Nau Ngluh Êjipt 38:21 - Nau Brah Ndu Ngơi 2023

²¹ Aơ jêng rnoh kơp lĕ ndơ dŏng ma Ngih Bok, jêng Ngih Bok Nau Tâm Rnglăp, kơp tĭng nâm nau vay ntăm Y-Môis ntĭnh ăn ma phung Lêvi, tĭng nâm Y-Ithamar gai, păng jêng kon bu klâu kôranh ƀư brah Y-Arôn.

Nau Ngluh Êjipt 38:21 ပူးပေါင်းရင်းမြစ်များ

I Nau Rêh Jêng 6:3

Phung kon Y-Amram jêng Y-Arôn, Y-Môis jêh ri H'Miriam. Phung kon Y-Arôn jêng Y-Nadap, Y-Abihu, Y-Êlêasar, jêh ri Y-Ithamar.

II Nau Rêh Jêng 24:6

Hađăch jă kôranh ƀư brah toyh lơn Y-Jêhôida tât jêh ri ôp: “Mâm ƀư may mâu kêh phung Lêvi djôt chê̆ rnoh prăk pi bơh phung Yuđa jêh ri phung gŭ ta Yêrusalem tĭng nâm Y-Môis, oh mon Brah Yêhôva, hŏ tâm nal jêh ma phung Israel tâm rƀŭn chê̆ prăp ma Ngih Bok Nau Tâm Rnglăp?”

Ndrom Samƀŭt bơh Yôp 11:4

Yor may lah ma Kôranh Brah: ‘Ntil nau chroh gâp jêng kloh; Gâp kloh rsang tâm dâng măt Kôranh Brah.’

Ndrom Samƀŭt bơh Yôp 22:23

Tơlah plơ̆ sĭt ma Nơm Geh Lĕ Nau Brah, may mra dơi jêng tay. Tơlah may mƀăr lơi nau djơh mhĭk bơh ngih bok may.

Ndrom Samƀŭt bơh Yôp 26:1

Y-Yôp plơ̆ sĭt lah:

Nau Mprơ Ơm 15:1

Ơ Brah Yêhôva, mbu mra gŭ tâm ngih bok May? Mbu mra gŭ ta yôk kloh May?

Nau Ngluh Êjipt 25:16

Ăn may dơm tâm trôm hip Nau Tâm Rnglăp Gâp mra ăn ma may.”

Nau Ngluh Êjipt 26:33

Ăn may yông bok nây ta ăp nklĕ, jêh nây leo Hip Nau Tâm Rnglăp tâm trôm bok. Blah bok aơ mra kơl khân may tâm nkhah Ntŭk Kloh Ueh jêh ri Ntŭk Dŭt Kloh Ueh.

Nau Ngluh Êjipt 38:20

Lĕ mâng pêr Ngih Bok jêh ri ndring ngih văr jŭm ƀư ma kông da dê.

Nau Ngluh Êjipt 38:22

Y-Bêsalel, kon bu klâu Y-Uri, sau bu klâu Y-Hur, bơh ndŭl mpôl Yuđa, ƀư lĕ rngôch nau Brah Yêhôva hŏ ntăm jêh ma Y-Môis,

Nau Ngluh Êjipt 40:3

Dơm hom Hip Nau Tâm Rnglăp ta nây jêh nây sŏk bok nkŭm hip nây.

Nau Ngluh Êjipt 6:23

Y-Arôn nđăp Y-Êlisêba, kon bu ur Y-Aminadap, oh Y-Nahsôn, bu ur nây deh ăn ma păng puăn lông kon jêng Y-Nadap, Y-Abihu, Y-Êlêasar, jêh ri Y-Ithamar.

Nau Kơp Bunuyh 1:50

ƀiălah ntĭm hom ma phung Lêvi chiă uănh Ngih Bok Nau Tâm Rnglăp, lĕ rngôch ndơ dŏng jêh ri lĕ rngôch ndơ dŏng prăp tâm Ngih Bok nây. Khân păng mra trơn Ngih Bok jêh ri lĕ rngôch ndơ ta nây, tâm ban đŏng mât uănh jêh ri ndâk ngih bok gŭ jŭm Ngih Bok.

