Nau Ngluh Êjipt 3:2 - Nau Brah Ndu Ngơi 2023

² Tông mpăr Brah Yêhôva tâm mpơl ma păng tâm mpiăt ŭnh, ta nklang du ntŭk pŭm lok. Y-Môis uănh saơ ŭnh sa pŭm lok ƀiălah mâu lêk.

Nau Ngluh Êjipt 3:2 ပူးပေါင်းရင်းမြစ်များ

Nau Ntơm 21:17

Brah Ndu tăng bâr kon se nhĭm, tông mpăr Brah Ndu bơh klơ trôk kuăl H'Agar jêh ri lah: “H'Agar, moh geh nau ma ay? Lơi klach ôh! Yorlah Brah Ndu lĕ tăng jêh bâr kon se jê̆ nhĭm ta ntŭk păng gŭ nây.

Nau Ntơm 22:11

Ƀiălah tông mpăr Brah Yêhôva bơh trôk kuăl păng: “Y-Abraham, Y-Abraham!” Păng ơh: “Gâp ta aơ.”

Nau Ntơm 48:16

Jêng Tông Mpăr hŏ rklaih jêh gâp bơh lĕ nau mhĭk, Dăn Kôranh Brah ăn nau ueh uĭn ma bar hê kon se aơ, Ăn khân păng sŏk amoh gâp Jêh ri chô yau gâp jêng Y-Abraham jêh ri Y-Isăk. Ăn ma khân păng jêng bĭk rơ̆ âk râk klơ neh ntu!”

Nau Mprơ Ơm 66:12

May ăn bu ncho ta klơ bôk hên; Hên hăn rgăn ŭnh, rgăn dak, Ƀiălah May njŭn leo hên ta ntŭk ndrŏng ngăn.

Nau Ngluh Êjipt 19:18

Lĕ yôk Sinai bêng ma nhhŭk ŭnh, yor Brah Yêhôva gŭ tâm nklang ŭnh jêh ri jŭr ta nây. Nhhŭk ŭnh hao leo klơ nâm bu nhhŭk ŭnh bơh ŭnh năk toyh, jêh ri lĕ yôk nây n'gơ dăng ngăn.

Nau Ngluh Êjipt 23:20

“Aơ, Gâp njuăl du huê tông mpăr hăn panăp kon gay mât mơh kon tâm trong hăn jêh ri leo kon lăp ta ntŭk Gâp hŏ nkra jêh.

Nau Ngluh Êjipt 24:17

Nau chrêk ma lơp Brah Yêhôva nchrat nâm bu ŭnh hit ta klơ n'gơn yôk tanăp măt phung ƀon lan Israel.

Nau Ngluh Êjipt 3:16

Hăn kuăl rgum hom phung kôranh bu ranh Israel jêh ri lah ma khân păng: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, hŏ tâm mpơl jêh ma gâp jêh ri lah: Gâp hŏ mât mơh ngăn khân may jêh ri saơ jêh lĕ nau bu ƀư ma khân may tâm n'gor Êjipt.

Êsai 43:2

Tơlah khân may rgăn lĕ n'hor dak, Gâp mra gŭ ndrel may; Lah may re rgăn dak krong, mâu mra hoch rdu. Lah may chuat rgăn tâm ŭnh, mâu mra ŭnh sa ôh, Mpiăt ŭnh mâu sa may.

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Daniel 3:27

Phung kôranh nkual, phung kôranh chiă uănh, phung kôranh toyh, jêh ri phung kôranh tâm nchră ma hađăch tâm rgum jêh ri saơ ŭnh mâu dơi ƀư mhĭk ma săk jăn phung pe nuyh nây ôh; ăt mâu geh du brai sŏk ta bôk khân păng, kho ao khân păng ŭnh mâu geh rôt ôh, nđâp ma ƀâu ŭnh ăt mâu krêp lĕ tâm khân păng.

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

Malachi 3:1

“Aơ, Gâp njuăl nơm ntuh bâr Gâp gay nkra trong panăp Gâp, jêh ri Kôranh Brah nơm khân may joi mra văch ƀât lât lăp tâm ngih brah Păng; nâm bu ntĭt jêng nơm mbơh ma nau tâm rnglăp jêng nau khân may kâp gân. Aơ, Păng dôl văch!” Brah Yêhôva ma phung tahan lah pônây.

Markôs 12:26

Bi nau bunuyh khĭt dơi dâk rêh tay, khân may ê hŏ rŏ nau nkoch bri ma pŭm lok tâm ndrom samƀŭt Y-Môis ƀơh? Mâm ƀư Brah Ndu lah jêh ma păng, ‘Gâp jêng Brah Ndu Y-Abraham, Brah Ndu Y-Isăk, Brah Ndu Y-Yakôp’?

Luka 20:37

Bi ma nau phung khĭt dâk rêh tay, nđâp Y-Môis hŏ mpơl jêh tâm nau nkoch bri ma pŭm lok, tơlah Kôranh Brah jêng Brah Ndu Y-Abraham, Brah Ndu Y-Isăk jêh ri Brah Ndu Y-Yakôp.

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,

Nau Vay Nkah Tay 33:16

Ma ndơ ăn khlay lơn nđâp nau bêng ler bơh neh, Jêh ri nau ueh bơh Nơm gŭ ta nklang pŭm lok. Ăn lĕ nau ueh uĭn aơ tŭp ta klơ bôk Y-Yôsep Jêh ri ta klơ ndăr kleng nơm jêng bôk tâm phung oh nâu păng nơm.

Nau Vay Nkah Tay 4:20

Bi khân may, Brah Yêhôva hŏ săch jêh ri njŭn leo khân may luh tă bơh ŭnh năk loih ri, jêng n'gor Êjipt, gay khân may jêng du phung ƀon lan êng Păng nơm, jêng drăp ndơn Păng, tâm ban khân may jêng nar aơ.

II Têsalônik 1:7

jêh ri ma khân may jêng phung dơn nau rêh ni geh nau rlu ndrel ma hên, tâm nar Kôranh Brah jêng Brah Yêsu mra tâm mpơl bơh trôk ta nklang chiông ŭnh hit, ndrel ma phung tông mpăr bêng nau dơi Păng.

Phung Kôranh Phat Dôih 13:13

Tông mpăr Brah Yêhôva lah ma Y-Manôa pô aơ: “Bu ur ver hom lĕ nau gâp hŏ ntĭnh jêh.