Nau Ngluh Êjipt 32:12 - Nau Brah Ndu Ngơi 2023

¹² Mâm ƀư ăn phung Êjipt mra lah: ‘Kôranh Brah ŭch ngluh jêh khân păng luh bơh n'gor aơ gay nkhĭt lơi khân păng tâm yôk, jêh ri ƀư rai khân păng bơh neh ntu’? Dăn Kôranh Brah bah ji nuih jêh ri chalơi nau mĭn ŭch ƀư nau mhĭk ma phung ƀon lan May.

Nau Ngluh Êjipt 32:12 ပူးပေါင်းရင်းမြစ်များ

Nau Ntơm 6:6

pôri Brah Ndu nduyh tôr yorlah hŏ njêng jêh kon bunuyh klơ neh, jêh ri rngot tâm nuih n'hâm.

I Phung Hađăch 8:51

yorlah khân păng jêng phung ƀon lan May, jêng drăp ndơn May hŏ njŭn leo jêh bơh Êjipt, jêng luh bơh ŭnh năk loih.

Êsra 10:14

Pônây, dăn ma phung kôranh chiă uănh hên dâk ta nây tâm tang ma lĕ rngôch phung tâm rƀŭn. Lĕ rngôch phung hŏ nsông jêh ur bu năch tâm lĕ rngôch ƀon, hăn tât ndrel ma phung bu ranh jêh ri phung kôranh phat dôih bơh ăp rplay ƀon khăn păng nơm tĭng năng nar tâm nal, gay dăp nkra kan aơ kŏ tât nau ji nuih bơh Brah Ndu he aih jêh.”

Nau Mprơ Ơm 106:45

Păng kah gĭt yô̆ ma phung nây yor nau Păng tâm rnglăp. Păng yô̆ nđach ma phung nây tĭng nau ueh Păng mâu blau lôch ôh.

Nau Mprơ Ơm 74:18

Ơ Brah Yêhôva, ăn kah gĭt ma nau nơm rlăng suai rak, Jêh ri du mpôl băl rluk ngơi mhĭk ma amoh May.

Nau Mprơ Ơm 78:38

Ƀiălah yor nau Păng yô̆ nđach, Păng yô̆ an nau tih mhĭk Jêh ri mâu ƀư rai khân păng ôh; Âk tơ̆ Păng nkân nau ji nuih, Mâu ăn nau ji nuih hao toyh ôh.

Nau Mprơ Ơm 85:3

May sŏk sĭt lơi jêh nau May ji nuih, Ƀư bah nau May ji nuih.

Nau Mprơ Ơm 90:13

Dăn plơ̆ tay! Ơ Brah Yêhôva, ndah nâm jŏ nau May ji nuih? Dăn yô̆ nđach ma phung oh mon May!

Nau Ngluh Êjipt 32:14

Brah Yêhôva tâm rgâl nau păng ŭch mĭn mâu ƀư nau mhĭk ma phung ƀon lan Păng.

Nau Ngluh Êjipt 33:13

Pôri aƀaơ, lah gâp geh jêh nau yô̆ tanăp măt May, dăn mpơl trong May ma gâp gay ma gâp dơi gĭt năl May jêh ri geh nau yô̆ tanăp măt May. Ăn May kơp phung ndŭl mpôl aơ jêng phung ƀon lan May!”

Êsai 64:7

Mâu geh nơm kuăl mbơh sơm ma amoh May, Mâu lah nsrôih kuăn May; Yorlah May pôn jêh muh măt bơh hên, Gay ma hên rai lôch tâm nau kue hên.

Êsai 64:8

Ƀiălah, ơ Brah Yêhôva, aƀaơ May ăt jêng Mbơ̆ hên; Hên jêng neh uk, jêh ri May jêng nơm blau mon glah; Lĕ rngôch hên jêng kan ti May ƀư.

Yêrêmi 28:16

Yor nây, Brah Yêhôva lah: ‘Aơ, Gâp mra mprơh may bơh klơ neh ntu. Năm aơ yơh may mra khĭt yorlah may hŏ ƀư nau uh ah tâm rdâng đah Brah Yêhôva.’”

Êsêkiêl 20:14

Ƀiălah Gâp hŏ ƀư yor amoh Gâp gay ma amoh nây bu mâu ƀư ƀơ̆ tanăp phung ƀon lan êng, jêng phung ƀon lan hŏ saơ jêh Gâp leo khân păng du luh tă bơh khân păng.

Êsêkiêl 20:22

Ƀiălah, Gâp rŭch lơi jêh ti Gâp jêh ri ƀư jêh yor amoh Gâp gay ăn amoh nây bu mâu ƀư ƀơ̆ ôh tanăp phung ƀon lan êng, jêng phung ƀon lan saơ Gâp hŏ leo khân păng luh tă bơh khân păng.

