Nau Ngluh Êjipt 4:12 - Nau Brah Ndu Ngơi 2023

¹² Pôri aƀaơ ri ăn hăn hom, Gâp mra gŭ ndrel ma trôm mbung may jêh ri nti may lĕ nau may mra ngơi.”

Nau Ngluh Êjipt 4:12 ပူးပေါင်းရင်းမြစ်များ

Nau Mprơ Ơm 105:26

Păng njuăl oh mon Păng jêng Y-Môis Jêh ri Y-Arôn nơm Păng săch jêh.

Nau Mprơ Ơm 143:10

Sâm nti gâp ƀư tĭng nau May ŭch, Yorlah May jêng Brah Ndu gâp; Brah May jêng ueh Njŭn leo gâp tâm neh lâng.

Nau Mprơ Ơm 32:9

Lơi ta jêng nâm bu seh jêh ri seh bri jêng ndơ mâu geh nau gĭt rbăng Bu n'găm trôm mbung ma gang jêh ri ma rse ndrăn mhe, gay ma khân păng dơi iăt nau, Tơlah mâu, khân păng mâu mra hăn dăch may ôh.

Nau Ngluh Êjipt 3:12

Brah Ndu lah: “Gâp mra gŭ ndrel ma may. Aơ jêng nau tâm mbên gay ma may gĭt nal Gâp hŏ đă may hăn: Jêh may hŏ njŭn leo phung ƀon lan luh bơh n'gor Êjipt, jêh ri khân may mra yơk mbah Brah Ndu ta klơ yôk aơ.”

Nau Ngluh Êjipt 4:13

Y-Môis ơh: “Ơ! Kôranh Brah, dăn Kôranh Brah đă nơm êng.”

Nau Ngluh Êjipt 4:15

Ăn may ngơi đah nâu may, jêh ri dăp dơm rplay ngơi tâm trôm mbung păng. Gâp mra gŭ ndrel ma trôm mbung may nđâp ma trôm mbung nâu may jêh ri nti khân may moh ndơ mra ƀư.

Nau Ngluh Êjipt 4:16

Nâu may mra jêng nơm sâm ngơi ma may tanăp phung ƀon lan, jêng trôm mbung ăn ma may, bi may mra jêng nâm Brah Ndu ăn ma păng.

Êsai 49:2

Păng ƀư ăn trôm mbung gâp jêng tâm ban ma đao hơr ngăn, Păng pôn jêh gâp tâm gui ti Păng. Păng ƀư ma gâp tâm ban chiông hăr mplanh, Jêh ri Păng pôn jêh gâp tâm dĭng hăr Păng.

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Yêrêmi 1:9

Pôri Brah Yêhôva yơr ti bi ta mbung gâp. Brah Yêhôva lah ma gâp: “Aơ, Gâp hŏ dơm jêh nau Gâp tâm mbung may.

Nau Kơp Bunuyh 16:28

Y-Môis lah: “Yor nau aơ, khân may mra gĭt năl ma Brah Yêhôva geh njuăl gâp ƀư lĕ kan aơ, jêh ri mâu di tĭng nâm gâp nơm ŭch ôh.

Markôs 13:11

Tơlah bu jao khân may ma nau phat dôih, lơi rvê lor ma nau khân may mra ngơi, ƀiălah ta mông nây, ngơi hom tĭng nau ngơi mra ăn ma khân may; yorlah mâu di khân may mra ngơi ôh, ƀiălah Brah Huêng Ueh yơh.

Luka 11:1

Brah Yêsu mbơh sơm ta du ntŭk. Tơlah mbơh sơm lôch jêh, du huê oh mon lah ma Păng: “Hơi Kôranh, dăn nti ăn hên mbơh sơm, nâm bu Y-Yôhan nti jêh phung oh mon păng kơt nây.”

Yôhan 14:26

Ƀiălah Nơm Bonh Leng, nâm bu ntĭt Brah Huêng Ueh, Mbơ̆ mra njuăl văch tâm amoh Gâp, Păng mra nti lĕ rngôch ndơ ma khân may, jêh ri nkah ma khân may kah gĭt lĕ rngôch lĕ nau Gâp lah jêh ma khân may.

Êphêsô 6:19

Dăn mbơh sơm đŏng ma gâp, gay tơlah gâp hă mbung, Brah Ndu ăn ma gâp geh nau nti lah, jêh ri gâp nănh mbơh nau khlay ndâp bơh Nau Mhe Mhan Ueh;

Nau Vay Nkah Tay 18:18

Tă bơh nklang phung oh nâu khân păng, Gâp mra n'hao ma khân păng du huê nơm mbơh lor nâm bu may. Gâp mra dơm nau Gâp ngơi tâm mbung bunuyh nây, jêh ri bunuyh nây mra ngơi ma khân păng lĕ nau Gâp ntĭnh jêh.