Nau Ngluh Êjipt 24:6 - Nau Brah Ndu Ngơi 2023

⁶ Y-Môis sŏk du n'gul mham tâm ăp ngan grưng, bi ma mham hôm e n'gul nây păng djrah ta klơ nơng ƀư brah.

Nau Ngluh Êjipt 24:6 ပူးပေါင်းရင်းမြစ်များ

II Phung Hađăch 17:15

Khân păng mưch rmot ma lĕ nau vay dăp bơh Păng tâm ban đŏng nau tâm rnglăp Păng hŏ ƀư jêh ma chô yau khân păng, jêh ri khân păng mưch rmot đŏng lĕ nau tâm rmal Păng hŏ ntăm jêh ma khân păng. Khân păng hăn tĭng ndô̆ phung brah dơm dam jêh ri khân păng nơm ăt rlơ̆ jêng dơm dam. Khân păng kơt phung ntil mpôl bunuyh gŭ văr jŭm, jêng phung ntil mpôl bunuyh Brah Yêhôva ntrŭnh jêh ma khân păng mâu tĭng kơt phung nây.

Nau Mprơ Ơm 99:6

Tâm phung kôranh ƀư brah Păng geh Y-Môis jêh ri Y-Arôn, Tâm phung kuăl mbơh sơm ma amoh Păng geh Y-Samuel. Khân păng kuăl mbơh sơm ma Brah Yêhôva jêh ri Păng mplơ̆ lah ma khân păng.

Nau Ngluh Êjipt 12:22

Jêh nây sŏk du nchăp hisôp mbŭk lăp mham tâm ngan grưng, mhĭng mham ta mbong rkăng jêh ri ta mbong rdâk mpông luh lăp. Ntơm bơh nây tât ang ôi, mâu geh ôh du huê tâm oh nâu khân may dơi luh du bơh bôk mpông ngih păng.

Nau Ngluh Êjipt 12:7

Khân păng mra sŏk mham mhĭng ta bar đah mbong rdâk jêh ri mbong rkăng ta mpông luh lăp mbu ngih geh sa puăch biăp kon nây.

Nau Ngluh Êjipt 24:8

Y-Môis sŏk mham djrah ta klơ phung ƀon lan jêh ri lah: “Aơ jêng mham nau tâm rnglăp Brah Yêhôva hŏ ƀư jêh đah khân may tĭng nâm lĕ nau ngơi aơ.”

Nau Ngluh Êjipt 29:16

jêh nây ăn may sreh biăp nkuăng nây, sŏk mham păng nsrih jŭm nơng ƀư brah.

Nau Ngluh Êjipt 29:20

jêh nây may sreh biăp nkuăng nây, sŏk mham mhĭng mpeh pa chiau tâm tôr pa ma Y-Arôn jêh ri phung kon bu klâu păng, mhĭng ta klơ nglau me ti ma jêh ri ta nglau me jâng ma khân păng jêh ri ăn may nsrih mham hôm e jŭm nơng ƀư brah.

Yêrêmi 31:32

Nau tâm rnglăp aơ mâu di nâm bu nau tâm rnglăp Gâp ƀư jêh đah phung chô yau khân păng tâm nar Gâp kuăn ti têk njŭn khân păng du luh tă bơh n'gor Êjipt, nau tâm rnglăp khân păng hŏ ƀư rai lơi jêh, nđâp lah Gâp jêng Sai khân păng,” Brah Yêhôva lah pônây.

Kan Lêvi 1:11

Nơm nhhơr ndơ nây, nkhĭt hom mpa nây ta mpeh pa lơ nơng ƀư brah, tra năp Brah Yêhôva, jêh nây phung kon sau Y-Arôn jêng phung kôranh ƀư brah mra nsrih mham jŭm nơng ƀư brah.

