Nau Ngluh Êjipt 26:31 - Nau Brah Ndu Ngơi 2023

³¹ May ƀư hom du blah bok ma rse mhay rhên, brai ĭr, chăng krăk, chăng rhưch, geh cheh rup chêrubim ma nau nê̆ ueh ngăn;

Nau Ngluh Êjipt 26:31 ပူးပေါင်းရင်းမြစ်များ

II Nau Rêh Jêng 3:14

Păng ƀư nthăng bok nching ma brai rnô̆, brai chăng rhưch, brai sut chăng breh gŭr nđâp ma brai mhay rhên, geh cheh rup chêrubim ta klơ.

Nau Mprơ Ơm 137:5

Ơ Yêrusalem, tơlah gâp chuêl may, Ăn ti ma gâp chuêl nau ktang păng!

Nau Ngluh Êjipt 25:18

Jêh nây ƀư bar chêrubim ma mah chiăr n'hơ, dơm tâm bar bôl ndrŭp nau yô̆.

Nau Ngluh Êjipt 25:4

brai ĭr, brai chăng krăk jêh ri brai mhay rhên, rsau be;

Nau Ngluh Êjipt 26:1

“Ăn may dŏng hom jât blah bok gay ƀư Ngih Bok. Khân păng tanh ma rse mhay rhên, brai ĭr, brai chăng krăk, jêh ri brai sut, geh cheh rup chêrubim ma nau nê̆ ueh ngăn.

Nau Ngluh Êjipt 26:32

yông blah bok nây ta klơ puăn mlâm n'gâng ma si akasi ndop ma mah, ndâk ta puăn mlâm trôm n'gâng ma prăk; lĕ ndơ nklĕ n'gâng ƀư ma mah da dê.

Nau Ngluh Êjipt 27:16

Kay ta mpông ndring mra geh du blah bok jong pham met pham ma bok mhay rhên, brai ĭr, brai chăng krăk jêh ri chăng rhưch, cheh dŭt ueh ngăn, nđâp ma puăn si n'gâng jêh ri puăn n'gâng geh trôm.

Nau Ngluh Êjipt 27:21

Tâm Ngih Bok Nau Tâm Rƀŭn mpeh padih bok panăp Hip Nau Tâm Rnglăp, Y-Arôn jêh ri phung kon bu klâu păng mra mât mray ŭnh kađen ăn ang mro tanăp Brah Yêhôva ntơm bôk măng tât ôi. Aơ mra jêng nau vay dăp n'ho ro ma lĕ rnôk rô̆ phung ƀon lan Israel.”

Nau Ngluh Êjipt 28:15

“Ăn may ƀư du blah bok văn ntang ntơh ma nau phat dôih nau ăn ueh ngăn. Ăn may ƀư tĭng nâm nau bu hŏ ƀư êphôt, jêng ma rse mhay rhên, rse brai chrêk, brai ĭr, brai chăng krăk jêh ri brai sut.

Nau Ngluh Êjipt 35:12

Hip Nau Tâm Rnglăp jêh ri lĕ mâng tung păng; ndrŭp nau yô̆ jêh ri blah bok nkŭm;

Nau Ngluh Êjipt 35:25

Lĕ rngôch phung bu ur blau ti khân păng djôt leo da dê lĕ ntil khân păng hŏ ƀư tâm ban bok mhay rhên, brai ĭr, brai chăng krăk jêh ri brai sut.

Nau Ngluh Êjipt 35:35

Brah Ndu ăn ma khân păng bêng ler nau blau mĭn gay ƀư lĕ rngôch nau kan ma du huê bunuyh blau tâm kan trah si, kan njêng mhe, kan cheh jêh ri tanh âk ntil brai nâm bu brai ĭr, chăng krăk, brai sut jêh ri bok mhay rhên; tâm ban đŏng nau kan phung bunuyh gĭt mâu lah bunuyh geh nau blau njêng mhe ăp ntil êng êng.”

