Nau Ngluh Êjipt 3:18 - Nau Brah Ndu Ngơi 2023

¹⁸ Khân păng mra iăt tĭng bâr may ngơi. Pôri ăn may jêh ri phung kôranh bu ranh Israel hăn tât tâm mâp đah hađăch Êjipt jêh ri lah: ‘Brah Yêhôva, Brah Ndu phung Hêbrơ, hŏ tâm mpơl jêh đah hên. Aƀaơ, dăn ma hađăch ăn hên pe nar hăn trong lăp tâm bri rdah gay nhhơr mpa ƀư brah ma Yêhôva Brah Ndu hên.’

Nau Ngluh Êjipt 3:18 ပူးပေါင်းရင်းမြစ်များ

Nau Ntơm 12:1

Brah Yêhôva lah ma Y-Abram: “Du luh hom tă bơh ƀon tơm, ndŭl mpôl may jêh ri ngih mbơ̆ kon may gay hăn tât ta n'gor Gâp mra ntĭm an ma may.

Nau Ntơm 14:13

Geh du huê nơm dơi klaih văch mbơh ma Y-Abram, bunuyh Hêbrơ. Y-Abram dôl gŭ rêh dăch ndru tơm guyh ta Mamrê, bunuyh Amôrit, nâu Y-Êskôl jêh ri Y-Aner; lĕ pe nuyh aơ khân păng tâm rnglăp jêh đah Y-Abram.

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

Nau Ntơm 48:3

Y-Yakôb lah ma Y-Yôsep: “Brah Ndu Geh Lĕ Nau Brah tâm mpơl jêh ri ăn nau ueh uĭn ma gâp ta Lus, tâm n'gor Kanaan.

II Nau Rêh Jêng 30:12

Ti Brah Ndu rlay đŏng ma phung Yuđa gay ăn ma khân păng geh du ai nuih n'hâm tông tĭng nau hađăch jêh ri phung kôranh hŏ ntăm jêh tĭng nâm nau Brah Yêhôva ngơi.

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Nau Ngluh Êjipt 10:3

Y-Môis jêh ri Y-Arôn hăn tât ta Pharaôn jêh ri lah: “Brah Yêhôva jêng Brah Ndu phung Hêbrơ lah: ‘Ndah nâm jŏ may mâu ŭch ntrŭnh may nơm tanăp măt Gâp? Ăn phung ƀon lan Gâp hăn, gay ma khân păng dơi pah kan ma Gâp.

Nau Ngluh Êjipt 17:5

Brah Yêhôva lah ma Y-Môis: “Hăn hom panăp phung ƀon lan, leo ndrel ma may phung bu ranh tâm phung Israel jêh ri ti may djôt mâng jra hŏ dong jêh ta dak krong, jêh ri hăn hom.

Nau Ngluh Êjipt 19:1

Tâm khay tal pe kơp ntơm nôk khân păng luh bơh n'gor Êjipt, ta nar nây yơh phung ƀon lan Israel tât ta bri rdah Sinai.

Nau Ngluh Êjipt 25:22

Gâp mra mâp may ta nây; ntơm bơh klơ ndrŭp nau yô̆, ta nklang bar chêrubim gŭ ta klơ Hip Nau Tâm Rnglăp, Gâp mra ntĭnh ma may dĭng lĕ nau ntăm ƀư ma phung ƀon lan Israel.”

Nau Ngluh Êjipt 3:12

Brah Ndu lah: “Gâp mra gŭ ndrel ma may. Aơ jêng nau tâm mbên gay ma may gĭt nal Gâp hŏ đă may hăn: Jêh may hŏ njŭn leo phung ƀon lan luh bơh n'gor Êjipt, jêh ri khân may mra yơk mbah Brah Ndu ta klơ yôk aơ.”

Nau Ngluh Êjipt 3:16

Hăn kuăl rgum hom phung kôranh bu ranh Israel jêh ri lah ma khân păng: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, hŏ tâm mpơl jêh ma gâp jêh ri lah: Gâp hŏ mât mơh ngăn khân may jêh ri saơ jêh lĕ nau bu ƀư ma khân may tâm n'gor Êjipt.

Nau Ngluh Êjipt 30:36

May sŏk djê̆ jêh ri juh jêng rnih jêh nây dơm panăp Hip Nau Tâm Rnglăp tâm Ngih Bok Nau Tâm Rƀŭn ta ntŭk Gâp mra tâm mâp đah khân may. Ndơ ƀâu kah aơ mra jêng kloh ueh ngăn ma khân may.

Nau Ngluh Êjipt 30:6

Ăn may n'gân nơng ƀư brah panăp bok nkŭm Hip Nau Tâm Rnglăp, tâm tra đah ndrŭp nau yô̆ gŭ ta klơ Nau Tâm Rnglăp, ntŭk Gâp mra tâm mâp đah may.

Nau Ngluh Êjipt 4:1

Y-Môis plơ̆ lah: “Ƀiălah, khân păng mâu mra iăt ôh jêh ri mâu iăt ro nau gâp ngơi, yorlah khân păng mra lah: ‘Brah Yêhôva mâu mâp ôh tâm mpơl đah may.’”

Nau Ngluh Êjipt 4:23

Rĭ dĭng Gâp lah ma may: Ăn kon Gâp hăn hom, gay ma păng dơi pah kan ma Gâp. Tơlah may dun mâu ăn ôh păng hăn, aơ, gâp mra nkhĭt kon bu klâu may deh dak bôk.’”

Nau Ngluh Êjipt 4:24

Rŏ trong, ta du ntŭk ngih njưh, Brah Yêhôva tâm mpơl đah Y-Môis jêh ri joi nau gay ma nkhĭt păng.

