Nau Ngluh Êjipt 24:7 - Nau Brah Ndu Ngơi 2023

⁷ Păng djôt ndrom samƀŭt nau tâm rnglăp jêh ri răk ăn ma phung ƀon lan tăng. Khân păng lah: “Hên mra tĭng ƀư jêh ri djôt prăp lĕ nau Brah Yêhôva hŏ ntăm jêh.”

Nau Ngluh Êjipt 24:7 ပူးပေါင်းရင်းမြစ်များ

I Phung Hađăch 8:9

Tâm Hip Nau Tâm Rnglăp mâu geh du ndô ndơ êng ôh knŏng bar plơp lŭ Y-Môis hŏ n'gân tâm nây dôl hôm gŭ ta Hôrep, jêng ntŭk Brah Yêhôva hŏ ƀư nau tâm rnglăp đah phung Israel, dôl khân păng mhe du luh bơh Êjipt.

II Nau Rêh Jêng 15:14

Khân păng ton săk ma Brah Yêhôva ma bâr huy, ma nau troh jêh ri uh nŭng.

Nau Mprơ Ơm 50:5

“Tâm rgum hom phung răp jăp văch ndrel ma Gâp, Jêng phung hŏ ƀư jêh nau tâm rnglăp đah Gâp ma nau mpa ƀư brah.”

Nau Mprơ Ơm 78:36

Ƀiălah khân păng sŏk trôm mbung ngơi rnê ma Brah Ndu, Dŏng mpiăt ngơi mƀruh Păng.

Nau Ngluh Êjipt 19:8

Lĕ rngôch phung ƀon lan nsĭt lah n'grŭp. “Hên mra ƀư lĕ nau Brah Yêhôva hŏ ntĭnh ntăm jêh.” Y-Môis mbơh tay ma Brah Yêhôva nau phung ƀon lan ngơi.

Yêrêmi 34:13

“Brah Yêhôva, Brah Ndu Israel lah: Dôl njŭn leo phung chô yau khân may du luh tă n'gor bri Êjipt, rklaih tă bơh ngih dĭk, Gâp hŏ ƀư jêh nau tâm rnglăp đah khân păng pô aơ:

Yêrêmi 42:6

Nđâp tơlah ueh mâu lah mhĭk, hên ăt tông bâr Yêhôva Brah Ndu hên, jêng Nơm hên prơh may hăn tât, gay ma tông bâr Yêhôva Brah Ndu hên, pôri hên mra geh nau ueh maak.”

Êsêkiêl 16:8

Tơlah Gâp hăn rgăn jêh ri uănh ma ay, saơ ay lĕ toyh, tât năm gĭt tâm rŏng jêh. Gâp sŏk ao padih nkŭm ta klơ ay gay ma ndâp nau rhôk ay. Di yơh, Gâp lĕ ton jêh ma ay, ƀư tâm rnglăp đah ay jêh ri ay jêng ndơ Gâp jêh,’ Kôranh Brah Yêhôva lah pônây.

Malachi 2:10

Mâu di bơh lĕ rngôch he geh knŏng du huê mbơ̆? Mâu di bơh geh knŏng du huê Brah Ndu rhăk njêng jêh he? Mâm ƀư ăp nơm phung he mâu gŭ răp jăp ôh ndrăng oh nâu he, ƀư ƀơ̆ nau tâm rnglăp bơh chô yau he?

Kôranh Oh Mon 13:15

Jêh ri bu rŏ ndrom samƀŭt nau vay jêh ri nau mbơh lor, phung kôranh mât uănh ngih rƀŭn njuăl bu lah ma khân păng: “Hơi phung oh nâu, tơlah khân may geh nau n'hao nuih n'hâm ma ƀon lan, ngơi hom.”

Kôlôh 4:16

Jêh rŏ samƀŭt aơ ta nklang khân may, ndơ̆ hom ăn ma Phung Ngih Brah Ndu Laođisê rŏ đŏng; jêh ri rŏ đŏng samƀŭt Phung Ngih Brah Ndu Laođisê njuăl.

I Têsalônik 5:27

Tâm amoh Kôranh Brah, gâp đă khân may rŏ hom samƀŭt aơ ma lĕ rngôch phung oh nâu tăng.

Yôsuê 24:24

Phung ƀon lan lah ma Y-Yôsuê: “Hên mra pah kan ma Yêhôva Brah Ndu hên, jêh ri hên mra tông bâr Păng.”