Nau Ngluh Êjipt 32:14 - Nau Brah Ndu Ngơi 2023

¹⁴ Brah Yêhôva tâm rgâl nau păng ŭch mĭn mâu ƀư nau mhĭk ma phung ƀon lan Păng.

Nau Ngluh Êjipt 32:14 ပူးပေါင်းရင်းမြစ်များ

Nau Ntơm 6:6

pôri Brah Ndu nduyh tôr yorlah hŏ njêng jêh kon bunuyh klơ neh, jêh ri rngot tâm nuih n'hâm.

II Samuel 24:16

Tơlah tông mpăr yơr ti gay ƀư rai ma Yêrusalem, Brah Yêhôva tâm rgâl nau mĭn ma nau ƀư mhĭk nây, jêh ri lah ma tông mpăr nơm gŭ ƀư rai phung ƀon lan: “Găp jêh! Aƀaơ ri rhuăt hom ti may.” Rnôk nây taơ, tông mpăr Brah Yêhôva gŭ êp ntŭk mprah ba Y-Arauna, bunuyh Jêbusit.

I Nau Rêh Jêng 21:15

Brah Ndu prơh du huê tông mpăr hăn gay ƀư rai Yêrusalem. Ƀiălah tơlah saơ tông mpăr dôl ƀư rai Yêrusalem, Brah Yêhôva tâm rgâl nau mĭn ma nau ƀư mhĭk nây, jêh ri Păng ntăm ma tông mpăr nơm ƀư rai: “Găp jêh! Nkân hom ti may.” Rnôk nây taơ, tông mpăr Brah Yêhôva dâk dăch ntŭk mprah ba Y-Ôrnan, bunuyh Jêbusit.

Nau Mprơ Ơm 106:23

Yor nây, Brah Ndu lah pô aơ Păng mra ƀư rai khân păng. Ƀiălah Y-Môis jêng nơm Păng săch jêh, Dâk ntŭk pêch đang tanăp Păng, Gay dăn lơi ăn Păng ji nuih ƀư rai khân păng.

Nau Mprơ Ơm 106:45

Păng kah gĭt yô̆ ma phung nây yor nau Păng tâm rnglăp. Păng yô̆ nđach ma phung nây tĭng nau ueh Păng mâu blau lôch ôh.

Nau Ngluh Êjipt 33:13

Pôri aƀaơ, lah gâp geh jêh nau yô̆ tanăp măt May, dăn mpơl trong May ma gâp gay ma gâp dơi gĭt năl May jêh ri geh nau yô̆ tanăp măt May. Ăn May kơp phung ndŭl mpôl aơ jêng phung ƀon lan May!”

Yêrêmi 18:8

ƀiălah tơlah bri dak Gâp tâm nal ma nau tâm rmal nây chalơi nau mhĭk pôri Gâp mra plơ̆ rgâl nau mĭn ƀư nau mhĭk ma khân păng.

Yêrêmi 26:13

Nôk aơ nkra hom trong khân may jêh ri nau khân may ƀư. Tông hom bâr Yêhôva Brah Ndu khân may pôri Brah Yêhôva mra rgâl nau mĭn ƀư lĕ nau mhĭk Păng hŏ mbơh ma khân may.

Yêrêmi 26:19

Y-Hêsêkia, hađăch Yuđa, jêh ri lĕ rngôch ƀon lan phung Yuđa nkhĭt lơi păng nây lĕ? Mâu di hĕ hađăch hŏ klach yơk ma Brah Yêhôva jêh ri vơl dăn nau yô̆ Brah Yêhôva, pôri Brah Yêhôva tâm rgâl nau mĭn mâu nkhŭt nau mhĭk tâm ban ma Păng hŏ mbơh lor jêh ma khân păng lĕ? Bi aƀaơ he ŭch vơt dơn nau mhĭk toyh ngăn ma he nơm!”

Yôel 2:13

Hêk hom nuih n'hâm khân may jêh ri lơi hêk ôh ao. Plơ̆ sĭt hom ma Yêhôva, Brah Ndu khân may, Yorlah Păng ueh, yô̆ nđach, mâu gơnh ji nuih jêh ri ndrŏng ma nau rŏng; Rgâl nau mĭn mâu ƀư mhĭk.

Amôt 7:3

Brah Yêhôva tâm rgâl nau mĭn ma nau kan aơ. Brah Yêhôva lah: “Nau aơ mâu mra tât ôh.”

Amôt 7:6

Brah Yêhôva tâm rgâl nau mĭn ma nau kan aơ. Brah Yêhôva lah: “Nau aơ mâu mra tât ôh.”

Yônais 3:10

Rnôk nây, Brah Ndu saơ nau khân păng ƀư jêh ri saơ khân păng hŏ chalơi jêh trong mhĭk khân păng pôri Păng tâm rgâl nau mĭn ma nau mhĭk tât ta klơ khân păng nâm bu hŏ lah, jêh ri Păng mâu ƀư nau nây ôh.

Yônais 4:2

Păng mbơh sơm ma Brah Yêhôva pô aơ: “Ơ Brah Yêhôva, mâu di hĕ nau aơ jêng nau gâp hŏ lah jêh ma May dôl gâp hôm gŭ tâm bri gâp hĕ? Yor nây yơh gâp ndal hăn du ma bri Tarsis. Yorlah gâp gĭt May jêng Brah Ndu ueh, yô̆ nđach, mâu gơnh ji nuih ôh, bêng ma nau ueh jêh ri tâm rgâl nau mĭn mâu ƀư tŭp nau mhĭk.

Nau Kơp Bunuyh 14:20

Brah Yêhôva lah: “Gâp hŏ yô̆ an jêh ma khân păng tĭng nâm nau may dăn.

Nau Vay Nkah Tay 10:10

“Gâp gŭ ta klơ yôk puăn jât nar jêh ri puăn jât măng nâm bu nôk saơm, jêh ri du tơ̆ đŏng Brah Yêhôva dơn nau gâp, Păng mƀăr lơi nau mĭn gay ŭch ƀư rai khân may.

Nau Vay Nkah Tay 32:26

Gâp ŭch mĭn jêh: ‘Gâp mra nchah rai khân păng ăp ntŭk, Jut ƀhiau nau ndray ma khân păng bơh phung bunuyh.’

Nau Vay Nkah Tay 32:36

Ƀiălah tơlah Brah Yêhôva saơ n'hâm suan dăng bơh phung ƀon lan păng huănh hươi jêh, Bunuyh dĭk bu, nơm kon me lĕ roh jêh, Pôri Păng mra phat dôih tâm nau sŏng ma khân păng Jêh ri geh nau yô̆ ma phung oh mon Păng.

Phung Kôranh Phat Dôih 2:18

Ăp tơ̆ Brah Yêhôva n'hao phung kôranh phat dôih ăn phung Israel, Păng gŭ ndrel phung kôranh phat dôih nây. Dôl rnôk phung kôranh phat dôih hôm rêh, Brah Yêhôva rklaih phung Israel luh bơh ti phung rlăng khân păng, yorlah Păng yô̆ nđach ma lĕ nau nter vơl khân păng tâm nôk bu nkrit, tŭn jot ma khân păng.

I Samuel 15:11

“Gâp lĕ nhhuach jêh njêng ăn ma Y-Sôl jêng hađăch, yorlah păng ndôn kơi tă bơh Gâp, mâu ƀư tĭng nâm nau Gâp ntăm.” Y-Samuel rngot ngăn, jêh ri păng vơl dăn ma Brah Yêhôva du măng kŏ ang.