Nau Ngluh Êjipt 4:31

Phung ƀon lan rnơm. Dôl khân păng tăng Brah Yêhôva hŏ khâl jêh phung ƀon lan Israel nđâp hŏ saơ jêh nau rêh ni khân păng, khân păng kŭnh bôk jêh ri yơk mbah.

Nau Ngluh Êjipt 5:1

Jêh nây, Y-Môis jêh ri Y-Arôn hăn mbơh ma Pharaôn jêh ri lah: “Brah Yêhôva, Brah Ndu phung Israel, lah: ‘Ăn phung ƀon lan Gâp hăn gay ma khân păng nkra nau tâm rƀŭn yơk mbah ma Gâp tâm bri rdah.’”

Nau Ngluh Êjipt 5:3

Y-Môis jêh ri Y-Arôn ngơi: “Brah Ndu phung Hêbrơ hŏ tâm mpơl jêh đah hên. Hên dăn ma may ăn hên hăn tâm pe nar hăn trong mŭt tâm bri rdah gay nhhơr mpa ƀư brah ma Yêhôva Brah Ndu hên; lah mâu, Brah Ndu mra ƀư nau ji tưp mâu lah ma đao đah hên.”

Nau Ngluh Êjipt 7:16

Ăn may mbơh ma păng pô aơ Brah Yêhôva, jêng Brah Ndu phung Hêbrơ hŏ đă gâp tât gay mâp may jêh ri lah ma may: ‘Ăn phung ƀon lan Gâp luh du gay ma khân păng dơi pah kan ma Gâp tâm bri rdah; ƀiălah tât aƀaơ may mâu ôh mâp tông bâr.’

Nau Ngluh Êjipt 8:1

Brah Yêhôva lah tay ma Y-Môis: “Hăn mâp hom Pharaôn, jêh ri lah ma păng: Brah Yêhôva lah pô aơ: ‘Ăn phung ƀon lan Gâp hăn gay ma khân păng pah kan ma Gâp.

Nau Ngluh Êjipt 8:20

Jêh nây, Brah Yêhôva lah ma Y-Môis: “Dâk hom ơm ôi jêh ri tâm mâp ma Pharaôn dôl păng hăn ta kơh dak krong jêh ri lah ma păng pô aơ Brah Yêhôva lah: ‘Ăn phung ƀon lan Gâp hăn gay ma khân păng dơi pah kan ma Gâp.

Nau Ngluh Êjipt 8:23

Gâp mra prăp êng phung ƀon lan Gâp đah phung ƀon lan may. Nau mbên khlay aơ ôi taơ mra tât.’”

Nau Ngluh Êjipt 9:1

Brah Yêhôva lah ma Y-Môis: “Hăn tâm mâp hom ma Pharaôn jêh ri lah ma păng pô aơ Brah Yêhôva, jêng Brah Ndu ma phung Hêbrơ lah: ‘Ăn phung ƀon lan Gâp hăn, gay ma khân păng dơi pah kan ma Gâp.

Nau Ngluh Êjipt 9:13

Jêh nây, Brah Yêhôva lah ma Y-Môis: “Ôi taơ ăn may dâk ơm ôi, dâk tanăp măt Pharaôn jêh ri lah pô aơ Brah Yêhôva, jêng Brah Ndu phung Hêbrơ lah: ‘Ăn phung ƀon lan gâp hăn, gay ma khân păng dơi pah kan ma Gâp.

Êsai 64:5

May vơt dơn nơm pah kan sŏng srăng ma nau răm, Phung hăn tâm trong May jêh ri kah gĭt ma May. Aơ, May ji nuih jêh yorlah hên hŏ ƀư tih; Gŭ jŏ tâm nau tih kơt nĕ hên hôm geh nau tâm rklaih lĕ?

Yêrêmi 2:2

“Hăn hom jêh ri ngơi ta tôr phung ƀon lan Yêrusalem pô aơ: Brah Yêhôva lah kơt aơ: ‘Gâp kah gĭt ma nuih n'hâm răp jăp may nôk may hôm ndăm, Nau may rŏng nâm bu du huê ƀăn mhe sĭt ma ngih sai, Nôk may tĭng Gâp tâm bri rdah, Ta klơ ntŭk neh mâu srih tăm.

Yêrêmi 2:6

Khân păng mâu prot ôp: ‘Ta ntŭk Brah Yêhôva? Nây jêng Nơm hŏ djôt leo he luh bơh Êjipt, Njŭn leo he găn bri rdah, Găn n'gor rngol bêng ma ntu brŏng, Tâm neh kro đang jêh ri rđŭng nau khĭt, Ntŭk mâu geh bunuyh găn tât, Jêh ri mâu geh bunuyh nănh gŭ.’

Yêrêmi 26:5

tơlah khân may mâu iăt nau phung oh mon Gâp, jêng phung nơm mbơh lor ngơi Gâp prơh hăn tât ma khân may âk tơ̆, khân may ơm mâu ŭch iăt ôh,

Nau Kơp Bunuyh 17:4

Ăn may dơm mâng jra nây tâm Ngih Bok Nau Tâm Rƀŭn tanăp Hip Nau Tâm Rnglăp, ntŭk Gâp tâm mâp đah may.

Yôsuê 1:17

Hên mra tông bâr may tâm lĕ nau kan nâm bu hên hŏ tông bâr jêh ma Y-Môis. Knŏng ŭch Yêhôva Brah Ndu may gŭ ndrel ma may, tâm ban Păng hŏ gŭ ndrel jêh ma Y-Môis!