Nau Ngluh Êjipt 38:24 - Nau Brah Ndu Ngơi 2023

²⁴ Rnoh kơp mah hŏ nhhơr jêh dŏng kan ndâk njêng Ntŭk Kloh Ueh klăp lah du rbăn kilô, tĭng nâm ndơ nhueh bơh Ntŭk Kloh Ueh.

Nau Ngluh Êjipt 38:24 ပူးပေါင်းရင်းမြစ်များ

Nau Ngluh Êjipt 25:2

“Lah hom ma phung ƀon lan Israel nhhơr ndơ ma Gâp. Khân may sŏk dơn ndơ nhhơr bơh lĕ rngôch mbu geh nuih n'hâm nhhơr.

Nau Ngluh Êjipt 29:24

jêh nây may dơm lĕ ndơ nây tâm mpang ti Y-Arôn jêh ri tâm mpang ti phung kon bu klâu păng jêh ri ăn may ƀư nau kan nhhơr ndơ ƀư brah ndơ̆ đah aơ ndơ̆ đah ri tanăp măt Brah Yêhôva.

Nau Ngluh Êjipt 30:24

prao kilô kasia, tĭng nâm ndơ nhueh bơh Ntŭk Kloh Ueh da dê, jêh ri puăn lit dak ngi ôlive.

Nau Ngluh Êjipt 35:22

Pôri phung kon bu klâu nđâp phung bu ur, lĕ rngôch mbu nơm geh nuih n'hâm ŭch êng văch da dê. Khân păng djôt leo mblo tôr, rgên ti, rgên tâp pŏng, kông dok ta ko, lĕ ndơ nkrơ̆ ma mah jêh ri nhhơr ndơ ma mah ma Brah Yêhôva.

Kan Lêvi 27:25

Nau veh rnoh ăn kơt tĭng sêkel di tâm Ntŭk Kloh Ueh. Du sêkel mra jêng bar jât gêra.

Kan Lêvi 27:3

Tơlah păng jêng bu klâu bơh bar jât năm tât ta prao jât năm, ăn khân may kơp rnoh bơi tât prao rhiăng gram prăk, tĭng nâm sêkel prăk di tâm Ntŭk Kloh Ueh.

Kan Lêvi 5:15

“Tơlah geh du huê mâu răp jăp ôh, lăn ƀư tih yorlah mâu nhhơr drăp ndơ prăp ma Brah Yêhôva, yorlah nau tih păng ƀư tih jêh, ăn păng nhhơr ma Brah Yêhôva du mlâm biăp nkuăng mâu têl khap ôh nhŭp tă bơh mpô mpa rong, kơp rnoh ma sêkel prăk tĭng nâm sêkel di ngăn ta Ntŭk Kloh Ueh. Nĕ jêng ndơ ƀư brah chuai nau ƀư tih.

Ndrom Samƀŭt bơh Agê 2:8

‘Prăk jêng ndơ Gâp, mah jêng ndơ Gâp.’ Brah Yêhôva ma phung tahan lah pônây.

Nau Kơp Bunuyh 18:16

Ma rnoh chuai tay, may mra chuai tay lĕ kon ntơm bơh du khay leo klơ jêh ri tâm nal rnoh jêng prăm jât prăm gram prăk, tĭng nâm sêkel tâm ntŭk kloh ueh; du sêkel jêng bar jât gêra.

Nau Kơp Bunuyh 3:47

ăn may sŏk prăm sêkel prăk tĭng nâm sêkel tâm ntŭk kloh ueh; du sêkel jêng bar jât gêra.