Nau Ngluh Êjipt 3:12 - Nau Brah Ndu Ngơi 2023

¹² Brah Ndu lah: “Gâp mra gŭ ndrel ma may. Aơ jêng nau tâm mbên gay ma may gĭt nal Gâp hŏ đă may hăn: Jêh may hŏ njŭn leo phung ƀon lan luh bơh n'gor Êjipt, jêh ri khân may mra yơk mbah Brah Ndu ta klơ yôk aơ.”

Nau Ngluh Êjipt 3:12 ပူးပေါင်းရင်းမြစ်များ

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

Nau Ntơm 15:8

Ƀiălah Y-Abram ơh: “Ơ Kôranh Brah jêng Brah Yêhôva, mâm ƀư gâp dơi gĭt gâp mra dơi ndơn bri aơ?”

Nau Ntơm 26:3

Ăn may gŭ njưh tâm n'gor aơ, Gâp mra gŭ ndrel ma kon jêh ri ăn nau ueh uĭn ma kon; yorlah Gâp mra ăn ma may jêh ri ma noi deh kon lĕ nkual bri aơ jêh ri Gâp mra ƀư n'hêl nanê̆ nau Gâp ton jêh ma Y-Abraham, mbơ̆ may.

Nau Ntơm 31:3

Brah Yêhôva lah ma Y-Yakôb: “Sĭt hom ta n'gor phung che may jêh ri ma phung mpôl băl may. Gâp mra gŭ ndrel ma may.”

II Phung Hađăch 19:29

Hơi Y-Hêsêkia, aơ mra jêng nau mbên ma may: Năm aơ may mra sa play kao hon êng; năm rơh bar sa play kao chăt hon bơh găr ntil êng tŭp; ƀiălah tât năm rơh pe, srih hom jêh ri rek hom, tăm tơm krăk ƀâu jêh ri sa play păng.

I Nau Rêh Jêng 9:20

Rnôk saơm Y-Phinêas, kon Y-Êlêasar, hŏ tă jêng kôranh chiă uănh ma khân păng; jêh ri Brah Yêhôva gŭ ndrel ma păng.

Nau Mprơ Ơm 86:17

Dăn May ăn du nau tâm mbên ma nau May yô̆ ma gâp Gay ma phung tâm rmot ma gâp dơi saơ nau mbên nây jêh ri bêk prêng, Yorlah Ơ Brah Yêhôva, May yơh hŏ kơl jêh ri bonh leng gâp.

Nau Ngluh Êjipt 18:5

Aƀaơ Y-Jêtrô, po Y-Môis, djôt bar hê kon bu klâu jêh ri ur Y-Môis hăn chop khâl Y-Môis ta bri rdah, tâm ntŭk păng ndâk ngih bok êp ta yôk Brah Ndu.

Nau Ngluh Êjipt 3:1

Rnôk nây Y-Môis dôl chiăp biăp Y-Jêtrô, po păng, jêng kôranh ƀư brah n'gor Madian. Păng njŭn leo phung biăp hăn đah ri bri rdah jêh ri tât ta Hôrep jêng yôk Brah Ndu.

Nau Ngluh Êjipt 3:13

Y-Môis ngơi đah Brah Ndu: “Tơlah gâp tât ta phung Israel jêh ri ngơi đah khân păng: ‘Brah Ndu phung chô yau khân may hŏ đă gâp văch ta khân may;’ jêh ri khân păng ôp may: ‘Mâm amoh săk Păng?’ jêh ri mâm nau gâp mra ngơi đah khân păng?”

Nau Ngluh Êjipt 33:14

Brah Yêhôva lah: “Gâp nơm mra hăn ndrel ma may, jêh ri Gâp mra ăn nau rlu ma may.”

Nau Ngluh Êjipt 4:12

Pôri aƀaơ ri ăn hăn hom, Gâp mra gŭ ndrel ma trôm mbung may jêh ri nti may lĕ nau may mra ngơi.”

Nau Ngluh Êjipt 4:15

Ăn may ngơi đah nâu may, jêh ri dăp dơm rplay ngơi tâm trôm mbung păng. Gâp mra gŭ ndrel ma trôm mbung may nđâp ma trôm mbung nâu may jêh ri nti khân may moh ndơ mra ƀư.

Nau Ngluh Êjipt 8:27

Hên mra lăp tâm bri rdah pe nar hăn trong gay nhhơr mpa ƀư brah ma Yêhôva Brah Ndu hên tĭng nâm nau Păng hŏ ntĭm ma hên.”

Êsai 37:30

Hơi Y-Hêsêkia, aơ mra jêng nau mbên ma may: Năm aơ may mra sa play kao hon êng, năm rơh bar sa play kao chăt hon bơh găr ntil êng tŭp; ƀiălah tât năm rơh pe, srih hom jêh ri rek hom, tăm tơm krăk ƀâu jêh ri sa play păng.

