Nau Ngluh Êjipt 32:30 - Nau Brah Ndu Ngơi 2023

³⁰ Nar ôi taơ, Y-Môis lah ma phung ƀon lan: “Khân may hŏ ƀư jêh du nau tih toyh. Ƀiălah aƀaơ gâp mra hăn hao tâm mâp đah Brah Yêhôva, klăp lah gâp dơi chuai nau tih ma khân may.”

Nau Ngluh Êjipt 32:30 ပူးပေါင်းရင်းမြစ်များ

II Samuel 12:9

Mâm ƀư may mưch rmot nau Brah Yêhôva ngơi, ŭch ƀư nau mhĭk tanăp măt Păng? May hŏ sŏk đao phung Ammôn nkhĭt Y-Uri, bunuyh Hitit, sŏk jêh ur păng njêng ur may.

II Samuel 16:12

Klăp lah Brah Yêhôva mra uănh nau rêh ni gâp, jêh ri mra sŏk nau ueh lăng mplơ̆ sĭt ma gâp ntrok ma nau rak rtăp păng nar aơ.”

II Phung Hađăch 17:21

Tơlah Păng nkhêk phung Israel luh bơh ngih Y-Đavit, khân păng njêng Y-Jêrôbôam, kon bu klâu Y-Nêbat, ƀư hađăch. Y-Jêrôbôam ndơm phung Israel chalơi Brah Yêhôva, jêh ri nsŭk ma khân păng ƀư tih toyh ngăn.

Nau Mprơ Ơm 99:6

Tâm phung kôranh ƀư brah Păng geh Y-Môis jêh ri Y-Arôn, Tâm phung kuăl mbơh sơm ma amoh Păng geh Y-Samuel. Khân păng kuăl mbơh sơm ma Brah Yêhôva jêh ri Păng mplơ̆ lah ma khân păng.

Nau Ngluh Êjipt 32:29

Y-Môis lah: “Nar aơ khân may nơm hŏ nhhơr ma Brah Yêhôva kon bu klâu păng nơm jêh ri oh nâu păng nơm, yor ri nar aơ Brah Yêhôva ăn nau ueh uĭn ma khân may.”

Amôt 5:15

Tâm rmot hom ma nau mhĭk jêh ri rŏng hom ma nau ueh; Ndâk hom nau sŏng ta mpông ƀon. Klăp lah Yêhôva Brah Ndu ma phung tahan Mra ăn nau yô̆ ma phung Yôsep hôm klen!

Yônais 3:9

Gĭt lah Brah Ndu mra tâm rgâl nau mĭn jêh ri lơi lĕ nau Păng ji nuih gay ăn ma he klaih bơh nau khĭt?”

Nau Kơp Bunuyh 16:47

Y-Arôn ƀư tĭng nâm Y-Môis lah jêh jêh ri păng nchuăt ta nklang phung tâm rƀŭn. Aơ, nau mhĭk hŏ ntơm jêh ta nklang phung ƀon lan. Y-Arôn nhhơr ndơ ƀâu kah jêh ri ƀư nau rƀŭn chuai nau tih ma phung ƀon lan.

Nau Kơp Bunuyh 25:13

Păng jêh ri ma noi deh păng mra dơn nau tâm rnglăp ma kan kôranh ƀư brah n'ho ro, yorlah păng geh nuih n'hâm nau duh nđơr yor Brah Ndu păng nơm jêh ri hŏ chuai nau tih ma phung ƀon lan Israel.’”

Luka 15:18

Gâp mra hăn plơ̆ sĭt ta mbơ̆ gâp jêh ri lah ma păng: Hơi mbơ̆, gâp ƀư tih jêh đah trôk jêh ri đah may,

Luka 7:47

Yor nây, Gâp lah ma may, nau tih bu ur aơ âk ngăn, ƀiălah hŏ dơi yô̆ an lĕ jêh, yor ri păng rŏng âk; bi bunuyh yô̆ an djê̆ ăt rŏng djê̆.”

Samƀŭt Pôl Njuăl Ăn Ma Phung Nsing Ta Ƀon Rôm 9:3

Yorlah gâp ŭch dơi suai rak gâp nơm jêh ri chalơi bơh Brah Krist ntrok an ma phung oh nâu jêng phung ndŭl mpôl gâp;

Galati 3:13

Brah Krist tâm chuai jêh he bơh nau rtăp rak bơh nau vay, nôk Păng geh nau rak rtăp ntrok ma he — yorlah geh nau nchih: “Khư ma rak rtăp ngăn ma nơm bu yông klơ tơm si” —

II Timôthê 2:25

nkra nti phung tâm rdâng đah păng nơm ma nau rdơ̆ rbăn, ŭch ma Brah Ndu kơl khân păng rmal nau tih, gĭt năl nau ngăn,

Yakơ 5:16

Pôri, mbơh hom nau tih ndrăng nơm jêh ri tâm mbơh sơm ndrăng nơm gay ma khân may geh nau bah. Nau bunuyh sŏng srăng mbơh sơm, geh nau brah jêh ri geh nau tam ngăn.

I Samuel 12:17

Nar aơ, mâu hĕ di jêng yan rek ba ƀlê? Gâp mra kuăl mbơh sơm ma Brah Yêhôva, jêh ri Păng mra ƀư lơp nglaih jêh ri mih. Ăn khân may gĭt jêh ri saơ ma nau dăn du huê hađăch jêng du nau tih toyh khân may hŏ ƀư tih tanăp măt Brah Yêhôva.”

I Samuel 12:19

Lĕ rngôch phung ƀon lan lah ma Y-Samuel: “Mbơh sơm hom ma Yêhôva Brah Ndu may yor phung oh mon may, gay ma hên mâu khĭt ôh, yorlah hên hŏ ntop nau tih dăn du huê hađăch nđâp ma lĕ rngôch nau tih êng đŏng tâm hên.”

I Samuel 12:20

Y-Samuel plơ̆ lah ma phung ƀon lan: “Lơi klach ôh! Ngăn, khân may lĕ ƀư jêh lĕ rngôch nau mhĭk aơ; ƀiălah, khân may lơi chalơi ôh Brah Yêhôva, ƀiălah ăn lĕ nuih n'hâm pah kan ma Păng,

I Samuel 12:23

Bi ma gâp mâu đŏng ƀư tih ma Brah Yêhôva jêh ri rlu mbơh sơm an ma khân may. Gâp mra nti ma khân may gĭt trong ueh jêh ri sŏng.

I Samuel 2:17

Nau tih bar hê ndăm aơ toyh ngăn tanăp măt Brah Yêhôva, yorlah khân păng mưch ma lĕ ndơ nhhơr ma Brah Yêhôva.