Nau Ngluh Êjipt 4:10 - Nau Brah Ndu Ngơi 2023

¹⁰ Y-Môis ngơi đah Brah Yêhôva: “Ơ! Kôranh Brah, bơh kăl e tât aƀaơ jêh ri nđâp ma nôk Kôranh Brah ngơi đah oh mon May, gâp jêng nơm mâu geh blau ngơi ueh, mbung mpiăt gâp ngơi khan.”

Nau Ngluh Êjipt 4:10 ပူးပေါင်းရင်းမြစ်များ

Ndrom Samƀŭt bơh Yôp 12:2

“Di jêh, khân may jêng nau ngơi phung ƀon lan, Lah khân may khĭt, nau blau mĭn n'hêl nanê̆ mra du luh tĭng khân may nơm.

Nau Ngluh Êjipt 3:11

Ƀiălah Y-Môis lah ma Brah Ndu: “Mbu gâp jêng kŏ gâp janh tât ta Pharaôn, jêh ri njŭn leo phung kon Israel luh bơh n'gor Êjipt?”

Nau Ngluh Êjipt 4:1

Y-Môis plơ̆ lah: “Ƀiălah, khân păng mâu mra iăt ôh jêh ri mâu iăt ro nau gâp ngơi, yorlah khân păng mra lah: ‘Brah Yêhôva mâu mâp ôh tâm mpơl đah may.’”

Nau Ngluh Êjipt 6:12

Ƀiălah Y-Môis plơ̆ lah ma Brah Yêhôva: “Ơ Kôranh Brah, gâp jêng bunuyh mâu blau ngơi ueh; phung ƀon lan Israel mâu hŏ ôh iăt nau gâp, mâm dĭng Pharaôn dơi iăt gâp?”

Nau Ngluh Êjipt 6:30

Y-Môis lah ma Brah Yêhôva: “Aơ, gâp jêng bunuyh mâu blau ngơi ueh ôh, mâm dĭng Pharaôn dơi iăt gâp?”

Yêrêmi 1:6

Gâp lah: “Ơ! Brah Yêhôva ơi! Gâp mâu blau mâm nau ngơi, yorlah gâp hôm mom ndăm.”

Mika 6:4

Gâp njŭn leo jêh may du luh bơh n'gor bri Êjipt, Hŏ chuai jêh may du luh bơh ngih jêng bu nă Jêh ri hŏ prơh jêh Y-Môis, Y-Arôn, H'Miriam Văch panăp măt may.

Kôranh Oh Mon 7:22

Y-Môis nti lĕ nau blau mĭn phung Êjipt; păng geh nau dơi tâm nau ngơi jêh ri tâm kan.

II Kôrintô 10:10

Yorlah geh bunuyh lah: “Nôk nchih samƀŭt păng ngơi dăng ngăn jêh ri ktang, ƀiălah tơlah geh măt, păng jêng rdơ̆ rbăn jêh ri nau păng ngơi mâu khlay ôh.”

II Kôrintô 11:6

Nau gâp ngơi nđâp lah mâu blau ngơi ueh kđôi, ƀiălah nau gĭt rbăng mâu jê̆ ôh. Gâp hŏ mpơl rah vah jêh nau nây tâm lĕ rngôch nau geh jêh ri ta nklang lĕ rngôch bunuyh.