Nau Ngluh Êjipt 24:2 - Nau Brah Ndu Ngơi 2023

² Knŏng êng may jêng Y-Môis dơm dơi văch dăch Brah Yêhôva; lĕ phung êng mâu dơi ôh văch dăch. Phung ƀon lan mâu dơi tĭng may hao klơ yôk.”

Nau Ngluh Êjipt 24:2 ပူးပေါင်းရင်းမြစ်များ

Nau Ngluh Êjipt 19:12

Ăn may treh n'har ma phung ƀon lan gŭ jŭm yôk, jêh ri ntĭnh khân păng: ‘Njrăng hom, lơi hao ôh ta klơ yôk, mâu lah n'har yôk. Mbu nơm pah n'har yôk mra khĭt.

Nau Ngluh Êjipt 20:21

Phung ƀon lan gŭ dâk ngai, bi Y-Môis hăn dăch ndâr tŭk mbâl, ta ntŭk Brah Ndu dôl gŭ.

Nau Ngluh Êjipt 24:1

Brah Ndu lah ma Y-Môis: “May jêh ri Y-Arôn, Y-Nadap jêh ri Y-Abihu nđâp pơh jât kôranh bu ranh phung Israel hao hom ndrel ma Brah Yêhôva, jêh ri gŭ bơh ngai dĭng yơk mbah.

Nau Ngluh Êjipt 24:13

Y-Môis ndrel ma Y-Yôsuê, bunuyh kơl pah kan ma păng, dâk jêh ri Y-Môis hăn hao ta klơ yôk Brah Ndu.

Nau Ngluh Êjipt 24:15

Y-Môis hao klơ yôk, jêh ri ndâr tŭk nkŭm yôk.

Nau Ngluh Êjipt 24:18

Y-Môis lăp ta nklang ndâr tŭk jêh ri hăn hao klơ yôk. Y-Môis gŭ ta klơ yôk puăn jât nar puăn jât măng.

Nau Ngluh Êjipt 24:3

Nôk Y-Môis tât jêh ri nkoch tay ma phung ƀon lan lĕ rngôch nau ngơi jêh ri lĕ nau vay Brah Yêhôva, phung ƀon lan ndrel du bâr plơ̆ lah: “Hên mra ƀư lĕ nau Brah Yêhôva lah jêh.”

Yêrêmi 30:21

Kôranh khân păng tât bơh khân păng, Bunuyh chiă uănh ăt luh bơh khân păng. Gâp mra njŭn nơm nây văch dăch Gâp, jêh ri păng mra văch dăch Gâp, Yorlah mbu nơm janh văch dăch Gâp? Brah Yêhôva lah pônây.

Yêrêmi 49:19

Nâm bu yau mŭr tă bơh lĕ bri krŏng dak krong Yurdan hăn tât ma ndrêch gơ̆ nse ƀaƀơ, Ƀât lât Gâp mra ƀư ăn ma phung Êđôm nchuăt du jêh ri njêng bunuyh Gâp hŏ săch jêh gay chiă uănh păng. Yorlah mbu moh nâm bu Gâp? Mbu nơm mra dơi ntrŭnh ăn ma Gâp? Mbu rmăk biăp nănh tâm rdâng đah Gâp?”

Nau Kơp Bunuyh 16:5

jêh ri păng lah ma Y-Kôra jêh ri ma lĕ rngôch phung hăn tĭng păng: “Ôi taơ, Brah Yêhôva mra tâm mpơl mbu nơm jêng phung Păng jêh ri mbu nơm jêng kloh ueh, jêh ri Păng mra ƀư ăn nơm nây hăn dăch Păng; nơm Păng săch mra ăn hăn dăch Păng.

ហេឞ្រើ 9:24

Yorlah Brah Krist mâu lăp ôh tâm ntŭk kloh ueh bơh ti bunuyh ƀư, jêng rup ntŭk kloh ueh ngăn, ƀiălah Păng lăp jêh ƀon ueh klơ trôk, gay aƀaơ aơ Păng tâm tang he hăn tât tanăp Brah Ndu.