Nau Ngluh Êjipt 24:8 - Nau Brah Ndu Ngơi 2023

⁸ Y-Môis sŏk mham djrah ta klơ phung ƀon lan jêh ri lah: “Aơ jêng mham nau tâm rnglăp Brah Yêhôva hŏ ƀư jêh đah khân may tĭng nâm lĕ nau ngơi aơ.”

Nau Ngluh Êjipt 24:8 ပူးပေါင်းရင်းမြစ်များ

I Phung Hađăch 8:21

Ta aơ, gâp hŏ rơm ndrăp jêh du ntŭk gay n'gân Hip Nau Tâm Rnglăp, tâm nây geh nau tâm rnglăp Brah Yêhôva, jêng tâm rnglăp Păng hŏ njêng jêh đah phung chô yau he, dôl njŭn leo khân păng luh bơh neh Êjipt.”

I Phung Hađăch 8:9

Tâm Hip Nau Tâm Rnglăp mâu geh du ndô ndơ êng ôh knŏng bar plơp lŭ Y-Môis hŏ n'gân tâm nây dôl hôm gŭ ta Hôrep, jêng ntŭk Brah Yêhôva hŏ ƀư nau tâm rnglăp đah phung Israel, dôl khân păng mhe du luh bơh Êjipt.

Nau Mprơ Ơm 78:36

Ƀiălah khân păng sŏk trôm mbung ngơi rnê ma Brah Ndu, Dŏng mpiăt ngơi mƀruh Păng.

Nau Ngluh Êjipt 24:6

Y-Môis sŏk du n'gul mham tâm ăp ngan grưng, bi ma mham hôm e n'gul nây păng djrah ta klơ nơng ƀư brah.

Êsai 52:15

Đŏng kơt nây, May mra ƀư kloh phung ndŭl mpôl bunuyh; Phung hađăch mra mêm mbung yor May. Yorlah khân păng mra saơ nau bu mâu mâp nkoch bri ma khân păng ôh, Jêh ri mra gĭt rbăng nau khân păng mâu mâp tăng ôh.

Yêrêmi 31:32

Nau tâm rnglăp aơ mâu di nâm bu nau tâm rnglăp Gâp ƀư jêh đah phung chô yau khân păng tâm nar Gâp kuăn ti têk njŭn khân păng du luh tă bơh n'gor Êjipt, nau tâm rnglăp khân păng hŏ ƀư rai lơi jêh, nđâp lah Gâp jêng Sai khân păng,” Brah Yêhôva lah pônây.

Êsêkiêl 16:8

Tơlah Gâp hăn rgăn jêh ri uănh ma ay, saơ ay lĕ toyh, tât năm gĭt tâm rŏng jêh. Gâp sŏk ao padih nkŭm ta klơ ay gay ma ndâp nau rhôk ay. Di yơh, Gâp lĕ ton jêh ma ay, ƀư tâm rnglăp đah ay jêh ri ay jêng ndơ Gâp jêh,’ Kôranh Brah Yêhôva lah pônây.

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Kan Lêvi 8:30

Jêh nĕ tât, Y-Môis sŏk dak ngi mhĭng jêh ri mham ta klơ nơng ƀư brah nsrih ta klơ Y-Arôn jêh ri ta klơ bok ao păng, ta klơ phung kon bu klâu jêh ri ta klơ bok ao khân păng. Kơt nĕ, Y-Môis hŏ prăp êng Y-Arôn jêh ri bok ao păng ăn kloh tâm ban phung kon bu klâu păng jêh ri ta bok ao khân păng.

Ndrom Samƀŭt bơh Agê 2:5

‘Tĭng nau Gâp hŏ ton jêh tâm nau tâm rnglăp njêng đah khân may dôl khân may du luh tă bơh n'gor bri Êjipt, jêh ri Brah Huêng ueh Gâp hôm gŭ ta nklang khân may, yor nây lơi khân may klach ôh.’

Sakari 9:11

“Bi ma may tâm ban đŏng, yorlah mham Gâp tâm rnglăp đah may, Pôri Gâp mra mƀơk phung bu nă may luh bơh ntu jru mâu geh ôh dak.

Mathay 26:28

Yorlah aơ jêng mham Gâp, mham nau tâm rnglăp nkhŭt jêh ăn ma âk bunuyh dơi yô̆ an nau tih.

Markôs 14:24

Brah Yêsu lah: “Aơ jêng mham Gâp, mham ma nau tâm rnglăp nkhŭt ăn ma âk bunuyh.

Luka 22:20

Nôk sông sa lôch jêh, Păng ƀư kơt nây đŏng, sŏk kachok ăn ma phung oh mon jêh ri lah: “Kachok aơ jêng nau tâm rnglăp mhe tâm mham Gâp nkhŭt jêh yor khân may.

I Kôrintô 11:25

Tâm ban lĕ, jêh khân păng sa măng, Brah Yêsu sŏk đŏng kachok jêh ri lah: “Kachok aơ jêng nau tâm rnglăp mhe khân may đah Brah Ndu ma mham Gâp. Ƀư pô aơ gay ma khân may kah gĭt ma Gâp tâm ăp tơ̆ khân may nhêt kachok aơ.”

Êphêsô 1:7

Yorlah tâm Brah Krist, he geh nau tâm chuai tă bơh mham Păng, geh nau yô̆ an nau tih tĭng nâm nau rmeh ler tâm nau yô̆ Păng,

Nau Vay Nkah Tay 5:2

Yêhôva Brah Ndu he hŏ ƀư jêh du nau tâm rnglăp đah he ta Yôk Hôrep.

ហេឞ្រើ 10:29

Rlau lơn ma phung jot plên Kon Brah Ndu, mưch rmot mham nau tâm rnglăp, nâm bu ntĭt mham ƀư kloh ueh jêh khân păng nơm, jêh ri hôm ngơi djơh ma Brah Huêng Ueh nau yô̆, pôri khân may mĭn bunuyh nây mâu khư geh nau rmal jâk jêr rlau lơn lĕ ƀơh?

ហេឞ្រើ 13:20

Dăn Brah Ndu nau đăp mpăn, jêng Nơm bơh mham nau tâm rnglăp n'ho ro jêh ri djôt leo Nơm Rmăk Biăp Toyh jêng Brah Yêsu, Kôranh Brah he, luh tă bơh nau khĭt,

Yôsuê 24:25

Pônây, tâm nar nây, Y-Yôsuê ƀư nau tâm rnglăp đah phung ƀon lan, ăn lĕ nau vay dăp jêh ri lĕ nau vay ƀư ma khân păng ta ƀon Sichem.

I Pêtrôs 1:2

tĭng nau gĭt lor tă bơh Brah Ndu jêng Mbơ̆, jêh ri geh nau ƀư kloh ueh tă bơh Brah Huêng Ueh, gay tông bâr Brah Yêsu Krist jêh ri geh kô̆ tâm nau mbrih mham Păng. Mbơh sơm dăn nau yô̆ jêh ri nau đăp mpăn lơ hô n'hao ma khân may!