Nau Ngluh Êjipt 3:1 - Nau Brah Ndu Ngơi 2023

¹ Rnôk nây Y-Môis dôl chiăp biăp Y-Jêtrô, po păng, jêng kôranh ƀư brah n'gor Madian. Păng njŭn leo phung biăp hăn đah ri bri rdah jêh ri tât ta Hôrep jêng yôk Brah Ndu.

Nau Ngluh Êjipt 3:1 ပူးပေါင်းရင်းမြစ်များ

I Phung Hađăch 19:19

Ntơm bơh nây, Y-Êli luh hăn jêh ri saơ Y-Êlisê, kon bu klâu Y-Saphat, dôl kai mir. Geh jât ma bar gu ndrôk dôl kai panăp Y-Êlisê, jêh ri păng nơm djôt gu ndrôk rơh jât ma bar. Y-Êli hăn rgăn jêh ri mƀăr ao jâr păng nơm ta klơ Y-Êlisê.

I Phung Hađăch 19:8

jêh nây tă bơh ndơ sông sa nây, păng geh nau ktang gay hăn puăn jât nar jêh ri puăn jât năng tât ta Hôrep, jêng yôk Brah Ndu.

Nau Mprơ Ơm 106:19

Phung chô yau hên trah jêh du mlâm rup kon ndrôk tâm Hôrep, Jêh ri yơk mbah rup nây.

Nau Ngluh Êjipt 17:6

Aơ, Gâp mra gŭ tanăp may, ta klơ lŭ tâm yôk Hôrep ri. Ăn may dong lŭ jêh ri dak mra hoch luh bơh lŭ nây, gay ma ăn phung ƀon lan nhêt.” Y-Môis ƀư kơt nây tanăp măt phung bu ranh Israel.

Nau Ngluh Êjipt 18:12

Y-Jêtrô, po Y-Môis, nhhơr ndơ ƀư brah gŭch jêh ri mpa ƀư brah ma Brah Ndu. Y-Arôn jêh ri lĕ kôranh bu ranh Israel văch sông sa ndrel ma po Y-Môis, tanăp Brah Ndu.

Nau Ngluh Êjipt 19:11

tât nar tal pe; ăn khân may ndrăp yorlah ta nar nây Brah Yêhôva mra jŭr văch tanăp măt lĕ rngôch phung ƀon lan tâm yôk Sinai.

Nau Ngluh Êjipt 19:2

Hăn ntơm bơh Rêphidim, khân păng tât ta bri rdah Sinai, jêh ri khân păng ndâk ngih bok tâm bri rdah. Ta nây, phung Israel ndâk ngih bok tra năp yôk.

Nau Ngluh Êjipt 19:3

Y-Môis hăn mâp Brah Ndu. Bơh ta klơ yôk, Brah Yêhôva kuăl păng jêh ri lah: “Ăn may ngơi ma ngih Y-Yakôb, jêh ri lah ma phung ƀon lan Israel pô aơ:

Nau Ngluh Êjipt 2:16

Kôranh ƀư brah Madian geh pơh nuyh kon bu ur. Phung bu ur nây hăn tât ntu dak gay bâk dak jêh ri troch bêng bong dơ dak ma mpô mpa rong mbơ̆ khân păng nhêt.

Nau Ngluh Êjipt 2:18

Lah phung bu ur plơ̆ sĭt ta ngih mbơ̆ khân păng jêng Y-Rêuel, jêh ri mbơ̆ khân păng ôp: “Mâm ƀư khân ay sĭt ơm nar aơ?”

Nau Ngluh Êjipt 2:21

Y-Môis ŭch đŏng gŭ ndrel ma Y-Rêuel, jêh ri păng nđăp H'Sêpôra, kon bu ur păng, ƀư ur Y-Môis.

Nau Ngluh Êjipt 24:13

Y-Môis ndrel ma Y-Yôsuê, bunuyh kơl pah kan ma păng, dâk jêh ri Y-Môis hăn hao ta klơ yôk Brah Ndu.

Nau Ngluh Êjipt 3:12

Brah Ndu lah: “Gâp mra gŭ ndrel ma may. Aơ jêng nau tâm mbên gay ma may gĭt nal Gâp hŏ đă may hăn: Jêh may hŏ njŭn leo phung ƀon lan luh bơh n'gor Êjipt, jêh ri khân may mra yơk mbah Brah Ndu ta klơ yôk aơ.”

Nau Ngluh Êjipt 3:5

Brah Ndu lah: “Lơi dăch ta aơ ôh! Ăn may doh hom ntâu jot tă bơh jâng may yorlah ntŭk may dôl dâk nây jêng neh kloh ueh.”

