Nau Ngluh Êjipt 32:5 - Nau Brah Ndu Ngơi 2023

⁵ Lah Y-Arôn saơ nau nây, păng ndâk du mlâm nơng ƀư brah panăp ndrôk kon nây jêh nây păng nter mbơh: “Ôi taơ bu mra geh nar rƀŭn ma Brah Yêhôva!”

Nau Ngluh Êjipt 32:5 ပူးပေါင်းရင်းမြစ်များ

I Phung Hađăch 21:9

Păng nchih tâm samƀŭt nây: “Ntrŭnh hom du nau rƀŭn ver ât sông sa, jêh nây dơm Y-Nabôt ta mbor bôk phung ƀon lan.

II Phung Hađăch 10:20

Y-Jêhu ntĭnh: “Nkra hom du nau tâm rƀŭn ma nau yơk ma brah Baal.” Pôri bu mbơh nau tâm rƀŭn nây.

II Phung Hađăch 16:11

Kôranh ƀư brah Y-Urija ndâk du mlâm nơng ƀư brah di tĭng nâm rup nơng bơh hađăch Ahas hŏ njuăl tă bơh Damas. Kôranh ƀư brah Y-Urija ƀư lôch jêh nơng ƀư brah nây êlor ma hađăch Ahas sĭt.

II Nau Rêh Jêng 30:5

Pôri, khân păng mbơh lam bri Israel, ntơm bơh Bêr-Sêba tât ma Dan, gay ma phung ƀon lan văch ta Yêrusalem jêh ri kah gĭt rƀŭn Nau Găn ma Yêhôva Brah Ndu phung Israel. Yorlah hŏ jŏ jêh khân păng mâu geh hăn râng nhêt ƀŭn Nau Găn nây tĭng nâm nau hŏ nchih jêh tâm nau vay.

Nau Ngluh Êjipt 10:9

Y-Môis ơh: “Hên mra hăn ndrel ma phung kon se phung bu ranh jêh ri ndrel ma biăp jêh ri ndrôk hên, yorlah hên mra nkra nau yơk mbah ma Brah Yêhôva.”

Nau Ngluh Êjipt 12:14

Nau aơ mra jêng du nau ndray ma khân may. Tâm lĕ rngôch rô̆ ăn khân may mât păng tâm ban du nar rƀŭn ma Brah Yêhôva, jêng nau ntăm djôt prăp n'ho ro.

Nau Ngluh Êjipt 17:15

Y-Môis ndâk du nơng ƀư brah jêh ri rnha nơng nây “Brah Yêhôva jêng n'ha kơ Gâp.”

Nau Ngluh Êjipt 32:4

Ăn Y-Arôn dơn mah bơh ti khân păng, păng sŏk ndơ dŏng tŏ njêng rup du mlâm ndrôk kon. Phung ƀon lan lah: “Ơ phung Israel! Aơ jêng brah khân may, nơm ngluh jêh khân may bơh n'gor Êjipt.”

Nau Ngluh Êjipt 32:6

Ôi taơ phung ƀon lan dâk ơm ôi, nhhơr lĕ ndơ ƀư brah gŭch jêh ri ndơ ƀư brah ma nau đăp mpăn. Khân păng gŭ sông sa nhêt, Jêh nây dâk pâl ntalơ̆.

Ndrom Samƀŭt bơh Ôsê 8:11

Dôl Êphraim lơ hâu ntop âk nơng ƀư brah gay chuai nau tih Pôri lĕ nơng ƀư brah nây lơ hâu ntŭp păng tâm nau tih.

Ndrom Samƀŭt bơh Ôsê 8:14

Phung Israel hŏ chuêl jêh Nơm Rhăk Njêng khân păng, Mĭn ndâk âk rplay ngih hađăch; Phung Yuđa hŏ ntop âk ƀon toyh geh mpêr nâp; Ƀiălah Gâp mra su ma ŭnh lĕ ƀon toyh nây Jêh ri ŭnh mra sa pôih nâp păng.

Kan Lêvi 23:2

“Ăn may ntăm hom ma phung ƀon lan Israel pô aơ: ‘Aơ jêng lĕ nar rƀŭn Brah Yêhôva hŏ tâm nal jêh, ăn khân may mbơh nau aơ nâm bu mbơh nau lĕ yan tâm rƀŭn kloh ueh.

Kan Lêvi 23:21

Tâm nar nây, ăn khân may kuăl rgum lĕ rngôch phung ƀon lan jêh ri geh nau tâm rƀŭn kloh ueh; mâu dơi ƀư du ntil kan vay ƀư tâm ăp nar. Nây jêng nau vay dăp n'ho ro ma lĕ rngôch rnôk khân may, tâm lam ntŭk khân may gŭ rêh.

Kan Lêvi 23:37

Nây jêng lĕ nar rƀŭn khư yơk ma Brah Yêhôva, ăn khân may mbơh nau nây nâm bu lĕ gưl tâm rƀŭn kloh ueh gay nhhơr ma Brah Yêhôva lĕ ndơ nhhơr ăn ŭnh sa, ndơ ƀư brah gŭch, ndơ ƀư brah rnih môi, ndơ ƀư brah ma nau đăp mpăn, jêh ri ndơ nhhơr nhêt, ăp nau rƀŭn di nar păng.

Kan Lêvi 23:4

Aơ jêng lĕ nar rƀŭn ma Brah Yêhôva, lĕ yan tâm rƀŭn kloh ueh, ăn khân may mbơh nau aơ tĭng nar tâm nal jêh.

I Kôrintô 5:8

Pôri, ăn he kah gĭt ndray rƀŭn Nau Găn, lơi dŏng ndrui ơm ôh, jêng ndrui nau djơh mhĭk jêh ri ƀai, ƀiălah ma piăng let mâu geh ndrui nau răp jăp jêh ri nau ngăn.

I Samuel 14:35

Y-Sôl ndâk du mlâm nơng ƀư brah ma Brah Yêhôva. Nây jêng nơng ƀư brah tal nguay păng hŏ ndâk jêh ma Brah Yêhôva.