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 43:2

Tơlah khân may rgăn lĕ n'hor dak, Gâp mra gŭ ndrel may; Lah may re rgăn dak krong, mâu mra hoch rdu. Lah may chuat rgăn tâm ŭnh, mâu mra ŭnh sa ôh, Mpiăt ŭnh mâu sa may.

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Yêrêmi 1:8

Lơi klach khân păng ôh, Yorlah Gâp gŭ ndrel may gay tâm rklaih may.” Brah Yêhôva lah pônây.

Nau Kơp Bunuyh 16:28

Y-Môis lah: “Yor nau aơ, khân may mra gĭt năl ma Brah Yêhôva geh njuăl gâp ƀư lĕ kan aơ, jêh ri mâu di tĭng nâm gâp nơm ŭch ôh.

Nau Kơp Bunuyh 23:21

Păng mâu saơ ôh nau jêr tâm phung Yakôb Mâu lĕ păng saơ nau uh ah tâm phung Israel. Brah Yêhôva Brah Ndu khân păng gŭ ndrel ma khân păng, Hađăch nter răm maak nklang Israel.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Markôs 16:20

Phung oh mon luh hăn mbơh nkoch lam ntŭk; Kôranh Brah pah kan ndrel ma khân păng jêh ri ăn lĕ nau mbên khlay tĭng groi gay ƀư ăn nâp nau chroh.]

Kôranh Oh Mon 11:21

Ti Kôranh Brah gŭ ndrel ma khân păng, rĭ dĭng geh âk bunuyh chroh jêh ri plơ̆ tay ma Kôranh Brah.

Kôranh Oh Mon 7:7

Brah Ndu lah: ‘Ƀiălah Gâp mra phat dôih phung mpôl băl hŏ njêng khân păng jêng dĭk; pakơi taơ khân păng mra du luh bơh ntŭk nây jêh ri yơk mbah Gâp tâm ntŭk aơ.’

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

Nau Vay Nkah Tay 31:23

Brah Yêhôva ntĭnh ma Y-Yôsuê, kon bu klâu Y-Nun pô aơ: “Ăn dăng ktang jêh janh nanh hom, yorlah may mra njŭn leo phung kon Israel lăp tâm n'gor Gâp hŏ ton jêh ăn ma khân păng. Bi Gâp, Gâp mra gŭ ndrel ma may.”

ហេឞ្រើ 13:5

Lơi kơnh ir ma prăk ôh, maak hom nuih n'hâm ma drăp ndơ khân may geh jêh, yorlah Brah Ndu nơm lah jêh: “Gâp mâu mra lơi may ôh, mâu lah dun may ôh.”

Yôsuê 1:5

Du bông nau rêh may mâu mra geh ôh nơm dơi tâm rdâng đah may. Gâp mra gŭ ndrel ma may tâm ban Gâp hŏ gŭ ndrel jêh ma Y-Môis; Gâp mâu mra ƀah ngai đah may ôh, mâu chalơi may.

Phung Kôranh Phat Dôih 6:12

Tông mpăr Brah Yêhôva tâm mpơl ma Y-Gidêôn jêh ri lah: “Hơi nơm janh ktang! Brah Yêhôva gŭ ndrel ma may.”

Phung Kôranh Phat Dôih 6:16

Brah Yêhôva lah: “Gâp mra gŭ ndrel ma may, jêh ri may mra dơi lơh phung Madian nâm bu lơh du huê bunuyh.”

Phung Kôranh Phat Dôih 6:17

Y-Gidêôn ơh: “Tơlah gâp geh nau yô̆ tanăp măt Kôranh Brah, dăn ăn ma gâp du nau tâm mbên gay tâm mpơl nau Kôranh Brah hŏ ngơi jêh ma gâp.

Phung Kôranh Phat Dôih 6:21

Nôk nây, tông mpăr Brah Yêhôva djôt mâng jra ta ti, nđĭl chiông mâng ta puăch jêh ri ta piăng let mâu geh ndrui. Geh ŭnh hit tă bơh lŭ su puăch jêh ri piăng let mâu geh ndrui. Jêh nây tông mpăr Brah Yêhôva du roh tanăp măt păng.

Phung Kôranh Phat Dôih 7:11

May mra iăt lĕ nau khân păng lah, jêh nau nây may mra dăng janh gay rduh lơh khân păng.” Pônây, Y-Gidêôn hăn trŭnh ndrel ma oh mon păng jêng Y-Pura, hăn văch dăch ma ntŭk gak ta bôl rmlak tahan.

I Samuel 14:10

Bi tơlah khân păng lah: ‘Hao hom ma hên,’ pôri he mra hăn hao, yorlah nĕ jêng nau mbên Brah Yêhôva jao jêh khân păng tâm ti he.”