Nau Ngluh Êjipt 33:6

Yor nây, sŏk ntơm bơh yôk Hôrep, phung ƀon lan Israel doh lơi lĕ ndơ nkrơ̆ khân păng.

Nau Ngluh Êjipt 4:18

Y-Môis plơ̆ sĭt ta po păng, Y-Jêtrô, jêh ri lah: “Dăn ma may ăn gâp plơ̆ sĭt tay ma phung oh nâu gâp ta n'gor Êjipt gay uănh khân păng hôm gŭ rêh mâu lah khĭt jêh.” Y-Jêtrô lah ma Y-Môis: “Ăn may hăn đăp mpăn.”

Nau Ngluh Êjipt 4:27

Brah Yêhôva lah ma Y-Arôn: “Hăn hom tât ta bri rdah gay vơt Y-Môis.” Y-Arôn hăn tâm mâp đah Y-Môis ta klơ yôk Brah Ndu jêh ri chŭm păng.

Amôt 1:1

Aơ nau Y-Amôt ngơi, păng jêng du huê kôranh mât biăp ta ƀon Têkôa, nkoch lĕ nau păng saơ tât ma ƀon Israel tâm rnôk Y-Usia, hađăch Yuđa jêh ri tâm rnôk Y-Jêrôbôam, kon bu klâu Y-Jôas, hađăch Israel, lor bar năm ma nau n'găr neh.

Malachi 4:4

“Khân may kah gĭt hom ma nau vay Gâp ntăm jêh ma oh mon Gâp jêng Y-Môis ta yôk Hôrep, jêng nau vay dăp jêh ri nau vay ƀư ma lĕ rngôch phung Israel.

Nau Kơp Bunuyh 10:29

Y-Môis lah ma Y-Hôbap, kon bu klâu Y-Rêuel, du huê Madian jêng nâu ur Y-Môis pô aơ: “Hên hăn tât ta n'gor Brah Yêhôva lah jêh: ‘Gâp mra ăn n'gor nây ma khân may.’ Dăn may hăn ndrel ma hên, hên mra ƀư ueh ma may, yorlah Brah Yêhôva ton jêh ăn nau ueh uĭn ma phung Israel.”

Nau Kơp Bunuyh 10:33

Pôri phung ƀon lan Israel hăn ntơm bơh yôk Brah Yêhôva tâm pe nar hăn trong. Hip Nau Tâm Rnglăp Brah Yêhôva hăn panăp phung ƀon lan tâm pe nar hăn trong gay joi du ntŭk rlu ma khân păng.

Luka 2:8

Tâm ban đŏng n'gor nây, geh ƀaƀă bunuyh rmăk biăp gŭ tâm ndrêch, gŭ rngeh măng njrăng uănh phung biăp.

Kôranh Oh Mon 7:30

Puăn jât năm jêh nây, du huê tông mpăr tâm mpơl ma păng tâm mpiăt ŭnh tâm pŭm lok dôl ŭnh hit ta bri rdah yôk Sinai.

Nau Vay Nkah Tay 1:2

Geh jât ma nguay nar hăn tă bơh Hôrep rŏ trong yôk Sêir tât ta Kadês Barnê.

Nau Vay Nkah Tay 1:6

“Yêhôva Brah Ndu he hŏ lah jêh ma he ta yôk Hôrep pô aơ: ‘Khân may gŭ tâm yôk aơ jŏ ngăn jêh.

Nau Vay Nkah Tay 4:10

Kah gĭt hom ta nar khân may dâk tanăp Yêhôva Brah Ndu ta yôk Hôrep lah Brah Yêhôva lah ma gâp: ‘Rgum hom phung ƀon lan. Gâp mra ăn khân păng iăt nau Gâp ngơi gay dôl khân may hôm rêh ta neh ntu, khân păng nti klach yơk ma Gâp jêh ri dơi ntĭm nti tay nau nây ma phung kon khân păng.’

Phung Kôranh Phat Dôih 4:11

Dôl nây Y-Hêber, bunuyh Kênit tâm nkhah jêh păng nơm bơh phung ƀon lan Kênit, jêng phung kon sau Y-Hôbap, nâu ur Y-Môis, jêh ri păng ndâk ngih bok păng mpeh tơm si guyh Sananim, dăch đah Kêdês.

I Samuel 16:11

Y-Samuel ôp ma Y-Yêsê: “May hôm geh kon bu klâu êng mâu lah mâu?” Y-Yêsê plơ̆ lah: “Hôm e du huê kon mpŏt, ƀiălah păng dôl chiăp biăp.” Y-Samuel lah: “Prơh bunuyh hăn kuăl păng sĭt, he mâu mra gŭ sông sa ôh êlor ma păng tât ta aơ.”