Nau Ngluh Êjipt 25:2 - Nau Brah Ndu Ngơi 2023

² “Lah hom ma phung ƀon lan Israel nhhơr ndơ ma Gâp. Khân may sŏk dơn ndơ nhhơr bơh lĕ rngôch mbu geh nuih n'hâm nhhơr.

Nau Ngluh Êjipt 25:2 ပူးပေါင်းရင်းမြစ်များ

Êsra 1:6

Lĕ rngôch phung chiau meng khân păng kơl ndơ ma khân păng, lĕ ndơ ƀư ma prăk, ma mah, drăp ndơ, mpô mpa rong, jêh ri ndô ndơ khlay, nđâp ma lĕ ndơ nhhơr êng êng.

Êsra 2:68

Tơlah hŏ tât ta ngih Brah Yêhôva ta Yêrusalem, phung kôranh ƀon nhhơr lĕ ndơ hŏ mĭn jêh tâm nuih n'hâm khân păng ma ngih Brah Ndu gay ndâk njêng tay ngih brah ta ntŭk mbon ơm.

Êsra 3:5

Pakơi nây, khân păng nhhơr lĕ ndơ ƀư brah gŭch ƀaƀơ, nđâp ma lĕ ndơ ƀư brah ta nar bôk khay mhe jêh ri ta lĕ rngôch nar rƀŭn khư yơk prăp ma nau kloh ueh ma Brah Yêhôva, tâm ban đŏng lĕ ndơ ƀư brah ma ăp nơm ŭch nhhơr ma Brah Yêhôva.

Êsra 7:16

nđâp ma lĕ rngôch prăk, mah may dơi sŏk rgum geh jêh ta bri Babilôn, ndrel ma ndơ nhhơr bơh phung ƀon lan jêh ri phung kôranh ƀư brah nđơr êng nhhơr ma ngih Brah Ndu khân păng ta Yêrusalem.

Nêhêmi 11:2

Phung ƀon lan ăn nau ueh uĭn ma lĕ rngôch phung bu klâu nhhơr săk jăn khân păng gŭ ta ƀon Yêrusalem.

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Nau Ngluh Êjipt 25:1

Brah Yêhôva lah ma Y-Môis:

Nau Ngluh Êjipt 25:3

Aơ jêng ndơ nhhơr phung kon mra dơn tă bơh khân păng: mah, prăk, jêh ri kông;

Nau Kơp Bunuyh 18:24

Yorlah Gâp hŏ ăn jêh ma phung Lêvi lĕ kô̆ tâm jât tă bơh phung ƀon lan Israel, jêng ndơ ƀư brah nhhơr ma Brah Yêhôva, jêng drăp ndơn. Yor ri Gâp hŏ ntăm jêh ma khân păng pô aơ: ‘Khân păng mâu mra geh drăp ndơn ta nklang phung ƀon lan Israel.’”

II Kôrintô 9:7

Pôri ăn ăp nơm nhhơr tĭng nâm nau păng hŏ mĭn jêh tâm nuih n'hâm, mâu geh lah ăn ma nau rngot, mâu lah ma nau nchâp ôh, yorlah Brah Ndu rŏng ma mbu nơm nhhơr ma nau maak.

Phung Kôranh Phat Dôih 5:9

Nuih n'hâm gâp rŏng ma phung kôranh chiă uănh Israel, Nđâp ma lĕ nơm tâm phung ƀon lan ŭch sân săk khân păng nơm. Tâm rnê ngăn ma Brah Yêhôva!