Nau Ngluh Êjipt 4:11 - Nau Brah Ndu Ngơi 2023

¹¹ Brah Yêhôva lah ma păng: “Mbu nơm njêng trôm mbung bunuyh? Mbu ăn bunuyh jêng mlo, jêng tê̆k, jêng dơi saơ, jêng chieh măt? Ơm mâu di Gâp, jêng Brah Yêhôva Nơm ƀư ndơ nây?

Nau Ngluh Êjipt 4:11 ပူးပေါင်းရင်းမြစ်များ

Nau Ntơm 11:7

Găp jêh! Ăn He jŭr hom, ƀư tâm rlŭk nau ngơi khân păng, gay ma khân păng mâu dơi gĭt rbăng nau ngơi ndrăng khân păng nơm.”

Nau Ntơm 18:14

Geh lĕ moh ntil nau jêr ir kŏ tât Brah Yêhôva mâu dơi ƀư? Tât yan lĕ tâm nal, năm taơ Gâp mra plơ̆ tay ma may, jêh ri H'Sara mra geh du huê kon bu klâu.”

Nau Mprơ Ơm 146:8

Brah Yêhôva ăn phung chieh măt dơi lin; Brah Yêhôva kơl phung rdja nuih n'hâm; Brah Yêhôva rŏng ma phung sŏng srăng.

Nau Mprơ Ơm 51:15

Ơ Kôranh Brah, pơk hom trôm mbung gâp Jêh ri bâr mbung gâp mra mbơh nau mprơ tâm rnê ma May.

Nau Mprơ Ơm 94:9

Nơm njêng jêh trôm tôr mâu mra tăng lĕ? Nơm njêng jêh măt mâu mra saơ lĕ?

Nau Hôr 20:12

Tôr gay tăng, măt gay saơ, Brah Yêhôva hŏ njêng jêh lĕ bar.

Êsai 42:7

Gay pơk măt phung chieh măt, Ngluh phung bu nă bơh ndrung bu krŭng, Phung gŭ tâm nau ngo ngluh bơh ndrung bu krŭng.

Êsai 6:7

Păng rbot trôm mbung gâp ma sa ônh rnga ŭnh sa jêh ri lah: “Aơ, ndơ nây hŏ rbot jêh ta trôm mbung may, bu jut lơi jêh nau kue may, nau tih may bu yô̆ an jêh.”

Yêrêmi 1:6

Gâp lah: “Ơ! Brah Yêhôva ơi! Gâp mâu blau mâm nau ngơi, yorlah gâp hôm mom ndăm.”

Yêrêmi 1:9

Pôri Brah Yêhôva yơr ti bi ta mbung gâp. Brah Yêhôva lah ma gâp: “Aơ, Gâp hŏ dơm jêh nau Gâp tâm mbung may.

Êsêkiêl 33:22

Rnôk nây, kêng mhaơ êlor ma bunuyh klaih nây văch tât, ti Brah Yêhôva dra ta gâp jêh ri Păng hŏ pơk mbung gâp êlor bunuyh klaih nây văch tât kêng ôi. Pônây bâr mbung gâp dơi hă gâp mâu hôm mlo đŏng ôh.

Amôt 3:6

Lah bu uh nŭng tâm ƀon toyh Pôri phung ƀon lan mâu hĕ klach? Geh lĕ nau mhĭk tât ma du rplay ƀon Tơlah Brah Yêhôva mâu ƀư nau nây?

Mathay 11:5

Bunuyh chieh măt dơi saơ ang, bunuyh rvĕn dơi hăn, bunuyh phŭng sa dơi kloh, bunuyh tê̆k dơi tăng, bunuyh khĭt dơi dâk rêh tay, jêh ri bunuyh o ach dơi tăng Nau Mhe Mhan Ueh.

Luka 1:20

Nĕ aơ, may mra mlo, mâu dơi ngơi ôh, tât nar lĕ nau nây tât geh, yorlah may mâu chroh ma nau gâp ngơi, jêng nau mra dơi ƀư nanê̆ di mông.”

Luka 1:64

Ƀât lât, păng hă mbung, mpiăt mpât mbrơi, jêh ri păng ngơi tâm rnê ma Brah Ndu.

Yôhan 10:21

Ƀaƀă bunuyh lah: “Aơ mâu di nau ngơi tă bơh du huê bunuyh geh brah mhĭk lơh ôh. Mâm brah mhĭk dơi pơk măt ma bunuyh chieh?”