Kan Lêvi 1:5

Ndrôk nkuăng mra nkhĭt tanăp Brah Yêhôva, jêh nây phung kon sau Y-Arôn jêng phung kôranh ƀư brah sŏk mham păng nhhơr jêh ri djrah mham nây jŭm nơng ƀư brah ta mpông Ngih Bok Nau Tâm Rƀŭn.

Kan Lêvi 3:2

Bunuyh nây mra pah ti ta bôk mpa ƀư brah jêh nây nkhĭt păng ta bôk mpông Ngih Bok Nau Tâm Rƀŭn. Phung kon sau Y-Arôn, jêng phung kôranh ƀư brah, mra nsrih mham jŭm nơng ƀư brah.

Kan Lêvi 3:8

pah ti păng ta klơ bôk biăp jêh nây nkhĭt păng tanăp bôk mpông Ngih Bok Nau Tâm Rƀŭn. Phung kon sau Y-Arôn mra nsrih mham mpa nây jŭm nơng ƀư brah.

Kan Lêvi 4:6

mbŭk nglau ti păng tâm mham jêh ri nsrih pơh tơ̆ tanăp Brah Yêhôva, tanăp blah bok Ngih Brah Kloh Ueh.

I Kôrintô 11:25

Tâm ban lĕ, jêh khân păng sa măng, Brah Yêsu sŏk đŏng kachok jêh ri lah: “Kachok aơ jêng nau tâm rnglăp mhe khân may đah Brah Ndu ma mham Gâp. Ƀư pô aơ gay ma khân may kah gĭt ma Gâp tâm ăp tơ̆ khân may nhêt kachok aơ.”

Kôlôh 1:20

Jêh ri ma mham Păng hoch jêh ta si tâm rkăng, Brah Ndu ăn nau đăp mpăn jêh ri tâm njĭr lĕ rngôch mpa ta neh ntu jêh ri tâm trôk ăn tâm rnglăp đah Păng Nơm.

ហេឞ្រើ 12:24

dăch ma Brah Yêsu, Nơm Tâm Nklang ma nau tâm rnglăp mhe, nâm bu ntĭt dăch ma mham nkhŭt jêh, jêng mham ueh lơn ma mham Y-Abel.

ហេឞ្រើ 8:9

Mâu di nâm bu nau tâm rnglăp Gâp ƀư jêh đah phung chô yau khân păng ôh, Tâm nar Gâp kuăn ti khân păng têk njŭn du luh tă bơh n'gor Êjipt. Yorlah khân păng mâu răp jăp djôt prăp nau tâm rnglăp Gâp, Pôri Gâp chalơi khân păng,” Kôranh Brah lah pônây:

ហេឞ្រើ 9:18

Yor nây, nđâp ma nau tâm rnglăp tal nguay mâu khlay đŏng ôh tơlah mâu geh mham.

ហេឞ្រើ 9:19

Yorlah nôk Y-Môis mbơh lĕ nau vay ntăm tâm nau vay ma phung ƀon lan, păng sŏk mham kon ndrôk jêh ri be nkuăng, ndrel ma dak, rse chăng krăk jêh ri n'gĭng hisôp, păng djrah ta ndrom samƀŭt jêh ri ndrel ma lĕ rngôch ƀon lan

ហេឞ្រើ 9:21

Jêh ri tâm ban ma nau nây, păng sŏk mham nây djrah ta ngih bok ndrel ma lĕ ndơ dŏng ma nau yơk mbah.

I Pêtrôs 1:19

ƀiălah ma mham khlay Brah Krist, nâm bu mham du mlâm kon biăp geh ntŭk kuet, mâu geh têl khap,

I Pêtrôs 1:2

tĭng nau gĭt lor tă bơh Brah Ndu jêng Mbơ̆, jêh ri geh nau ƀư kloh ueh tă bơh Brah Huêng Ueh, gay tông bâr Brah Yêsu Krist jêh ri geh kô̆ tâm nau mbrih mham Păng. Mbơh sơm dăn nau yô̆ jêh ri nau đăp mpăn lơ hô n'hao ma khân may!