Êsêkiêl 20:9

Ƀiălah Gâp ƀư yor ma amoh Gâp nơm, gay ăn amoh nây bu mâu mưch ôh tanăp măt lĕ phung bu năch, ntŭk khân păng dôl gŭ. Tanăp măt phung ndŭl mpôl nây, Gâp mpơl jêh Gâp nơm ma khân păng gĭt dôl leo khân păng du luh tă bơh n'gor bri Êjipt.

Yôel 2:17

Phung kôranh ƀư brah jêng phung pah kan ma Brah Yêhôva, Nhhiăng nhĭm hom, nter kuăl ta nklang mpông ngih brah jêh ri ta nơng ƀư brah pô aơ: “Ơ Brah Yêhôva, dăn yô̆ nđach ma ƀon lan May, Lơi ăn drăp ndơn May phung mpôl băl bunuyh ƀư bêk prêng jêh ri mưch gơm. Mâm ăn bu ngơi ta nklang phung mpôl băl bunuyh lah pô aơ: ‘Ta ntŭk gŭ Brah Ndu khân păng?’”

Amôt 7:3

Brah Yêhôva tâm rgâl nau mĭn ma nau kan aơ. Brah Yêhôva lah: “Nau aơ mâu mra tât ôh.”

Amôt 7:6

Brah Yêhôva tâm rgâl nau mĭn ma nau kan aơ. Brah Yêhôva lah: “Nau aơ mâu mra tât ôh.”

Yônais 3:9

Gĭt lah Brah Ndu mra tâm rgâl nau mĭn jêh ri lơi lĕ nau Păng ji nuih gay ăn ma he klaih bơh nau khĭt?”

Sakari 8:14

Yorlah Brah Yêhôva ma phung tahan lah: “Nâm bu Gâp hŏ ăn jêh nau mhĭk tât khân may, lah chô yau khân may nsônh nuih Gâp, Gâp mâu rgâl ôh nau mĭn,” Brah Yêhôva ma phung tahan lah kơt nây,

Nau Kơp Bunuyh 14:19

Gâp dăn ma Kôranh Brah yô̆ an nau tih ma phung ƀon lan aơ tĭng nâm nau yô̆ nđach toyh Kôranh Brah, tĭng nâm Păng hŏ yô̆ an jêh âk tơ̆ ma khân păng ntơm bơh du tă bơh Êjipt tât ma aƀaơ ri.”

Nau Kơp Bunuyh 16:21

“Tâm nkhah hom khân may nơm luh bơh phung tâm rƀŭn aơ, Gâp mra ƀư rai khân păng ƀât lât dơm.”

Nau Vay Nkah Tay 13:17

Lơi ăn geh du ntil ndơ bu prăp ƀư rai hôm krêp ta ti khân may. Nar aơ, ăn khân may djôt prăp lĕ rngôch nau vay Păng ntăm rĭ dĭng gâp hŏ ntĭnh ma khân may jêh ri ƀư nau di tanăp măt Yêhôva Brah Ndu. Pônây, Yêhôva Brah Ndu mra djoh nau ji nuih jêh ri tâm mpơl nau yô̆ nđach ma khân may. Tâm nau Păng yô̆, rnoh bunuyh khân may mra bĭk rơ̆ tĭng nâm nau Păng hŏ ton jêh ma phung chô yau khân may.”

Nau Vay Nkah Tay 32:36

Ƀiălah tơlah Brah Yêhôva saơ n'hâm suan dăng bơh phung ƀon lan păng huănh hươi jêh, Bunuyh dĭk bu, nơm kon me lĕ roh jêh, Pôri Păng mra phat dôih tâm nau sŏng ma khân păng Jêh ri geh nau yô̆ ma phung oh mon Păng.

Nau Vay Nkah Tay 9:28

Tơlah mâu, phung ƀon lan tâm n'gor May hŏ njŭn leo hên luh jêh, mra lah: Yorlah Brah Yêhôva mâu dơi ôh djôt leo phung ƀon lan aơ lăp tâm n'gor Păng hŏ ton jêh, jêh ri yorlah tâm rmot ma khân păng rĭ dĭng Păng njŭn khân păng luh jêh ri gay ăn khân păng khĭt tâm bri rdah.

Yôsuê 7:26

Jêh nĕ, khân păng bun du mbŭch lŭ toyh ta klơ Y-Akan, ăt hôm kŏ tât ta nar aơ. Brah Yêhôva lĕ bah jêh nau ji nuih. Yor ri, bu ntơ ntŭk nây jêng rlŭng Akôr kŏ tât ta nar aơ.

Yôsuê 7:9

Phung Kanaan jêh ri lĕ rngôch phung gŭ tâm bri nây mra tăng nau nĕ, mra nchueng hên jêh ri jut lơi amoh hên bơh neh. Nôk nây, mâm May mra ƀư amoh May jêng toyh?”

I Samuel 12:22

Brah Yêhôva mâu mra chalơi ôh phung ƀon lan Păng, yor amoh toyh Păng, jêh ri yorlah Brah Yêhôva hŏ maak nuih n'hâm ăn ma khân may njêng du phung ƀon lan ma Păng nơm.