Nau Ngluh Êjipt 4:1 - Nau Brah Ndu Ngơi 2023

¹ Y-Môis plơ̆ lah: “Ƀiălah, khân păng mâu mra iăt ôh jêh ri mâu iăt ro nau gâp ngơi, yorlah khân păng mra lah: ‘Brah Yêhôva mâu mâp ôh tâm mpơl đah may.’”

Nau Ngluh Êjipt 4:1 ပူးပေါင်းရင်းမြစ်များ

I Phung Hađăch 13:3

Tâm nar nây, bunuyh Brah Ndu ăn nau mbên khlay jêh ri lah: “Aơ jêng nau mbên khlay gay tâm mpơl pô aơ Brah Yêhôva ngơi jêh: Nơng ƀư brah mra đang jêh ri buh ta klơ nơng ƀư brah mra hŭk.”

Nau Ngluh Êjipt 2:14

Bunuyh nây plơ̆ lah: “Mbu hŏ dăp jêh may jêng kôranh chiă uănh jêh ri kôranh phat dôih ma hên? Klăp lah may ŭch nkhĭt gâp đŏng tâm ban ma may hŏ nkhĭt jêh du huê bunuyh Êjipt ri bơh?” Y-Môis klach jêh ri mĭn: “Nanê̆ bu hŏ gĭt jêh nau nây.”

Nau Ngluh Êjipt 3:15

Brah Ndu lah tay ma Y-Môis: “Ăn may ngơi ma phung ƀon lan Israel kơt aơ: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, njuăl jêh gâp văch ma khân may’: Aơ jêng amoh Gâp n'ho ro, Jêng amoh kah gĭt tâm lĕ rngôch rô̆.

Nau Ngluh Êjipt 3:16

Hăn kuăl rgum hom phung kôranh bu ranh Israel jêh ri lah ma khân păng: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, hŏ tâm mpơl jêh ma gâp jêh ri lah: Gâp hŏ mât mơh ngăn khân may jêh ri saơ jêh lĕ nau bu ƀư ma khân may tâm n'gor Êjipt.

Nau Ngluh Êjipt 3:18

Khân păng mra iăt tĭng bâr may ngơi. Pôri ăn may jêh ri phung kôranh bu ranh Israel hăn tât tâm mâp đah hađăch Êjipt jêh ri lah: ‘Brah Yêhôva, Brah Ndu phung Hêbrơ, hŏ tâm mpơl jêh đah hên. Aƀaơ, dăn ma hađăch ăn hên pe nar hăn trong lăp tâm bri rdah gay nhhơr mpa ƀư brah ma Yêhôva Brah Ndu hên.’

Nau Ngluh Êjipt 4:10

Y-Môis ngơi đah Brah Yêhôva: “Ơ! Kôranh Brah, bơh kăl e tât aƀaơ jêh ri nđâp ma nôk Kôranh Brah ngơi đah oh mon May, gâp jêng nơm mâu geh blau ngơi ueh, mbung mpiăt gâp ngơi khan.”

Nau Ngluh Êjipt 4:30

Y-Arôn nkoch tay lĕ rngôch nau Brah Yêhôva hŏ ngơi jêh đah Y-Môis, jêh ri ƀư lĕ nau mbên khlay tanăp phung ƀon lan.

Nau Ngluh Êjipt 4:31

Phung ƀon lan rnơm. Dôl khân păng tăng Brah Yêhôva hŏ khâl jêh phung ƀon lan Israel nđâp hŏ saơ jêh nau rêh ni khân păng, khân păng kŭnh bôk jêh ri yơk mbah.

Nau Ngluh Êjipt 6:12

Ƀiălah Y-Môis plơ̆ lah ma Brah Yêhôva: “Ơ Kôranh Brah, gâp jêng bunuyh mâu blau ngơi ueh; phung ƀon lan Israel mâu hŏ ôh iăt nau gâp, mâm dĭng Pharaôn dơi iăt gâp?”

Nau Ngluh Êjipt 6:30

Y-Môis lah ma Brah Yêhôva: “Aơ, gâp jêng bunuyh mâu blau ngơi ueh ôh, mâm dĭng Pharaôn dơi iăt gâp?”

Yêrêmi 1:6

Gâp lah: “Ơ! Brah Yêhôva ơi! Gâp mâu blau mâm nau ngơi, yorlah gâp hôm mom ndăm.”

Êsêkiêl 3:14

Huêng Brah chông gâp leo rlet klơ jêh ri leo gâp hăn; gâp hăn nuih n'hâm bêng ma rngot ngăn ngên, ji nuih ngăn. Ti Brah Yêhôva dơm ta klơ gâp ma nau ktang ngăn.

Kôranh Oh Mon 7:25

Păng mĭn ma phung oh nâu păng mra gĭt rbăng ma Brah Ndu dŏng ti păng nơm tâm rklaih khân păng, ƀiălah khân păng mâu gĭt rbăng ôh.

Phung Kôranh Phat Dôih 6:17

Y-Gidêôn ơh: “Tơlah gâp geh nau yô̆ tanăp măt Kôranh Brah, dăn ăn ma gâp du nau tâm mbên gay tâm mpơl nau Kôranh Brah hŏ ngơi jêh ma gâp.