Ntŭk Dŭt Kloh Ueh jong jât met, rkăng jât met, jêh ri prêh jât met, bu mblum păng ma mah chrêk. Nơng ƀư brah păng ƀư ma tơm si sêdar, bu mblum đŏng păng ma mah chrêk.
Hađăch ntĭm đŏng ma nơng ƀư brah gŭch ndơ ƀâu kah ma mah, nđâp ma rnoh mah kloh; jêh ri rup ma ndeh seh nđâp ma phung chêrubim ma mah lĭ nting năr khân păng nkŭm Hip Nau Tâm Rnglăp Brah Yêhôva.
Y-Arôn jêh ri phung kon bu klâu păng nhhơr ndơ ƀư brah ta klơ nơng ƀư brah ma ndơ ƀư brah gŭch mâu lah ta klơ nơng ƀư brah gŭch ndơ ƀâu kah, ƀư ma lĕ rngôch kan tâm Ntŭk Dŭt Kloh Ueh, jêh ri ƀư tâm chuai nau tih ma phung Israel, tĭng nâm lĕ nau Y-Môis, oh mon Brah Ndu hŏ ntăm jêh.
Ăp năm du tơ̆, Y-Arôn mra rƀŭn chuai nau tih ta klơ nke nơng ƀư brah. Tâm ăp rô̆, mham mpa ƀư brah chuai nau tih ăn dŏng tâm nau rƀŭn chuai nau tih ăp năm. Nây jêng du nau rƀŭn kloh ueh lơn ma Brah Yêhôva.”
Du mlâm nơng ƀư brah ma tơm si prêh du met n'gul, jong du met. Lĕ njônh, ndap jêh ri lĕ blon nơng ƀư brah đah tơm si da dê. Păng lah ma gâp pô aơ: “Aơ jêng sưng gŭ tanăp măt Brah Yêhôva.”
Kôranh ƀư brah toyh lơn mra mhĭng mham ta klơ lĕ nke nơng ƀư brah tâm Ngih Bok Nau Tâm Rƀŭn tanăp Brah Yêhôva, jêh ri nkhŭt mham hôm e tâm dâng jâng nơng ƀư brah nhhơr ndơ ƀư brah gŭch n'gân tanăp mpông Ngih Bok Nau Tâm Rƀŭn.
Phung Kôhat djôt kan chiă uănh Hip Nau Tâm Rnglăp, sưng, jâng kađen, lĕ rngôch nơng ƀư brah, lĕ ndơ dŏng ma ntŭk kloh ueh dŏng tâm kan yơk mbah, bok nching jêh ri lĕ ndơ kan dŏng tât nau djôt prăp ta ntŭk kloh ueh.
ta nây geh nơng ƀư brah mah gay nhhơr ndơ ƀâu kah jêh ri Hip Nau Tâm Rnglăp, mblum ma mah. Tâm hip nây geh du mlâm yăng mah bu dơ mana, mâng jra luh kao Y-Arôn, jêh ri lĕ rlat lŭ bu nchih nau tâm rnglăp.