Nau Ngluh Êjipt 27:1 - Nau Brah Ndu Ngơi 2023

¹ “May ƀư hom du mlâm nơng ƀư brah ma si akasi rup blon, ăp njônh bar met bar, jêh ri prêh klăp lah du met pe.

Nau Ngluh Êjipt 27:1 ပူးပေါင်းရင်းမြစ်များ

II Samuel 24:18

Tâm nar nây, Y-Gat hăn tât tâm mâp đah Y-Đavit jêh ri lah: “Hăn hao hom, ndâk du nơng ƀư brah ma Brah Yêhôva ta ntŭk mprah ba Y-Arauna, bunuyh Jêbusit.”

II Phung Hađăch 16:14

Hađăch trơn ma nơng ƀư brah ma kông gŭ panăp Brah Yêhôva, ơm ta lor panăp ngih brah, vah vang nơng ƀư brah mhe jêh ri ngih Brah Yêhôva, jêh nây n'gân păng ta mpeh pa lơ nơng ƀư brah mhe.

I Nau Rêh Jêng 6:49

Y-Arôn jêh ri phung kon bu klâu păng nhhơr ndơ ƀư brah ta klơ nơng ƀư brah ma ndơ ƀư brah gŭch mâu lah ta klơ nơng ƀư brah gŭch ndơ ƀâu kah, ƀư ma lĕ rngôch kan tâm Ntŭk Dŭt Kloh Ueh, jêh ri ƀư tâm chuai nau tih ma phung Israel, tĭng nâm lĕ nau Y-Môis, oh mon Brah Ndu hŏ ntăm jêh.

II Nau Rêh Jêng 4:1

Păng ƀư du nơng ƀư brah ma kông jong jât met, dĭ jât met jêh ri prêh prăm met.

Êsra 3:2

Rnôk nây, Y-Jêsua, kon bu klâu Y-Jôsadak, jêh ri phung oh nâu păng jêng kôranh ƀư brah êng, ndrel ma Y-Sôrôƀaƀel, kon bu klâu Y-Sêaltiêl jêh ri phung mpôl băl păng, dâk hăn gay ndâk nkra nơng ƀư brah Brah Ndu phung Israel, gay nhhơr ndơ ƀư brah gŭch ta klơ nơng nây, tĭng nâm nau nchih jêh tâm nau vay Y-Môis, jêng bunuyh Brah Ndu.

Nau Ngluh Êjipt 17:15

Y-Môis ndâk du nơng ƀư brah jêh ri rnha nơng nây “Brah Yêhôva jêng n'ha kơ Gâp.”

Nau Ngluh Êjipt 24:4

Y-Môis nchih tay lĕ nau ngơi Brah Yêhôva. Păng dâk ơm ôi, ndâk du mlâm nơng ƀư brah ta jâng yôk jêh ri ndâk jât ma bar n'gâng lŭ tâm ban ma jât ma bar ndŭl mpôl phung Israel.

Nau Ngluh Êjipt 31:9

nơng ƀư brah nhhơr ndơ ƀư brah gŭch jêh ri lĕ ndơ dŏng, thŭng dak rao jêh ri jâng thŭng,

Nau Ngluh Êjipt 35:16

nơng ƀư brah nhhơr ndơ ƀư brah gŭch jêh ri pŏk dreh ma kông; mâng tung jêh ri lĕ ndơ dŏng ma nơng ƀư brah; thŭng dak jêh ri jâng thŭng dak;

Nau Ngluh Êjipt 39:39

nơng ƀư brah ma kông jêh ri pŏk dreh ma kông, mâng tung, lĕ ndơ dŏng ma nơng ƀư brah; thŭng dak jêh ri jâng thŭng dak;

Nau Ngluh Êjipt 40:10

Ăn may mhĭng dak ƀâu kah nơng ƀư brah nhhơr ndơ ƀư brah gŭch jêh ri lĕ ndơ dŏng nơng ƀư brah, jêh ri prăp nơng ƀư brah ăn ma nau kloh ueh, gay nơng ƀư brah jêng kloh ueh lơn.

Nau Ngluh Êjipt 40:29

Păng dơm nơng ƀư brah nhhơr ndơ ƀư brah gŭch ta mpông Ngih Bok, jêng Ngih Bok Nau Tâm Rƀŭn jêh ri nhhơr ta klơ nây ndơ ƀư brah gŭch jêh ri ndơ ƀư brah rnih môi, di nâm nau Brah Yêhôva hŏ lah jêh ma Y-Môis.

Nau Ngluh Êjipt 40:6

May dơm đŏng nơng ƀư brah nhhơr ndơ ƀư brah gŭch tanăp mpông Ngih Bok, jêng Ngih Bok Nau Tâm Rƀŭn,

Nau Kơp Bunuyh 3:31

Phung Kôhat djôt kan chiă uănh Hip Nau Tâm Rnglăp, sưng, jâng kađen, lĕ rngôch nơng ƀư brah, lĕ ndơ dŏng ma ntŭk kloh ueh dŏng tâm kan yơk mbah, bok nching jêh ri lĕ ndơ kan dŏng tât nau djôt prăp ta ntŭk kloh ueh.

Nau Kơp Bunuyh 4:13

Ăn khân păng kuak lơi ŭnh buh ta klơ nơng ƀư brah jêh ri ling ta klơ nây du blah bok sut chăng,

Nau Kơp Bunuyh 4:14

jêh nây khân păng mra dơm ta klơ ndơ nây lĕ rngôch ndơ dŏng ma nơng ƀư brah nâm khăl gŭch ƀâu kah, n'hoi srang, ndroh, khăl nđâp lah lĕ ndơ dŏng tât ma nơng ƀư brah. Khân păng nkŭm đŏng ta klơ nơng ƀư brah du ntâu ka toyh jêh ri nsro mâng tung lăp.

ហេឞ្រើ 13:10

He geh du nơng ƀư brah, phung pah kan tâm ngih bok mâu dơi vay sa ta nây ôh.