Nau Ngluh Êjipt 35:6

brai ĭr, brai chăng krăk jêh ri chăng rhưch, brai mhay rhên; rsau be;

Nau Ngluh Êjipt 36:35

Khân păng ƀư đŏng du blah bok ma rse mhay rhên, brai ĭr, brai chăng krăk jêh ri brai sut, cheh rup chêrubim ma nau nê̆ ueh ngăn;

Nau Ngluh Êjipt 36:36

jêh nây ndâk ma blah bok nây puăn mlâm n'gâng ma si akasi mblum ma mah, lĕ ndơ nklĕ n'gâng ma mah jêh ri lôk puăn mlâm trôm n'gâng ma prăk ăn ma puăn mlâm n'gâng nây.

Nau Ngluh Êjipt 36:8

Tâm rnoh lĕ phung ƀư kan, mbu phung blau ti hăn ƀư Ngih Bok da dê. Khân păng tanh jât blah bok ma rse mhay rhên, brai ĭr, brai chăng krăk jêh ri brai sut, geh cheh rup chêrubim ma nau nê̆ ueh ngăn.

Nau Ngluh Êjipt 38:23

nđâp ma nơm kơl kan păng jêng Y-Ôhôliap, kon bu klâu Y-Ahisamak, bơh ndŭl mpôl Dan, jêng nơm blau trah, nơm njêng mhe, jêh ri blau cheh ma brai mhay rhên đah brai ĭr, brai chăng krăk jêh ri brai sut.

Nau Ngluh Êjipt 40:21

jêh nây njŭn Hip Nau Tâm Rnglăp lăp tâm Ngih Bok jêh ri ntă bok nkŭm ndâp. Hip Nau Tâm Rnglăp tĭng nâm nau Brah Yêhôva hŏ ntĭnh jêh ma Y-Môis.

Nau Ngluh Êjipt 40:3

Dơm hom Hip Nau Tâm Rnglăp ta nây jêh nây sŏk bok nkŭm hip nây.

Nau Mprơ Ueh 7:1

Hơi kon bu ur hađăch, Mâm ƀư jâng ay nsoh hăn ma jep ueh ngăn! Tơm blu ay nâm bu rvang ndơ nkrơ̆, Jêng kan ti du huê njêh.

Kan Lêvi 16:15

Jêh nây, Y-Arôn nkhĭt be nkuăng dŏng ƀư ndơ ƀư brah chuai nau tih ma phung ƀon lan, jêh nây djôt mham lăp tâm trôm blah bok, jêh ri sŏk đŏng mham păng mbrih ta mpeh luh nar ta ndrŭp nau yô̆ an, ntĭt jêng panăp ndrŭp nau yô̆ an, nâm bu lĕ dŏng jêh mham ndrôk.

Kan Lêvi 16:2

“Ăn may lah hom ma Y-Arôn, nâu may pô aơ, mâu geh lah dah ŭch lăp tâm Ntŭk Dŭt Kloh Ueh tâm trôm blah bok, tanăp ndrŭp nau yô̆ an ta klơ Hip Nau Tâm Rnglăp, tơlah mâu tông mra khĭt yơh, yorlah Gâp mra tâm mpơl tâm ndâr tŭk ta ndrŭp nau yô̆.

Nau Kơp Bunuyh 4:5

Tơlah rmlak tahan trơn ntŭk, Y-Arôn jêh ri phung kon bu klâu păng mra tât rơih lơi bok nching jêh ri nkŭm klơ Hip Nau Tâm Rnglăp,

Mathay 27:51

Jêh ri, ri bok nching tâm ngih brah nkhêk jêng bar ntơm bơh klơ jŭr tât tâm dâng, neh n'gơ n'găr, lŭ klêr đang;

Markôs 15:38

Bok nching tâm ngih brah nkhêk jêng bar ntơm bơh klơ jŭr tât tâm dâng.

Luka 23:45

Nar jêng ngo; bok nching tâm ngih brah nkhêk jêng bar.

Êphêsô 2:14

Yor Păng jêng nau đăp mpăn he, Păng yơh tâm rnglăp lĕ bar mpôl jêng nguay, ƀư rlâm jêh mpêr nkhah king he.