Nau Ngluh Êjipt 32:7 - Nau Brah Ndu Ngơi 2023

⁷ Brah Yêhôva lah ma Y-Môis: “Jŭr hom, yorlah phung ƀon lan may ngluh jêh bơh n'gor Êjipt hŏ mhĭk jêh.

Nau Ngluh Êjipt 32:7 ပူးပေါင်းရင်းမြစ်များ

II Nau Rêh Jêng 27:2

Păng ƀư di tanăp măt Brah Yêhôva tĭng nâm lĕ rngôch nau mbơ̆ păng Y-Usia hŏ ƀư jêh; ƀiălah păng mâu lăp ôh tâm ngih Brah Yêhôva, bi phung ƀon lan ăt hôm ƀư blă blơ.

Nau Mprơ Ơm 78:36

Ƀiălah khân păng sŏk trôm mbung ngơi rnê ma Brah Ndu, Dŏng mpiăt ngơi mƀruh Păng.

Nau Ngluh Êjipt 19:24

Brah Yêhôva lah ma păng: “Hăn jŭr hom jêh ri leo Y-Arôn hao n'hanh may. Ƀiălah lơi ăn phung kôranh ƀư brah jêh ri phung ƀon lan sŏl rlau ntŭk hŏ treh gay văch dăch Brah Yêhôva, lah mâu iăt Brah Yêhôva mra rmal ma khân păng.”

Nau Ngluh Êjipt 32:1

Lah phung ƀon lan saơ Y-Môis gŭ ta klơ yôk jŏ ngăn ê hŏ trŭnh, khân păng rƀŭn ndrel jŭm Y-Arôn jêh ri ngơi: “Kay lŏng! Ăn may ƀư ma he lĕ phung brah hăn panăp he, yorlah phung hên mâu gĭt ôh moh nau hŏ tât ma Y-Môis, nơm hŏ ngluh jêh he luh bơh n'gor Êjipt.”

Nau Ngluh Êjipt 32:11

Y-Môis kuăl vơl ma Yêhôva Brah Ndu păng: “Ơ Brah Yêhôva, mâm ƀư Brah Ndu hao nau ji nuih đah phung ƀon lan May, jêng phung ƀon lan May hŏ dŏng nau brah dŭt toyh jêh ri ti nau dăng ngluh khân păng luh bơh n'gor Êjipt?

Nau Ngluh Êjipt 32:4

Ăn Y-Arôn dơn mah bơh ti khân păng, păng sŏk ndơ dŏng tŏ njêng rup du mlâm ndrôk kon. Phung ƀon lan lah: “Ơ phung Israel! Aơ jêng brah khân may, nơm ngluh jêh khân may bơh n'gor Êjipt.”

Nau Ngluh Êjipt 33:1

Yêhôva ngơi ma Y-Môis: “May jêh ri phung ƀon lan may ngluh jêh luh bơh n'gor Êjipt, hăn hom tă bơh ntŭk nây jêh ri hăn hom tât ta n'gor Gâp hŏ ton ma Y-Abraham, Y-Isăk, jêh ri Y-Yakôb pô aơ: ‘Gâp mra ăn n'gor nây ma phung kon sau khân may.’

Êsai 1:4

Rêh ni yơh ma bri dak ƀư nau tih, Phung ƀon lan ƀư nau tih jâk jêr Noi deh ƀư mhĭk, Phung kon gŭ ƀư nau ƀơ̆ ƀơch! Khân păng chalơi jêh Brah Yêhôva, Mưch rmot ma Nơm Kloh Ueh Israel, Plơ̆ jêng bu êng jêh ri nkhah du.

Daniel 9:24

Geh pơh jât năng pơh tâm nal jêh ma phung ƀon lan may jêh ri ma ƀon kloh ueh may gay ma ăn lôch lơi nau ƀư tih, ngroh lơi nau tih, ntrok chuai nau ƀai jêh ri djôt ăn nau sŏng srăng n'ho ro, gay ma nau tâm saơ jêh ri nau mbơh lor geh tât ngăn, jêh ri tŏ dak ƀâu kah ăn ma Ntŭk Dŭt Kloh Ueh.

Ndrom Samƀŭt bơh Ôsê 9:9

Khân păng lĕ rlâm rai jru hâu ngăn Nâm bu tâm lĕ nar Gibêa. Brah Ndu mra kah gĭt tay nau tih mhĭk khân păng, Jêh ri mra tâm rmal nau tih khân păng.

Nau Vay Nkah Tay 31:29

Yorlah gâp gĭt pô aơ lah jêh gâp khĭt, n'hêl nanê̆ khân may mra ƀư nau tih mhĭk, mra teng bơh trong gâp ntĭnh jêh ma khân may. Tâm rnôk kăndơ̆, ăn nau mhĭk mra tât ma khân may, yorlah khân may mra ƀư nau mhĭk tanăp măt Brah Yêhôva, lŏk nsônh nau ji nuih Păng ma nau kan ti khân may ƀư.”

Nau Vay Nkah Tay 32:5

Khân păng hŏ ƀư nau mƀruh nklă đah Păng Du noi deh nau ƀơ̆ ƀơch, rôih ko jêh ri nau tih mhĭk, Mâu hôm dơi di ƀư kon Păng.

Nau Vay Nkah Tay 4:16

Yor nây, khân may lơi ta ƀư nau tih mhĭk, trah rup ma khân may nơm, du rup brah moh ntil, tâm ban nâm rup bu klâu mâu lah bu ur,

Nau Vay Nkah Tay 9:12

Brah Yêhôva lah ma gâp: ‘Dâk hom, jŭr gơnh bơh ntŭk aơ yorlah phung ƀon lan may njŭn jêh luh bơh n'gor Êjipt hŏ ƀư jêng nau tih mhĭk. Khân păng hŏ chalơi gơnh trong Gâp hŏ ntĭm nti jêh, jêh ri tŏ ma khân păng nơm du mlâm rup brah.’

Nau Vay Nkah Tay 9:8

Ta yôk Hôrep, khân may hŏ nsônh nau ji nuih Brah Yêhôva jêh ri Păng hŏ ji nuih jêh đah khân may kŏ tât Păng mĭn ŭch ƀư rai khân may.

Phung Kôranh Phat Dôih 2:19

Ƀiălah dôl phung kôranh phat dôih khĭt jêh, phung Israel ƀư tay nau mhĭk tih rlau lơn phung chô yau khân păng, hăn tĭng phung brah êng, pah kan jêh ri chon mbah phung brah nây. Khân păng mâu ŭch chalơi lĕ nau djơh ƀiălah ăt thoi đŏng nau dăng bôk.