Nau Ngluh Êjipt 3:8 - Nau Brah Ndu Ngơi 2023

⁸ Gâp jŭr gay ma tâm rklaih ƀon lan aơ bơh ti phung Êjipt, njŭn leo khân păng luh bơh n'gor nây, njŭn tât tâm du n'gor neh ueh jêh ri huy ngăn, ntŭk bêng ma dak toh jêh ri dak sŭt, jêng ta ntŭk gŭ phung Kanaan, phung Hitit, phung Amôrit, phung Pêrisit, phung Hivit jêh ri phung Jêbusit.

Nau Ngluh Êjipt 3:8 ပူးပေါင်းရင်းမြစ်များ

Nau Ntơm 11:5

Brah Yêhôva jŭr uănh ƀon toyh jêh ri ngih gung phung kon bunuyh dôl ntơm ndâk.

Nau Ntơm 11:7

Găp jêh! Ăn He jŭr hom, ƀư tâm rlŭk nau ngơi khân păng, gay ma khân păng mâu dơi gĭt rbăng nau ngơi ndrăng khân păng nơm.”

Nau Ntơm 15:13

Brah Yêhôva lah ma Y-Abram: “Ăn may gĭt n'hêl nanê̆ pô aơ noi deh may mra jêng bunuyh bu năch tâm n'gor bu êng, mra jêng dĭk ma phung ƀon tơm, jêh ri phung nây mra tŭn jot khân păng tâm puăn rhiăng năm.

Nau Ntơm 15:14

Ƀiălah Gâp mra phat dôih noi deh hŏ tŭn jot may, jêh ri pakơi taơ khân păng mra du luh bơh bri nây geh âk ngăn drăp ndơ.

Nau Ntơm 18:21

Ăn Gâp jŭr gay uănh khân păng geh ƀư nâm nau hŏ vơl nter tât jêh ma Gâp lah mâu. Geh mâu lah mâu Gâp mra gĭt.”

Nau Ntơm 43:11

Y-Israel, mbơ̆ khân păng, lah: “Lah pôri khân may ƀư hom kơt aơ: Tâm ndô ndơ khân may djôt leo ndơ khlay bơh n'gor aơ nâm bu ntăk si ƀâu kah djê̆ jêh ri dak sŭt djê̆, ndơ sa kah, dak si tăng, găr guyh jêh ri play amandê gay ƀư ndơ nhhơr ma nơm nây.

Nau Ntơm 46:4

Gâp mra hăn trŭnh ndrel ma may ta Êjipt, jêh ri Gâp mra leo may plơ̆ sĭt. Ti Y-Yôsep mra n'grêp măt may.”

Nau Ntơm 50:24

Y-Yôsep ngơi ma phung nâu păng: “Gâp dăch khĭt, ƀiălah nanê̆ ngăn Brah Ndu mra khâl khân may, njŭn leo khân may luh bơh n'gor aơ gay plơ̆ sĭt ma n'gor Păng hŏ ton jêh ma Y-Abraham, ma Y-Isăk, jêh ri ma Y-Yakôb.”

I Nau Rêh Jêng 1:15

phung Hivit, phung Arkit, phung Sinit,

Nêhêmi 9:8

Kôranh Brah saơ nuih n'hâm păng răp jăp tanăp măt Kôranh Brah Jêh ri May hŏ ƀư jêh nau tâm rnglăp đah păng Ton ăn ma noi deh păng tâm n'gor phung ƀon lan Kanaan, phung ƀon lan Hitit, phung ƀon lan Amôrit, phung ƀon lan Pêrisit, phung ƀon lan Jêbusit, jêh ri phung ƀon lan Girgasit. Kôranh Brah hŏ ƀư tât di ngăn jêh nau Kôranh Brah ton, yorlah Kôranh Brah jêng sŏng srăng.

Nau Mprơ Ơm 12:5

Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Mprơ Ơm 12:6

Nau Brah Yêhôva ton jêng nau ngơi kloh, Nâm bu prăk bu hŏ rlong jêh tâm ŭnh năk ma neh bŏk, Ƀư kloh tât pơh tơ̆.

Nau Mprơ Ơm 34:8

Rlong ler hom jêh ri gĭt năl Brah Yêhôva ueh reh hâu ngăn ngên! Ueh maak ngăn mbu nơm gŭ krap tâm Păng!

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Nau Ngluh Êjipt 12:41

Di tâm nar nglĕ dŭt puăn rhiăng pe jât năm, lĕ rngôch phung tahan Brah Yêhôva du luh bơh n'gor Êjipt.

Nau Ngluh Êjipt 12:51

Nar nây ro, Brah Yêhôva leo phung ƀon lan Israel du luh bơh n'gor Êjipt tĭng nâm ndŭl mpôl.

