Nau Ngluh Êjipt 3:16 - Nau Brah Ndu Ngơi 2023

¹⁶ Hăn kuăl rgum hom phung kôranh bu ranh Israel jêh ri lah ma khân păng: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, hŏ tâm mpơl jêh ma gâp jêh ri lah: Gâp hŏ mât mơh ngăn khân may jêh ri saơ jêh lĕ nau bu ƀư ma khân may tâm n'gor Êjipt.

Nau Ngluh Êjipt 3:16 ပူးပေါင်းရင်းမြစ်များ

Nau Ntơm 1:7

Brah Ndu njêng đôr trôk jêh ri tâm nkhah dak tâm dâng đah dak ta klơ đôr, nau nây geh kơt nĕ.

Nau Ntơm 21:1

Brah Yêhôva khâl H'Sara nâm bu nau Păng hŏ lah, jêh ri ƀư ma H'Sara nâm bu nau Păng hŏ ton jêh.

Nau Ntơm 28:13

Ri, Brah Yêhôva dâk tanăp măt păng jêh ri lah: “Gâp jêng Yêhôva Brah Ndu Y-Abraham, chô yau may, ăt jêng Brah Ndu Y-Isăk. Gâp mra ăn ma may jêh ri noi deh may ntŭk neh may dôl lâng săk bê̆ch.

Nau Ntơm 48:15

Jêh nây păng ăn nau ueh uĭn ma Y-Yôsep: “Ơ Brah Ndu Chô yau gâp jêng Y-Abraham jêh ri Y-Isăk hŏ yơk mbah, Jêng Brah Ndu nơm mât mơh gâp Bơh nôk gâp mhe pơ deh kŏ tât nar aơ,

Nau Ntơm 50:24

Y-Yôsep ngơi ma phung nâu păng: “Gâp dăch khĭt, ƀiălah nanê̆ ngăn Brah Ndu mra khâl khân may, njŭn leo khân may luh bơh n'gor aơ gay plơ̆ sĭt ma n'gor Păng hŏ ton jêh ma Y-Abraham, ma Y-Isăk, jêh ri ma Y-Yakôb.”

Nau Mprơ Ơm 102:21

Tâm ban pônây, bu mbơh amoh Brah Yêhôva tâm Siôn, Jêh ri mprơ tâm rnê Păng ta ƀon Yêrusalem,

Nau Mprơ Ơm 33:18

Ri măt Brah Yêhôva uănh ma phung klach yơk ma Păng, Jêh ri phung kâp gân tâm nau ueh Păng

Nau Mprơ Ơm 8:4

Moh nau kon bunuyh jêng, kŏ Kôranh Brah kah gĭt ma khân păng? Moh kon bunuyh jêng dĭng Kôranh Brah chop khâl păng?

Nau Ngluh Êjipt 1:8

Nôk nây geh du huê hađăch mhe hao klơ sưng hađăch chiă uănh n'gor Êjipt, mâu gĭt năl Y-Yôsep ôh.

Nau Ngluh Êjipt 13:19

Y-Môis djôt leo nđâp nting Y-Yôsep, yorlah alor Y-Yôsep hŏ đă phung ƀon lan Israel ton ngăn dôl păng ngơi: “Nanê̆ Brah Ndu mra khâl khân may; djôt hom nting gâp ndrel ma khân may du luh bơh ntŭk aơ.”

Nau Ngluh Êjipt 15:14

Lĕ phung ƀon lan tăng jêh nau nây klach râm sâr da dê, Nau klach krit lăp tâm phung Philistin.

Nau Ngluh Êjipt 17:5

Brah Yêhôva lah ma Y-Môis: “Hăn hom panăp phung ƀon lan, leo ndrel ma may phung bu ranh tâm phung Israel jêh ri ti may djôt mâng jra hŏ dong jêh ta dak krong, jêh ri hăn hom.

Nau Ngluh Êjipt 18:12

Y-Jêtrô, po Y-Môis, nhhơr ndơ ƀư brah gŭch jêh ri mpa ƀư brah ma Brah Ndu. Y-Arôn jêh ri lĕ kôranh bu ranh Israel văch sông sa ndrel ma po Y-Môis, tanăp Brah Ndu.

Nau Ngluh Êjipt 2:25

Brah Ndu treng uănh phung ƀon lan Israel jêh ri gĭt nanê̆ ngăn nau tât ma khân păng.

Nau Ngluh Êjipt 24:11

Păng mâu ôh yơr ti ƀư nau mhĭk ma phung kôranh ƀon lan Israel; khân păng hŏ treng uănh jêh Brah Ndu jêh nây khân păng nhêt sa.

