Nau Ngluh Êjipt 3:20 - Nau Brah Ndu Ngơi 2023

²⁰ Yor ri, Gâp mra yơr ti rmal n'gor Êjipt đah lĕ nau mbên mha Gâp mra ƀư tâm n'gor nây, jêh nây khân păng mra ăn khân may hăn.

Nau Ngluh Êjipt 3:20 ပူးပေါင်းရင်းမြစ်များ

Nau Ntơm 15:14

Ƀiălah Gâp mra phat dôih noi deh hŏ tŭn jot may, jêh ri pakơi taơ khân păng mra du luh bơh bri nây geh âk ngăn drăp ndơ.

Nêhêmi 9:10

Păng ƀư mpơl nau mbên âk ntil jêh ri nau mbên mha tâm rdâng đah Pharaôn, Jêh ri phung oh mon păng jêh ri lĕ rngôch phung ƀon lan tâm bri dak, Yorlah Kôranh Brah gĭt khân păng hŏ ƀư djơh rlau keh ir ma chô yau hên. Kôranh Brah ƀư ăn lư n'găr amoh Kôranh Brah tât nâm bu ta nar aơ.

Nau Mprơ Ơm 105:27

Tâm n'gor Cham, Bar hê khân păng ƀư lĕ nau mbên jêh ri nau mbên khlay Păng.

Nau Mprơ Ơm 105:38

Phung Êjipt maak tơlah khân păng luh hăn, Yorlah nau krit phung Israel ƀư jêh ta khân păng.

Nau Mprơ Ơm 106:22

Păng ƀư lĕ kan khlay tâm n'gor bri Cham, Jêh ri lĕ nau krit ta kơh Dak Mƀŭt Chăng.

Nau Ngluh Êjipt 11:1

Brah Yêhôva lah ma Y-Môis: “Gâp mra ƀư ăn ma Pharaôn jêh ri n'gor Êjipt du nau mhĭk đŏng. Jêh nĕ, hađăch nây mra ăn khân may hăn. Mâu knŏng hađăch nây ăn khân may hăn du luh ƀiălah păng mra nsot lĕ khân may hăn luh bơh aơ đŏng.

Nau Ngluh Êjipt 12:39

Khân păng gŭch piăng let mâu geh ndrui ƀư ma rnih hŏ djôt leo bơh n'gor Êjipt. Rnih nây mâu geh ndrui yorlah bu nsot khân păng ndal ir bơh n'gor Êjipt, yor ri mâu năn ndrăp lor ndơ sông sa.

Nau Ngluh Êjipt 13:3

Y-Môis lah ma phung ƀon lan: “Ăn khân may ndray nar aơ, yorlah aơ jêng nar Brah Yêhôva dŏng mpang ti nau brah gay djôt khân may luh bơh n'gor Êjipt, jêng luh bơh ngih dĭk bu, lơi sa ôh piăng let geh ndrui.

Nau Ngluh Êjipt 13:9

Jêh ri mpeh ma khân may, nây mra jêng nâm bu du nau mbên ta ti khân may, du nau ndray ta vah vang bar ding măt khân may gay ma nau vay bơh Brah Yêhôva gŭ tâm trôm mbung khân may; yorlah Brah Yêhôva hŏ dŏng ti nau brah gay leo khân may du luh bơh n'gor Êjipt.

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Nau Ngluh Êjipt 15:6

Ơ Brah Yêhôva! Ti ma May chrat ang nau rnam. Ơ Brah Yêhôva! Ti ma May ƀư rai jêh phung rlăng.

Nau Ngluh Êjipt 4:21

Brah Yêhôva lah ma Y-Môis: “Lah may plơ̆ sĭt ta n'gor Êjipt, ăn may ƀư lĕ rngôch nau mbên khlay Gâp hŏ jao jêh tâm ti may gay ƀư tanăp Pharaôn. Ƀiălah Gâp mra ƀư ăn hađăch Êjipt dăng nuih n'hâm, mâu ăn ôh phung ƀon lan hăn.

Nau Ngluh Êjipt 6:1

Brah Yêhôva lah ma Y-Môis: “Aƀaơ may mra saơ lĕ nau Gâp mra ƀư ma Pharaôn. Nanê̆, yor tă bơh mpang ti nau brah Gâp, hađăch nây mra ăn phung Israel hăn luh; yor tă bơh mpang ti nau brah Gâp, hađăch nây mra mprơh khân păng luh bơh n'gor păng.”

Nau Ngluh Êjipt 6:6

Yor nây, ăn may lah ma phung ƀon lan Israel: ‘Gâp jêng Brah Yêhôva, Gâp mra djôt khân may luh bơh kan jâk phung Êjipt jêh ri rklaih khân may bơh nau ƀư dĭk. Gâp mra yơr ti sŏng, dŏng nau phat dôih jâk jêr gay tâm chuai khân may.

Nau Ngluh Êjipt 9:15

Aƀaơ, Gâp dơi yơr ti rmal may jêh ri phung ƀon lan may ma nau ji tưp gay ƀư rai may jêh ri phung ƀon lan may bơh neh ntu.

Êsai 19:22

Brah Yêhôva mra dong bri Êjipt; jêh dong ƀư bah tay khân păng đŏng. Khân păng mra sĭt ma Brah Yêhôva. Păng mra iăt nau khân păng mbơh sơm jêh ri ƀư bah khân păng.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsêkiêl 20:33

Kôranh Brah Yêhôva lah: ‘Tĭng nâm Gâp gŭ rêh mro mrăng, Gâp mra sŏk ti ktang jêh ri yơr nting tur ti, nkhŭt nau ji nuih gay chiă uănh khân may!

Mika 7:15

Gâp mra tâm mpơl ma khân păng lĕ nau mbên khlay, Nâm bu tâm lĕ nar khân păng du luh tă bơh n'gor bri Êjipt.

Kôranh Oh Mon 7:36

Păng hŏ njŭn leo khân păng luh, ƀư lĕ nau khlay, nau mbên khlay tâm n'gor Êjipt, ta Dak Mƀŭt Chăng, jêh ri ntŭk bri rdah tâm puăn jât năm.

Nau Vay Nkah Tay 4:34

Mâu lah mâp geh lĕ du huê brah hăn săch ma păng nơm du mpôl băl bunuyh tă bơh nklang du mpôl băl êng ma lĕ nau tâm rlong, mpơl nau mbên jêh ri nau mbên mha, ma nau tâm lơh, ma ti nau dơi yơr huy, ma lĕ nau krit klach toyh, nâm bu lĕ rngôch nau Yêhôva Brah Ndu hŏ ƀư jêh ma khân may tâm n'gor Êjipt tanăp măt khân may?

Nau Vay Nkah Tay 6:22

Brah Yêhôva hŏ ƀư tanăp he lĕ nau mbên khlay toyh ngăn jêh ri klach krit, gay rmal ma n'gor Êjipt, ma Pharaôn jêh ri ma lĕ rngôch ngih hađăch.

Phung Kôranh Phat Dôih 6:8

ri mơ Brah Yêhôva prơh du huê nơm mbơh lor hăn tât gay lah ma phung ƀon lan Israel pô aơ: “Yêhôva Brah Ndu ma phung Israel lah: ‘Gâp hŏ leo khân may du luh bơh n'gor Êjipt, ngluh jêh khân may luh bơh ngih dĭk bu.

Phung Kôranh Phat Dôih 8:16

Pôri, păng nhŭp phung kôranh bu ranh ƀon toyh nây, sŏk rlô lok tâm bri rdah gay nti ma phung bunuyh Sukôt du nau nti.