Nau Ngluh Êjipt 4:13 - Nau Brah Ndu Ngơi 2023

¹³ Y-Môis ơh: “Ơ! Kôranh Brah, dăn Kôranh Brah đă nơm êng.”

Nau Ngluh Êjipt 4:13 ပူးပေါင်းရင်းမြစ်များ

Nau Ntơm 24:7

Brah Yêhôva jêng Brah Ndu klơ trôk, Nơm hŏ djôt leo gâp luh bơh ngih mbơ̆ gâp jêh ri ƀon tơm gâp, hŏ ngơi jêh ri ton ma gâp pô aơ: ‘Gâp mra ăn n'gor aơ ma noi deh may!’ Păng nơm mra njuăl phung tông mpăr hăn tanăp may, jêh ri may mra joi ur ma kon bu klâu gâp bơh ntŭk nây.

Nau Ntơm 41:35

Dăn hađăch lah ma khân păng bun prăp lĕ rngôch ndơ sông sa dơi geh dôl pơh năm yan dăch tât, jêh ri ăn khân păng geh bun ba ƀlê tâm lĕ ƀon toyh gay ƀư ndơ sông sa. Khân păng mât mray lĕ jay prăp ndơ sông sa nây.

Nau Ntơm 48:16

Jêng Tông Mpăr hŏ rklaih jêh gâp bơh lĕ nau mhĭk, Dăn Kôranh Brah ăn nau ueh uĭn ma bar hê kon se aơ, Ăn khân păng sŏk amoh gâp Jêh ri chô yau gâp jêng Y-Abraham jêh ri Y-Isăk. Ăn ma khân păng jêng bĭk rơ̆ âk râk klơ neh ntu!”

I Phung Hađăch 19:4

Bi păng hăn trong du nar đŏng lăp tâm bri rdah. Păng gŭ tâm dâng du tơm si n'ho toyh jêh ri mbơh sơm dăn ma păng khĭt: “Hơi Kôranh Brah! Lĕ găp jêh. Dăn ma May nglôch lơi nau rêh gâp, yorlah gâp mâu jêng ueh lơn ôh đah phung chô yau gâp.”

Nau Ngluh Êjipt 23:20

“Aơ, Gâp njuăl du huê tông mpăr hăn panăp kon gay mât mơh kon tâm trong hăn jêh ri leo kon lăp ta ntŭk Gâp hŏ nkra jêh.

Nau Ngluh Êjipt 4:1

Y-Môis plơ̆ lah: “Ƀiălah, khân păng mâu mra iăt ôh jêh ri mâu iăt ro nau gâp ngơi, yorlah khân păng mra lah: ‘Brah Yêhôva mâu mâp ôh tâm mpơl đah may.’”

Nau Ngluh Êjipt 4:12

Pôri aƀaơ ri ăn hăn hom, Gâp mra gŭ ndrel ma trôm mbung may jêh ri nti may lĕ nau may mra ngơi.”

Nau Ngluh Êjipt 4:14

Brah Yêhôva luh ji nuih ma Y-Môis, Păng lah: “Mâu di bơh Y-Arôn, bunuyh Lêvi, jêng nâu may ƀơh? Gâp gĭt păng geh blau ngơi ueh. Aơ, păng văch gay tâm mâp đah may; lah păng saơ may, păng mra geh nau maak ngăn tâm nuih n'hâm.

Yêrêmi 1:6

Gâp lah: “Ơ! Brah Yêhôva ơi! Gâp mâu blau mâm nau ngơi, yorlah gâp hôm mom ndăm.”

Yêrêmi 20:9

Tơlah gâp ngơi: “Gâp mâu mra ngơi tât ma Păng đŏng ôh; Gâp mâu mra tâm amoh Păng đŏng ôh,” Nau May ngơi nâm bu chiông ŭnh su hit nuih n'hâm gâp, Put ndâp tâm nting gâp, Gâp hŏt rgănh yor nau ât rklăk, Mâu hôm dơi dơn ôh.

Yônais 1:3

Ƀiălah Y-Yôna dâk hăn du pôn ma bri Tarsis gay der bơh panăp măt Brah Yêhôva. Păng hăn jŭr ta ƀon Jôpa mâp du mlâm kumpăn hăn ma bri Tarsis. Y-Yôna ăn prăk ncho jêh ri jŭr kumpăn hăn Tarsis ndrel khân păng gay der bơh panăp Brah Yêhôva.

Yônais 1:6

Kôranh kumpăn văch dăch ma păng jêh ri lah: “Dơi lĕ may gŭ bê̆ch? Hăn dâk hom! Kuăl hom ma brah may. Klăp lah brah nây mra kah gĭt tay he pôri he mra klaih khĭt.”

Mathay 13:41

Kon Bunuyh mra njuăl phung tông mpăr Păng nhŭp lĕ rngôch phung ƀư mhĭk jêh ri lĕ rngôch phung ƀư djơh ngluh lơi bơh ƀon bri hađăch Păng,

Yôhan 6:29

Brah Yêsu plơ̆ lah: “Nau pah kan Brah Ndu jêng khân may chroh ma Nơm Brah Ndu hŏ njuăl văch jêh.”

Phung Kôranh Phat Dôih 2:1

Tông mpăr Brah Yêhôva hăn hao bơh Gilgal tât ta Bôkim jêh ri lah pô aơ: “Gâp hŏ leo jêh khân may du luh bơh n'gor Êjipt, njŭn leo khân may lăp tâm n'gor Gâp sơm ton ăn ma phung chô yau khân may. Gâp hŏ lah: ‘Gâp mâu mra chalơi ôh nau tâm rnglăp Gâp hŏ rdâk jêh đah khân may,