Nau Ngluh Êjipt 32:8 - Nau Brah Ndu Ngơi 2023

⁸ Khân păng hŏ chalơi ndal trong Gâp hŏ ntĭm nti jêh, tŏ njêng jêh ma khân păng nơm du mlâm rup ndrôk kon, yơk mbah ma rup nây, nhhơr ndơ ƀư brah ma păng jêh ri lah: ‘Ơ phung Israel! Aơ jêng brah hŏ ngluh jêh khân may luh bơh n'gor Êjipt!’”

Nau Ngluh Êjipt 32:8 ပူးပေါင်းရင်းမြစ်များ

I Phung Hađăch 12:28

Jêh nây nchră mĭn, hađăch ntrŭnh ƀư bar mlâm ndrôk kon ma mah, jêh ri păng lah ma phung ƀon lan: “Khân may hăn hao Yêrusalem jêr ngăn! Hơi Israel! Aơ jêng phung brah khân may, hŏ njŭn leo khân may du luh bơh Êjipt.”

Nêhêmi 9:18

Nđâp tơlah khân păng hŏ tŏ jêh du mlâm rup ndrôk nkuăng jêh ri lah: ‘Aơ jêng brah hŏ njŭn khân may luh bơh Êjipt’ Jêh ri ngơi sưr ma Kôranh Brah,

Nau Mprơ Ơm 106:19

Phung chô yau hên trah jêh du mlâm rup kon ndrôk tâm Hôrep, Jêh ri yơk mbah rup nây.

Nau Mprơ Ơm 78:36

Ƀiălah khân păng sŏk trôm mbung ngơi rnê ma Brah Ndu, Dŏng mpiăt ngơi mƀruh Păng.

Nau Ngluh Êjipt 20:23

Yor ri khân may mâu dơi ƀư du ntil rup brah ta pĭt Gâp; mâu dơi ƀư ôh ma khân may nơm lĕ rup brah ma prăk mâu lah ma mah.’

Nau Ngluh Êjipt 22:20

Mbu nhhơr mpa ƀư brah ma lĕ rngôch brah êng mâu tăp ma Brah Yêhôva ôh ăn bu nkhĭt lơi păng.

Nau Ngluh Êjipt 32:4

Ăn Y-Arôn dơn mah bơh ti khân păng, păng sŏk ndơ dŏng tŏ njêng rup du mlâm ndrôk kon. Phung ƀon lan lah: “Ơ phung Israel! Aơ jêng brah khân may, nơm ngluh jêh khân may bơh n'gor Êjipt.”

Nau Ngluh Êjipt 34:15

Mâu dơi ƀư nau tâm rnglăp đah phung ƀon lan gŭ tâm n'gor nây, klach lah tơlah khân păng ƀư nau văng tĭr đah lĕ brah jêh ri ƀư brah ma lĕ brah khân păng jêh nây jă khân may jêh ri khân may mra sa ndơ khân păng ƀư brah ma rup brah.

Êsai 46:6

Bu sŏk mah tă bơh dŭng, Jêh ri veh prăk ma njing; Khân păng nkhôm nơm chiăr prăk tŏ du brah, Jêh ri păn yơk mbah.

Yêrêmi 31:32

Nau tâm rnglăp aơ mâu di nâm bu nau tâm rnglăp Gâp ƀư jêh đah phung chô yau khân păng tâm nar Gâp kuăn ti têk njŭn khân păng du luh tă bơh n'gor Êjipt, nau tâm rnglăp khân păng hŏ ƀư rai lơi jêh, nđâp lah Gâp jêng Sai khân păng,” Brah Yêhôva lah pônây.

Kan Lêvi 17:7

Khân păng mâu dơi nhhơr ndơ ƀư brah ma phung brah mhĭk, jêng phung brah khân păng ƀư nau văng tĭr. Nây jêng nau vay dăp n'ho ro ma khân păng tâm lĕ rngôch rnôk.’

Nau Vay Nkah Tay 32:17

Nhhơr mpa ƀư brah ma phung brah mhĭk, mâu di jêng Brah Ndu, Chon mbah ma phung brah khân păng ê hŏ ôh mâp gĭt, Jêng phung brah mhe pơ văch pakơi, Phung chô yau khân may mâu mâp klach ôh.

Nau Vay Nkah Tay 9:12

Brah Yêhôva lah ma gâp: ‘Dâk hom, jŭr gơnh bơh ntŭk aơ yorlah phung ƀon lan may njŭn jêh luh bơh n'gor Êjipt hŏ ƀư jêng nau tih mhĭk. Khân păng hŏ chalơi gơnh trong Gâp hŏ ntĭm nti jêh, jêh ri tŏ ma khân păng nơm du mlâm rup brah.’

Nau Vay Nkah Tay 9:16

Gâp saơ nanê̆ khân may hŏ ƀư tih jêh đah Yêhôva Brah Ndu, khân may gơnh chalơi trong Brah Yêhôva hŏ ntĭm nti jêh ma khân may, khân may tŏ jêh ma khân may nơm du mlâm rup kon ndrôk.

Yôsuê 22:15

Khân păng văch ma phung Ruben, phung Gat, jêh ri du n'gul ndŭl mpôl Manasê tâm bri Gilêat jêh ri lah:

Phung Kôranh Phat Dôih 2:17

Ƀiălah khân păng mâu ŭch iăt đŏng nau ngơi phung kôranh phat dôih yorlah khân păng ƀư nau văng tĭr đah phung brah êng jêh ri chon mbah panăp phung brah nây. Khân păng gơnh chalơi trong phung chô yau khân păng hŏ hăn jêh, mâu kơt tĭng ôh phung chô yau khân păng djôt prăp lĕ nau vay Brah Yêhôva ntăm.

Phung Kôranh Phat Dôih 8:24

Y-Gidêôn lah ma khân păng: “Ăn gâp dăn ma khân may du nau, jêng ăp nơm tâm khân may jao hom ma gâp lĕ rvang mblo tôr khân may pit in nây.” (Yorlah phung Ismaêl geh nau vay mblo rvang mah ta tôr.)