Nau Ngluh Êjipt 32:10 - Nau Brah Ndu Ngơi 2023

¹⁰ Pôri aƀaơ, lơi kđôi Gâp be, gay ma Gâp hao nau ji nuih jêh ri gâp ƀư rai khân păng. Ƀiălah Gâp mra ƀư ma may jêng du mpôl băl toyh.”

Nau Ngluh Êjipt 32:10 ပူးပေါင်းရင်းမြစ်များ

Nau Ntơm 12:2

Gâp mra ăn ma may jêng du mpôl băl toyh, Gâp mra ăn nau ueh uĭn ma may, Ăn ma may geh nau lư n'găr, Jêh ri may mra jêng du tu nau ueh uĭn.

Nau Mprơ Ơm 106:23

Yor nây, Brah Ndu lah pô aơ Păng mra ƀư rai khân păng. Ƀiălah Y-Môis jêng nơm Păng săch jêh, Dâk ntŭk pêch đang tanăp Păng, Gay dăn lơi ăn Păng ji nuih ƀư rai khân păng.

Nau Ngluh Êjipt 22:24

Nau ji nuih Gâp mra hit, jêh ri gâp mra nkhĭt khân may ma đao; ur khân may mra jêng bu ur ndrô jêh ri phung kon khân may mra jêng kon đơi.

Nau Ngluh Êjipt 32:11

Y-Môis kuăl vơl ma Yêhôva Brah Ndu păng: “Ơ Brah Yêhôva, mâm ƀư Brah Ndu hao nau ji nuih đah phung ƀon lan May, jêng phung ƀon lan May hŏ dŏng nau brah dŭt toyh jêh ri ti nau dăng ngluh khân păng luh bơh n'gor Êjipt?

Nau Ngluh Êjipt 32:19

Lah păng văch dăch rmlak tahan, saơ rup kon ndrôk jêh ri pâl ntalơ̆, Y-Môis ji nuih, klŭp bar Rlat Nau Tâm Rnglăp bơh ti păng nơm, nchah hăch ta jâng yôk.

Nau Ngluh Êjipt 33:3

gay leo khân may tât ta n'gor bêng ma dak toh jêh ri dak sŭt; ƀiălah Gâp mâu mra hăn ôh ndrel ma khân may, yorlah khân may jêng du phung ƀon lan dăng ko, klach lah Gâp mra ƀư rai khân may rŏ trong.”

Yêrêmi 11:14

Bi ma may, lơi may mbơh sơm kơl an ăn phung ƀon lan aơ, mâu lĕ yorlah khân păng hă bâr vơl dăn mâu lah vah vơl, Gâp mâu iăt khân păng nđâp ma khân păng vơl dăn ma Gâp tâm nau rêh ni.

Yêrêmi 14:11

Brah Yêhôva lah ma gâp: “Lơi ta may mbơh sơm nau ueh ôh ăn ma phung ƀon lan aơ.

Yêrêmi 15:1

Brah Yêhôva lah ma gâp; “Nđâp lah Y-Môis jêh ri Y-Samuel dâk panăp măt Gâp, nuih n'hâm Gâp mâu hôm n'gĭl uănh ma phung ƀon lan aơ ôh. Mprơh hom khân păng bơh Gâp, jêh ri đă khân păng hăn du!

Yêrêmi 7:16

Bi may, Y-Yêrêmi, lơi ta may mbơh sơm ăn ma phung ƀon lan aơ, lơi ta vơl dăn, vah vơl dăn ma khân păng, mâu lĕ sŏl dăn ma Gâp, yorlah Gâp mâu mra iăt may ôh.

Êsêkiêl 20:13

Ƀiălah ngih Israel, tâm rdâng đah Gâp tâm bri rdah. Khân păng mâu ŭch chuat tĭng ôh nau vay dăp bơh Gâp, dun lơi nau vay ƀư bơh Gâp jêng nau ăn ma mbu nơm tông mra yor nau nây dơi rêh; khân păng ƀư tih rlau keh lĕ rngôch nar saƀat Gâp. Rnôk nây, Gâp lah Gâp mra nkhŭt nau Gâp ji nuih ta klơ khân păng jêh ri ƀư rai tâm bri rdah.

Nau Kơp Bunuyh 14:12

Gâp mra nkhŭt khân păng ma nau ji tưp jêh ri ƀư rai khân păng, ƀiălah Gâp mra ƀư ma may jêng du phung ƀon lan toyh lơn jêh ri ktang lơn ma khân păng.”

Nau Kơp Bunuyh 16:21

“Tâm nkhah hom khân may nơm luh bơh phung tâm rƀŭn aơ, Gâp mra ƀư rai khân păng ƀât lât dơm.”

Nau Kơp Bunuyh 16:22

Bar hê khân păng chŭn muh măt ta neh jêh ri lah: “Ơ Kôranh Brah jêng Brah Ndu ăn n'hâm ma lĕ rngôch nglay săk! Knŏng geh du huê bunuyh ƀư tih, ƀiălah May ji nuih nđâp ma lĕ rngôch bunuyh tâm rƀŭn lĕ?”

Nau Vay Nkah Tay 9:14

Lơi ta mpăng Gâp ôh, Gâp mra ƀư rai khân păng jêh ri jut lơi amoh khân păng bơh neh ntu aơ. Ƀiălah Gâp mra ƀư ma may dơi jêng du ndŭl mpôl dăng lơn jêh ri âk lơn ma khân păng.’

Nau Vay Nkah Tay 9:19

Gâp klach râm sâr ngăn tanăp nau ji nuih Brah Yêhôva hŏ nuih đah khân may; Păng ji nuih kŏ tât gay ŭch ƀư rai khân may. Ƀiălah nđâp ma aƀaơ aơ đŏng, Brah Yêhôva hŏ iăt nau gâp.

Yakơ 5:16

Pôri, mbơh hom nau tih ndrăng nơm jêh ri tâm mbơh sơm ndrăng nơm gay ma khân may geh nau bah. Nau bunuyh sŏng srăng mbơh sơm, geh nau brah jêh ri geh nau tam ngăn.