Nau Ngluh Êjipt 13:5

Pôri, nôk Brah Yêhôva njŭn khân may lăp tâm n'gor phung Kanaan, phung Hitit, phung Amôrit, phung Hivit, jêh ri phung Jêbusit, jêng n'gor bêng ma dak toh jêh ri dak sŭt, Păng hŏ ton ma chô yau khân may mra ăn ma khân may, pôri lah tât khay aơ khân may kah gĭt prăp nau vay rƀŭn nây.

Nau Ngluh Êjipt 3:17

Gâp ton ngăn Gâp mra ngluh khân may bơh nau rêh ni tâm n'gor Êjipt jêh ri djôt leo khân may lăp ta n'gor phung Kanaan, phung Hitit, phung Amôrit, phung Pêrisit, phung Hivit, jêh ri phung Jêbusit, jêng n'gor neh bêng ma dak toh jêh ri dak sŭt.’

Nau Ngluh Êjipt 34:11

Njrăng hom ma nau gâp ntĭnh ma may nar aơ. Aơ, Gâp mra nsot tă bơh tanăp khân may phung Amôrit, phung Kanaan, phung Hitit, phung Pêrisit, phung Hivit, jêh ri phung Jêbusit.

Nau Ngluh Êjipt 5:23

Ntơm bơh gâp tâm mâp đah Pharaôn jêh ri sŏk amoh Brah Ndu gay ngơi ƀiălah hađăch nây rlơ̆ ƀư nau mhĭk ma phung ƀon lan aơ, jêh ri Brah Ndu mâu ôh sâm rklaih phung ƀon lan May.”

Êsai 36:17

kŏ tât gâp văch jêh ri njŭn leo khân may lăp tâm du n'gor nâm bu n'gor khân may nơm, jêng n'gor geh prăp ba jêh ri ndrănh mhe, du bri geh piăng let jêh ri đang krăk ƀâu.

Êsai 64:1

Ơ! Ueh lơn ma May hêk lĕ ndâr trôk jêh ri jŭr văch, Ƀư ma yôk n'gơ n'găr tanăp May;

Yêrêmi 11:5

Pôri, Gâp dơi ƀư nau ton jêh Gâp hŏ ton ma phung chô yau khân may, jêng ăn ma khân păng du n'gor bri bêng ma dak toh jêh ri dak sŭt, nâm bu hŏ geh jêh nar aơ.’” Gâp plơ̆ lah: “Ơ Brah Yêhôva! Amen!”

Yêrêmi 2:7

Gâp njŭn leo khân may tât du ntŭk bri neh ueh Gay ma dơi geh kao play jêh ri lĕ ndô ndơ ueh păng. Ƀiălah dôl lăp ta nây, phung khân may hŏ ƀư ƀơ̆ ƀơch neh Gâp, Hŏ ƀư ăn drăp ndơn Gâp plơ̆ jêng ƀơ̆ ƀơch.

Yêrêmi 32:22

May ăn jêh ma khân păng bri aơ, du mlâm bri geh ndơ sông sa rmeh ler, May hŏ ton jêh ăn ma phung chô yau khân păng.

Êsêkiêl 20:6

Tâm nar nây, Gâp ton ma khân păng pô aơ Gâp mra djôt leo luh tă bơh n'gor bri Êjipt gay ma lăp tâm du n'gor bri Gâp joi rơm ndrăp ăn ma khân păng, du n'gor bri, jêng bri geh dak toh jêh ri dak sŭt, bri ueh lơn tâm lĕ rngôch bri.

Kan Lêvi 20:24

Gâp hŏ ntăm jêh ma khân may: “Khân may mra dơn n'gor khân păng, Gâp mra ăn khân may n'gor nây jêng drăp ndơn khân may; nây jêng du n'gor bêng ma dak toh jêh ri dak sŭt.” Gâp jêng Yêhôva Brah Ndu khân may, hŏ tâm nkhah jêh khân may luh bơh phung ƀon lan êng.

Amôt 2:10

Gâp hŏ ngluh jêh khân may tă bơh n'gor bri Êjipt, Jêh ri njŭn khân may gŭ tâm bri rdah puăn jât năm Gay ăn khân may sŏk pit bri phung Amôrit ƀư drăp ndơn.

Nau Kơp Bunuyh 13:18

jêh ri uănh mâm n'gor jêng, phung ƀon lan gŭ ta nây ktang mâu lah ra ai, djê̆ mâu lah âk,

Nau Kơp Bunuyh 13:19

n'gor khân păng ueh mâu lah mhĭk, lĕ ƀon khân păng gŭ jêng ntŭk mâm nau, geh mpir ƀon nâp mâu lah knŏng jêng lĕ rmlak tahan, mâu geh pêr mâu lah mpir;

Nau Kơp Bunuyh 13:27

Khân păng nkoch ăn ma Y-Môis pô aơ: “Hên hăn tât jêh ma n'gor khân may hŏ prơh hên hăn. Nây jêng du n'gor bêng ma dak toh jêh ri dak sŭt; aơ jêng kao play tă bơh n'gor nây.