Nau Ngluh Êjipt 3:2

Tông mpăr Brah Yêhôva tâm mpơl ma păng tâm mpiăt ŭnh, ta nklang du ntŭk pŭm lok. Y-Môis uănh saơ ŭnh sa pŭm lok ƀiălah mâu lêk.

Nau Ngluh Êjipt 3:6

Jêh nây Brah Ndu lah tay: “Gâp jêng Brah Ndu ma chô yau may, Brah Ndu Y-Abraham, Brah Ndu Y-Isăk, jêh ri Brah Ndu Y-Yakôb.” Y-Môis nking ro măt păng yorlah păng klach uănh saơ Brah Ndu.

Nau Ngluh Êjipt 4:1

Y-Môis plơ̆ lah: “Ƀiălah, khân păng mâu mra iăt ôh jêh ri mâu iăt ro nau gâp ngơi, yorlah khân păng mra lah: ‘Brah Yêhôva mâu mâp ôh tâm mpơl đah may.’”

Nau Ngluh Êjipt 4:29

Y-Môis jêh ri Y-Arôn hăn kuăl rgum lĕ rngôch kôranh bu ranh ƀon lan Israel.

Nau Ngluh Êjipt 4:31

Phung ƀon lan rnơm. Dôl khân păng tăng Brah Yêhôva hŏ khâl jêh phung ƀon lan Israel nđâp hŏ saơ jêh nau rêh ni khân păng, khân păng kŭnh bôk jêh ri yơk mbah.

Nau Ngluh Êjipt 4:5

Brah Yêhôva lah: “Nau nây gay ma khân păng rnơm ma Brah Yêhôva, Brah Ndu chô yau khân păng, jêng Brah Ndu Y-Abraham, Brah Ndu Y-Isăk, Brah Ndu Y-Yakôb, hŏ tâm mpơl jêh ma may.”

Mathay 26:3

Nôk nây, phung kôranh ƀư brah toyh jêh ri phung kôranh bu ranh tâm phung ƀon lan rgum tâm nkual ngih kôranh ƀư brah dŭt toyh rnha Y-Kaipe

Luka 1:68

“Tâm rnê ma Kôranh Brah, jêng Brah Ndu Israel, Yorlah Păng hŏ khâl jêh ri tâm chuai jêh phung ƀon lan Păng,

Luka 19:44

Khân păng mra ƀư rai may jêh ri phung kon sau ta nklang may đŏng. Khân păng mâu mra ăn glo lŭ aơ gŭ ta klơ glo lŭ ri, yorlah may mâu gĭt ôh mông may geh nau khâl.”

Kôranh Oh Mon 11:30

Khân păng ƀư nau nây jêh ri njuăl ndơ ăn ma phung bu ranh tă ma ti Y-Ƀarnaƀas jêh ri Y-Sôl.

Kôranh Oh Mon 15:14

Mâm Y-Simêôn hŏ nkoch êlor Brah Ndu chop khâl ma mpôl băl phung bu năch, gay ma sŏk luh tă bơh khân păng du phung ƀon lan ma amoh Păng.

Kôranh Oh Mon 20:17

Rnôk nây, bơh ƀon Milêt, Y-Pôl njuăl bunuyh ta ƀon Êphêsô kuăl phung kôranh bu ranh tâm Phung Ngih Brah Ndu văch ta nây.

I Pêtrôs 2:12

Ăn khân may gŭ ngao sŏng ta nklang phung bu năch, gay ma tơlah khân păng ngơi mhĭk khân may jêng bunuyh djơh mhĭk, khân păng ăt saơ nau ueh khân may ƀư jêh ri tâm rnê Brah Ndu tâm nar Păng chop khâl.

I Pêtrôs 5:1

Gâp njuăl nau ntĭnh ma phung kôranh bu ranh tâm phung khân may, yorlah gâp ăt jêng du huê kôranh bu ranh, jêng nơm mbơh nau rêh ni Brah Krist, jêh ri ăt jêng nơm mra geh kô̆ tâm nau chrêk rmah bơi tâm mpơl.

Bu ur Rut 1:6

Nôk nây, dôl hôm gŭ ta bri Môap, H'Naômi tăng pô aơ Brah Yêhôva khâl jêh ma phung ƀon lan Păng jêh ri ăn ndơ sông sa ma khân păng rĭ dĭng păng ndrel ma bar hê ƀăn păng ntơm du luh bơh bri Môap sĭt ma bri păng nơm.