Nau Ngluh Êjipt 30:6 - Nau Brah Ndu Ngơi 2023

⁶ Ăn may n'gân nơng ƀư brah panăp bok nkŭm Hip Nau Tâm Rnglăp, tâm tra đah ndrŭp nau yô̆ gŭ ta klơ Nau Tâm Rnglăp, ntŭk Gâp mra tâm mâp đah may.

Nau Ngluh Êjipt 30:6 ပူးပေါင်းရင်းမြစ်များ

ហេឞ្រើ 4:16

Pôri, ăn he nâp nuih n'hâm hăn dăch ta sưng hađăch nau yô̆, gay ma dơi sŏk dơn nau yô̆ nđach jêh ri saơ nau yô̆ kơl he dôl he geh nau pưt.

Mathay 27:51

Jêh ri, ri bok nching tâm ngih brah nkhêk jêng bar ntơm bơh klơ jŭr tât tâm dâng, neh n'gơ n'găr, lŭ klêr đang;

I Nau Rêh Jêng 28:11

Nôk nây, Y-Đavit ăn ma Y-Salômôn, kon bu klâu păng, samƀŭt rup ndring panăp, ngih brah, lĕ jay prăp drăp khlay, jrô klơ, jrô tâm trôm ngih brah, jêh ri ndrŭp nau yô̆ an.

Nau Kơp Bunuyh 17:4

Ăn may dơm mâng jra nây tâm Ngih Bok Nau Tâm Rƀŭn tanăp Hip Nau Tâm Rnglăp, ntŭk Gâp tâm mâp đah may.

Kan Lêvi 16:13

Ăn Y-Arôn dơm ndơ ƀâu kah tâm ŭnh tanăp Brah Yêhôva, gay ma ndâr tŭk nhhŭk ndơ ƀâu kah dơi nkŭm ndrŭp nau yô̆ an ta klơ Hip Nau Tâm Rnglăp, yor ri yơh Y-Arôn mâu geh nau khĭt.

Nau Ngluh Êjipt 40:26

Păng dơm đŏng nơng ƀư brah ma mah tanăp blah bok tâm Ngih Bok Nau Tâm Rƀŭn

Nau Ngluh Êjipt 40:5

Dơm hom nơng ƀư brah ma mah dŏng ma nau su ndơ ƀâu kah panăp Hip Nau Tâm Rnglăp, jêh ri nthăng bok ta mpông Ngih Bok.

Nau Ngluh Êjipt 40:3

Dơm hom Hip Nau Tâm Rnglăp ta nây jêh nây sŏk bok nkŭm hip nây.

Nau Ngluh Êjipt 30:36

May sŏk djê̆ jêh ri juh jêng rnih jêh nây dơm panăp Hip Nau Tâm Rnglăp tâm Ngih Bok Nau Tâm Rƀŭn ta ntŭk Gâp mra tâm mâp đah khân may. Ndơ ƀâu kah aơ mra jêng kloh ueh ngăn ma khân may.

Nau Ngluh Êjipt 30:5

May ƀư hom mâng tung nây ma tơm si akasi ndop ma mah.

Nau Ngluh Êjipt 30:7

Ăp ôi, lah Y-Arôn nkra ŭnh kađen, păng mra su ndơ ƀâu kah ta klơ nơng ƀư brah.

I Nau Rêh Jêng 23:13

Phung kon Y-Amram jêng Y-Arôn jêh ri Y-Môis; Y-Arôn jêh ri noi deh păng bu rnglah êng gay prăp ma kan nhhơr lĕ ndơ dŭt kloh ueh, jêh ri n'ho ro gŭch ndơ ƀâu kah, pah kan tanăp măt Brah Yêhôva, jêh ri sŏk amoh Păng gay ăn nau ueh uĭn ma phung ƀon lan kŏ tât ƀaƀơ n'ho ro.