Nau Ngluh Êjipt 32:6 - Nau Brah Ndu Ngơi 2023

⁶ Ôi taơ phung ƀon lan dâk ơm ôi, nhhơr lĕ ndơ ƀư brah gŭch jêh ri ndơ ƀư brah ma nau đăp mpăn. Khân păng gŭ sông sa nhêt, Jêh nây dâk pâl ntalơ̆.

Nau Ngluh Êjipt 32:6 ပူးပေါင်းရင်းမြစ်များ

Nau Ngluh Êjipt 32:5

Lah Y-Arôn saơ nau nây, păng ndâk du mlâm nơng ƀư brah panăp ndrôk kon nây jêh nây păng nter mbơh: “Ôi taơ bu mra geh nar rƀŭn ma Brah Yêhôva!”

Amôt 2:8

Khân păng bê̆ch êp ăp nơng ƀư brah, Ta klơ lĕ kho ao jêng ndơ khân păng hŏ sŏk ƀư ndơ nchăm Jêh ri nhêt ndrănh phung khân păng rmal Tâm ntŭk mbah brah tih khân păng.

Amôt 8:10

Gâp mra rgâl lĕ nar rƀŭn khân may jêng nar klâng rvê Jêh ri lĕ nau mprơ khân may jêng nau mprơ rngot. Gâp mra ƀư ăn khân may vân ƀau ta bŭt Jêh ri ƀư ăn lĕ rngôch bôk plưn da dê. Gâp mra ƀư ma khân may nhĭm nhhiăng nâm bu nuyh roh kon bu klâu kon dul Jêh ri nau nglĕ dŭt nâm bu du nar rngot ngăn ngên.”

Nau Kơp Bunuyh 25:2

Phung bu ur aơ jă phung ƀon lan Israel sa lĕ mpa ƀư brah nhhơr ma phung brah khân păng. Phung ƀon lan sa jêh ri chon mbah panăp phung brah khân păng.

I Kôrintô 10:7

Lơi dĭng mbah rup brah nâm bu ƀaƀă tâm phung khân păng, nâm bu nau hŏ nchih jêh: “Phung ƀon lan gŭ sông sa nhêt, Jêh nây dâk pâl ntalơ̆.”

Nau Tâm Mpơl 11:10

Phung ƀon lan gŭ ta neh ntu răm maak ma khân păng, hâk maak njuăl ndơ ăn ma ndrăng khân păng; yorlah bar hê nơm mbơh lor nây ƀư rêh ni jêh phung gŭ tâm neh ntu.