Yôhan 3:13

Ê hŏ geh du huê hao ta klơ trôk, ƀiălah knŏng geh Nơm jŭr tă bơh trôk, jêng Kon Bunuyh.

Yôhan 6:38

Yorlah Gâp hŏ jŭr tă klơ trôk, mâu di gay ƀư tĭng nau mĭn Gâp ŭch ôh, ƀiălah ƀư tĭng nau mĭn Nơm hŏ njuăl jêh Gâp.

Nau Vay Nkah Tay 1:25

Khân păng pĕ play bơh n'gor nây gay nsĭt ma he jêh ri mbơh ma he: ‘N'gor Yêhôva Brah Ndu ăn ma he jêng ueh ngăn.’

Nau Vay Nkah Tay 1:7

Aƀaơ, hăn plơ̆ hom jêh ri hăn tay, lăp ta n'gor klơ dor yôk phung Amôrit jêh ri tâm lĕ nkual chiau meng, jêng lăp ta nkual Arabah, n'gor klơ dor yôk, nkual Sêphêla, nkual Nêgep, jêh ri n'gor kơh dak mƀŭt, hăn tât ta n'gor phung Kanaan jêh ri Liban, tât ta dak krong toyh jêng dak krong Ơphrat.

Nau Vay Nkah Tay 27:3

Lah khân may hŏ rgăn jêh dak krong gay lăp tâm n'gor Yêhôva Brah Ndu ăn ma khân may, jêng n'gor bêng ma dak toh jêh ri dak sŭt tĭng nâm Yêhôva Brah Ndu phung chô yau khân may hŏ ton jêh ma khân may, ăn khân may nchih ta klơ plơp lŭ nây lĕ rngôch rplay ngơi bơh nau vay aơ.

Nau Vay Nkah Tay 28:11

Brah Yêhôva mra ƀư nau chăt hao ma khân may, play bơh ndŭl proch săk jăn khân may, play bơh mpô mpa rong, kao play tâm mir khân may mra dơi geh âk ngăn tâm n'gor Păng mra ăn ma khân may tĭng nâm nau ton ma phung chô yau khân may.

Nau Vay Nkah Tay 6:3

Pôri, ơ Israel, iăt hom jêh ri blau njrăng ƀư tĭng nau nây gay khân may dơi geh nau ƀŭn lap jêh ri bĭk rơ̆ âk râk tâm nkual neh bêng ma dak toh jêh ri dak sŭt, nâm bu Yêhôva Brah Ndu phung chô yau khân may hŏ ton lah jêh ma khân may.

Nau Vay Nkah Tay 7:1

“Lah Yêhôva Brah Ndu khân may hŏ njŭn khân may lăp tâm n'gor khân may bơi sŏk dơn gay jêng drăp ndơn, Păng mra mprơh tă bơh tanăp khân may âk phung ndŭl mpôl tâm ban phung Hitit, phung Girgasit, phung Amôrit, phung Kanaan, phung Pêrisit, phung Hivit jêh ri phung Jêbusit, jêng pơh ndŭl mpôl ktang lơn jêh ri âk lơn ma khân may.

Yôsuê 5:6

Yorlah phung ƀon lan Israel hŏ hăn tâm bri rdah puăn jât năm kŏ tât ma lĕ rngôch phung ƀon lan jêh ri lĕ phung tahan hŏ du luh bơh Êjipt khĭt ƀhiau, yorlah mâu tông bâr Brah Yêhôva. Brah Yêhôva hŏ ton ma khân păng pô aơ Păng mâu ăn ma khân păng saơ neh Brah Yêhôva hŏ ton ma chô yau khân păng mra ăn ma he, jêng neh bêng ma dak toh jêh ri dak sŭt.

Yôsuê 9:1

Tơlah tăng nau nây, lĕ rngôch phung hađăch gŭ kơh ri dak krong Yurdan, mâu lah gŭ ta klơ yôk, tâm dâng jâng yôk, mâu lah rgŏ kơh Dak Mƀŭt Toyh tâm tham ma Liban, jêng phung hađăch phung Hitit, phung Amôrit, phung Kanaan, phung Pêrisit, phung Hivit jêh ri phung Jêbusit,

Yôsuê 9:7

Phung ƀon lan Israel lah ma phung Hivit: “Klăp lah khân may gŭ dăch ma hên, mâm ƀư hên dơi ƀư nau đăp mpăn đah khân may?”