Nau Kơp Bunuyh 1:53

Ƀiălah phung Lêvi mra ndâk ngih bok gŭ jŭm Ngih Bok Nau Tâm Rnglăp gay nau ji nuih mâu nkhŭt ta phung ƀon lan Israel tâm rƀŭn. Phung Lêvi mra djôt kan chiă uănh Ngih Bok Nau Tâm Rnglăp.

Nau Kơp Bunuyh 10:11

Tâm nar bar jât khay bar năm tal bar, ndâr tŭk hao leo klơ tă bơh Ngih Bok Nau Tâm Rnglăp.

Nau Kơp Bunuyh 18:2

Ăn njŭn đŏng phung oh nâu may tâm noi deh Lêvi, jêng noi deh chô yau may, gay khân păng hăn văch ma may jêh ri kâp kơl ma may tâm nôk may jêh ri phung kon bu klâu may dơi pah kan panăp Ngih Bok Nau Tâm Rnglăp.

Nau Kơp Bunuyh 24:5

Hơi Y-Yakôb! Ueh ngăn ngih bok may! Hơi Y-Israel! Ueh ngăn ntŭk may gŭ!

Nau Kơp Bunuyh 9:15

‘Ta nar bu ndâk Ngih Bok ndâr tŭk nkŭm Ngih Bok, jêng Ngih Bok Nau Tâm Rnglăp. Ta kêng măng tât ta ang ôi taơ, ndâr tŭk gŭ ta klơ Ngih Bok nâm ndâr ŭnh.

Mathay 17:4

Y-Pêtrôs lah ma Brah Yêsu: “Ơ Kôranh Brah he gŭ ta aơ ueh ngăn; tơlah May ŭch, gâp mra ƀư pe mlâm vâl bok ta aơ: du mlâm ma May, du mlâm ma Y-Môis jêh ri du mlâm ma Y-Êli.”

Kôranh Oh Mon 7:44

Phung chô yau hŏ geh jêh Vâl Bok Nau Tâm Rnglăp tâm bri rdah, tĭng nâm Brah Ndu hŏ ntrŭnh nau ntăm ma Y-Môis ƀư di tĭng nâm rup ngih păng saơ jêh.

II Kôrintô 5:1

Yorlah he gĭt tơlah ngih njưh he ta neh ntu geh nau rai, he mra geh ngih tâm trôk n'ho ro gŭ ta klơ trôk, tă bơh Brah Ndu ndâk njêng, mâu di tă bơh ti kon bunuyh ôh.

ហេឞ្រើ 8:2

jêng bunuyh pah kan tâm ntŭk kloh ueh, jêng ngih bok ngăn, bơh Kôranh Brah ndâk, mâu di bơh bunuyh ôh.

ហេឞ្រើ 9:11

Ƀiălah dôl Brah Krist tât jêh nâm bu du huê kôranh ƀư brah toyh lơn ma lĕ nau ueh pakơi aơ taơ, Păng rgăn jêh ngih bok toyh lơn jêh ri rah vah lơn — mâu di ti bunuyh ƀư ôh, nâm bu ntĭt mâu jêng lĕ ndơ tâm rnôk aơ ôh —

II Pêtrôs 1:13

Gâp mĭn, ndah jŏ gâp hôm gŭ tâm ngih njưh aơ, ăn gâp nkah gay ma rlay khân may,

Nau Tâm Mpơl 11:19

Ngih brah Brah Ndu ta klơ trôk pơk jêh, tâm trôm saơ geh Hip Nau Tâm Rnglăp Păng, jêh nây geh lĕ lơp nglaih, bâr ngơi, nteh nglaih, nau n'găr neh jêh ri mih pler ktang.

Nau Tâm Mpơl 15:5

Jêh nau nây, gâp uănh ngih brah jêng Vâl Bok Nau Tâm Rnglăp ta klơ trôk pơk jêh.

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.