Nau Ngluh Êjipt 24:3 - Nau Brah Ndu Ngơi 2023

³ Nôk Y-Môis tât jêh ri nkoch tay ma phung ƀon lan lĕ rngôch nau ngơi jêh ri lĕ nau vay Brah Yêhôva, phung ƀon lan ndrel du bâr plơ̆ lah: “Hên mra ƀư lĕ nau Brah Yêhôva lah jêh.”

Nau Ngluh Êjipt 24:3 ပူးပေါင်းရင်းမြစ်များ

II Nau Rêh Jêng 15:14

Khân păng ton săk ma Brah Yêhôva ma bâr huy, ma nau troh jêh ri uh nŭng.

II Nau Rêh Jêng 15:15

Lĕ rngôch phung Yuđa hâk răm yor nau ton săk nây, yorlah khân păng ton săk jêh ma lĕ nuih n'hâm, tǐng joi Brah Yêhôva ma lĕ nau ktang jêh ri dơi mâp Păng. Brah Yêhôva ăn ma khân păng nau đăp mpăn tâm puăn mpeh.

Nau Mprơ Ơm 50:5

“Tâm rgum hom phung răp jăp văch ndrel ma Gâp, Jêng phung hŏ ƀư jêh nau tâm rnglăp đah Gâp ma nau mpa ƀư brah.”

Nau Ngluh Êjipt 19:8

Lĕ rngôch phung ƀon lan nsĭt lah n'grŭp. “Hên mra ƀư lĕ nau Brah Yêhôva hŏ ntĭnh ntăm jêh.” Y-Môis mbơh tay ma Brah Yêhôva nau phung ƀon lan ngơi.

Nau Ngluh Êjipt 24:2

Knŏng êng may jêng Y-Môis dơm dơi văch dăch Brah Yêhôva; lĕ phung êng mâu dơi ôh văch dăch. Phung ƀon lan mâu dơi tĭng may hao klơ yôk.”

Nau Ngluh Êjipt 24:7

Păng djôt ndrom samƀŭt nau tâm rnglăp jêh ri răk ăn ma phung ƀon lan tăng. Khân păng lah: “Hên mra tĭng ƀư jêh ri djôt prăp lĕ nau Brah Yêhôva hŏ ntăm jêh.”

Yêrêmi 11:4

Gâp hŏ ntăm ăn ma chô yau khân may dôl Gâp djôt khân păng du luh bơh n'gor bri Êjipt, luh bơh năk ŭnh loih nây. Gâp hŏ ntĭnh khân păng: Iăt hom nau Gâp, ƀư tĭng lĕ ntil nau Gâp nti gay ma khân may ƀư phung ƀon lan Gâp, jêh ri Gâp ƀư Brah Ndu ma khân may.

Yêrêmi 34:13

“Brah Yêhôva, Brah Ndu Israel lah: Dôl njŭn leo phung chô yau khân may du luh tă n'gor bri Êjipt, rklaih tă bơh ngih dĭk, Gâp hŏ ƀư jêh nau tâm rnglăp đah khân păng pô aơ:

Ndrom Samƀŭt bơh Agê 2:5

‘Tĭng nau Gâp hŏ ton jêh tâm nau tâm rnglăp njêng đah khân may dôl khân may du luh tă bơh n'gor bri Êjipt, jêh ri Brah Huêng ueh Gâp hôm gŭ ta nklang khân may, yor nây lơi khân may klach ôh.’

Malachi 2:10

Mâu di bơh lĕ rngôch he geh knŏng du huê mbơ̆? Mâu di bơh geh knŏng du huê Brah Ndu rhăk njêng jêh he? Mâm ƀư ăp nơm phung he mâu gŭ răp jăp ôh ndrăng oh nâu he, ƀư ƀơ̆ nau tâm rnglăp bơh chô yau he?

Nau Vay Nkah Tay 11:1

“Ăn khân may yơk rŏng ma Yêhôva Brah Ndu khân may ƀaƀơ, jêh ri djôt prăp lĕ nau Păng ntĭm nti, jêh ri nau vay Păng dăp, nau vay Păng ƀư jêh ri nau vay Păng ntăm.

Nau Vay Nkah Tay 4:1

“Hơi phung Israel, aƀaơ aơ gŭ iăt hom lĕ nau vay dăp jêh ri lĕ nau vay gâp ƀư nti khân may. Djôt prăp hom lĕ nau nây gay ma khân may dơi rêh gay lăp dơn n'gor Yêhôva Brah Ndu phung chô yau khân may ăn ma khân may jêng drăp ndơn.

Nau Vay Nkah Tay 4:45

Aơ jêng lĕ nau ntrŭnh jêh ri lĕ nau vay dăp jêh ri lĕ nau vay ƀư bơh Y-Môis ngơi jêh ma phung ƀon lan Israel, nôk khân păng luh bơh n'gor Êjipt,

Nau Vay Nkah Tay 4:5

Aơ, gâp nti jêh ma khân may lĕ nau vay dăp jêh ri lĕ nau vay ƀư di nâm bu Yêhôva Brah Ndu gâp ntĭnh ntăm jêh ma gâp, gay ma khân may djôt prăp dôl gŭ tâm n'gor, khân may mra lăp dơn jêng drăp ndơn.

Nau Vay Nkah Tay 5:1

Y-Môis kuăl rgum lĕ rngôch phung ƀon lan Israel jêh ri lah: “Hơi Israel, iăt hom, lĕ nau vay dăp jêh ri lĕ nau vay ƀư nar aơ gâp ntuh ăn khân may tăng, ăn khân may nti jêh ri blau njrăng ƀư tĭng nâm nau nây.

Nau Vay Nkah Tay 5:31

Ƀiălah ăn may gŭ ta aơ ndrel Gâp, Gâp mra mbơh ma may lĕ nau vay ntăm, nau vay dăp jêh ri nau vay ƀư bơh may mra ntĭm tay ma phung ƀon lan gay ma khân păng ƀư kơt tĭng nau nây tâm n'gor Gâp mra ăn ma khân păng gay ƀư drăp ndơn.’

Nau Vay Nkah Tay 6:1

“Aơ jêng nau vay ntăm, lĕ nau vay dăp jêh ri lĕ nau vay ƀư bơh Yêhôva Brah Ndu khân may ntăm jêh ma gâp ntĭm nti tay khân may, gay khân may djôt prăp nôk gŭ tâm n'gor khân may bơi hăn lăp dơn ƀư drăp ndơn.

Yôsuê 24:21

Phung ƀon lan lah ma Y-Yôsuê: “Mâu ôh! Hên mra pah kan ma Brah Yêhôva.”

Yôsuê 24:22

Pônây Y-Yôsuê lah ma phung ƀon lan: “Khân may jêng phung mbơh êng ma khân may nơm ma nau khân may hŏ ŭch săch Brah Yêhôva gay pah kan ma Păng.” Khân păng plơ̆ lah: “Hên jêng phung mbơh yơh.”

Yôsuê 24:24

Phung ƀon lan lah ma Y-Yôsuê: “Hên mra pah kan ma Yêhôva Brah Ndu hên, jêh ri hên mra tông bâr Păng.”