Nau Ngluh Êjipt 38:9 - Nau Brah Ndu Ngơi 2023

⁹ Păng ƀư đŏng ndring ngih. Mpeh pa dâng ndring ngih geh blah bok rjai ƀư ma rse mhay rhên, jong klăp lah puăn jât puăn met,

Nau Ngluh Êjipt 38:9 ပူးပေါင်းရင်းမြစ်များ

I Phung Hađăch 6:36

Hađăch ndâk đŏng nhuang tâm trôm ngih brah đah pe mbor lŭ khlay lĕ trah mon nau njêh ngăn jêh ri du mbor rkăng ma tơm si sêdar.

Nau Mprơ Ơm 100:4

Tâm rnê lah ueh hom jêh ri lăp tâm mpông pêr Păng, Mprơ tâm rnê hom jêh ri lăp tâm nkual ngih Păng. Tâm rnê lah ueh ma Păng, mât ton tâm amoh Păng.

Nau Mprơ Ơm 84:10

Yorlah du nar tâm nkual nhuang May Jêng ueh lơn ma du rbăn nar ta ntŭk êng. Gâp hŏ săch jêh ŭch lơn ƀư bunuyh gak njrăng mpông tâm ngih Brah Ndu Rlau lơn jêng gŭ tâm ngih bok phung ƀai.

Nau Mprơ Ơm 84:2

Huêng gâp ŭch ngăn kŏ tât huăr hươi Ma nkual nhuang Brah Yêhôva; Nuih n'hâm jêh ri nglay săk gâp hă bâr mprơ tâm rnê Ma Brah Ndu gŭ rêh mro mrăng.

Nau Mprơ Ơm 89:7

Brah Ndu khư ma nau klach yơk tâm phung kloh ueh, Khư klach yơk ngăn rlau lơn ma lĕ rngôch phung gŭ văr jŭm păng.

Nau Mprơ Ơm 92:13

Phung bu dơi tăm tâm ngih Brah Yêhôva Mra luh kao tâm nkual nhuang Brah Ndu hên.

Nau Ngluh Êjipt 26:1

“Ăn may dŏng hom jât blah bok gay ƀư Ngih Bok. Khân păng tanh ma rse mhay rhên, brai ĭr, brai chăng krăk, jêh ri brai sut, geh cheh rup chêrubim ma nau nê̆ ueh ngăn.

Nau Ngluh Êjipt 38:10

geh bar jât n'gâng jêh ri bar jât trôm n'gâng ma kông; ƀiălah ndơ nklĕ n'gâng jêh ri rse rêt păng ƀư ma prăk.

Nau Ngluh Êjipt 40:33

Jŭm Ngih Bok jêh ri nơng ƀư brah, păng ndâk ndring ngih da dê jêh ri yông bok ta mpông ndring ngih. Pôri, Y-Môis hŏ ƀư lôch jêh lĕ nau kan.

Nau Ngluh Êjipt 40:8

May ndâk đŏng ndring ngih văr jŭm jêh ri nthăng bok ta mpông ndring ngih.

Nau Kơp Bunuyh 3:26

lĕ bok nching tâm ndring ngih, bok nching ta mpông lăp ta ndring ngih jŭm Ngih Bok jêh ri ta nơng ƀư brah nđâp ma rse ndrăn dŏng ma Ngih Bok.

Nau Kơp Bunuyh 4:26

lĕ bok nching tâm ndring ngih jŭm Ngih Bok jêh ri nơng ƀư brah, bok nching ta bôk mpông lăp tâm ndring ngih, lĕ rse ndrăn jêh ri lĕ rngôch ndơ dŏng tâm nau pah kan.