôranh Brah nau gâp nti ma khân may: Nây jêng tâm măng bu jao Brah Yêsu ma bu, Păng sŏk piăng let,

I Kôrintô 15:1

Hơi phung oh nâu, gâp ŭch nkah khân may Nau Mhe Mhan Ueh gâp hŏ mbơh nkoch jêh ri khân may sŏk dơn jêh, tâm nau nây lĕ khân may gŭ nâp.

Nau Vay Nkah Tay 18:18

Tă bơh nklang phung oh nâu khân păng, Gâp mra n'hao ma khân păng du huê nơm mbơh lor nâm bu may. Gâp mra dơm nau Gâp ngơi tâm mbung bunuyh nây, jêh ri bunuyh nây mra ngơi ma khân păng lĕ nau Gâp ntĭnh jêh.

Nau Vay Nkah Tay 5:31

Ƀiălah ăn may gŭ ta aơ ndrel Gâp, Gâp mra mbơh ma may lĕ nau vay ntăm, nau vay dăp jêh ri nau vay ƀư bơh may mra ntĭm tay ma phung ƀon lan gay ma khân păng ƀư kơt tĭng nau nây tâm n'gor Gâp mra ăn ma khân păng gay ƀư drăp ndơn.’

I Samuel 16:3

May mra jă Y-Yêsê tât râng nau ƀư brah. Gâp mra ăn ma may gĭt nau may mra ƀư, jêh nây may mra sŏk amoh Gâp tŏ dak ƀâu kah ma nơm Gâp mra ntĭm ăn ma may.”