Nau Ngluh Êjipt 24:18 - Nau Brah Ndu Ngơi 2023

¹⁸ Y-Môis lăp ta nklang ndâr tŭk jêh ri hăn hao klơ yôk. Y-Môis gŭ ta klơ yôk puăn jât nar puăn jât măng.

Nau Ngluh Êjipt 24:18 ပူးပေါင်းရင်းမြစ်များ

I Phung Hađăch 19:11

Brah Yêhôva lah ma păng: “Hăn luh hom, dâk ta klơ yôk panăp Brah Yêhôva.” Ri, Brah Yêhôva mra prot rgăn; geh sial khôm ktang ngăn, kŏ tât rlâm đang yôk jêh ri ƀư nchah lĕ lŭ tanăp măt Brah Yêhôva, ƀiălah mâu geh Brah Yêhôva gŭ tâm sial nây ôh. Jêh sial nây, geh nau n'găr neh ntu, ƀiălah mâu geh Brah Yêhôva gŭ tâm nau n'găr neh ntu nây ôh.

I Phung Hađăch 19:8

jêh nây tă bơh ndơ sông sa nây, păng geh nau ktang gay hăn puăn jât nar jêh ri puăn jât năng tât ta Hôrep, jêng yôk Brah Ndu.

Nau Ngluh Êjipt 19:20

Brah Yêhôva jŭr ta klơ n'gơn yôk Sinai. Brah Yêhôva kuăl Y-Môis ăn hao ta n'gơn yôk jêh ri Y-Môis hăn hao.

Nau Ngluh Êjipt 24:17

Nau chrêk ma lơp Brah Yêhôva nchrat nâm bu ŭnh hit ta klơ n'gơn yôk tanăp măt phung ƀon lan Israel.

Nau Ngluh Êjipt 25:1

Brah Yêhôva lah ma Y-Môis:

Nau Ngluh Êjipt 32:1

Lah phung ƀon lan saơ Y-Môis gŭ ta klơ yôk jŏ ngăn ê hŏ trŭnh, khân păng rƀŭn ndrel jŭm Y-Arôn jêh ri ngơi: “Kay lŏng! Ăn may ƀư ma he lĕ phung brah hăn panăp he, yorlah phung hên mâu gĭt ôh moh nau hŏ tât ma Y-Môis, nơm hŏ ngluh jêh he luh bơh n'gor Êjipt.”

Nau Ngluh Êjipt 34:28

Y-Môis gŭ ta nây ndrel ma Brah Yêhôva tâm puăn jât nar jêh ri puăn jât măng, păng mâu sa ƀănh, mâu lĕ nhêt dak. Brah Yêhôva nchih ta bar rlat lŭ lĕ nau ngơi nau tâm rnglăp, jêng Jât Ntil Nau Vay Ntăm.

Nau Ngluh Êjipt 9:29

Y-Môis lah: “Lah gâp luh jêh bơh ƀon, gâp mra yơr ti gâp ma Brah Yêhôva; nglaih mra nsrŭng, mih tŭp pler mra bah ro gay ma may gĭt n'gor aơ jêng ndơ Brah Yêhôva.

Nau Ngluh Êjipt 9:33

Y-Môis luh bơh Pharaôn, hăn padih ƀon, yơr ti păng ma Brah Yêhôva; nglaih jêh ri mih tŭp pler nsrŭng; trôk mâu hôm mih đŏng ôh.

Nau Hôr 28:1

Bunuyh djơh nchuăt du nđâp lah mâu geh bunuyh hăn tĭng păng, Ƀiălah bunuyh sŏng srăng dăng ktang nâm bu yau mŭr.

Mathay 4:2

Jêh ât sông sa puăn jât nar jêh ri puăn jât măng, Păng ji ngot.

Markôs 1:13

Păng gŭ tâm bri rdah puăn jât nar, geh Satan ndơm, gŭ ndrel ma mpô mpa bri, jêh ri phung tông mpăr pah kan Păng.

Luka 4:2

Ta nây, brah mhĭk ndơm Păng tâm puăn jât nar. Tâm lĕ nar nây, Păng mâu sông sa ôh; nôk mông nar nây lôch jêh Păng ji ngot.

Nau Vay Nkah Tay 10:10

“Gâp gŭ ta klơ yôk puăn jât nar jêh ri puăn jât măng nâm bu nôk saơm, jêh ri du tơ̆ đŏng Brah Yêhôva dơn nau gâp, Păng mƀăr lơi nau mĭn gay ŭch ƀư rai khân may.

Nau Vay Nkah Tay 5:31

Ƀiălah ăn may gŭ ta aơ ndrel Gâp, Gâp mra mbơh ma may lĕ nau vay ntăm, nau vay dăp jêh ri nau vay ƀư bơh may mra ntĭm tay ma phung ƀon lan gay ma khân păng ƀư kơt tĭng nau nây tâm n'gor Gâp mra ăn ma khân păng gay ƀư drăp ndơn.’

Nau Vay Nkah Tay 9:18

Jêh nây, yor nau tih khân may hŏ ƀư jêh nôk ƀư nau mhĭk gay nsônh nau ji nuih Brah Yêhôva, gâp chon mbah tanăp măt Păng tâm puăn jât nar măng, nâm bu nôk ta lor, gâp mâu geh sa piăng let kŏ mâu đŏng nhêt dak.

Nau Vay Nkah Tay 9:25

Pôri, gâp hŏ chon mbah tanăp Brah Yêhôva tâm puăn jât nar jêh ri puăn jât măng, yorlah Brah Yêhôva hŏ lah jêh Păng gay ŭch ƀư rai khân may.

Nau Vay Nkah Tay 9:9

Dôl gâp hao klơ yôk gay dơn bar plơp lŭ, Brah Yêhôva hŏ nchih jêh ta klơ bar plơp nây nau tâm rnglăp, Păng hŏ ƀư jêh đah khân may, gâp hŏ gŭ ta klơ yôk puăn jât nar jêh ri puăn jât măng, gâp mâu sa piăng let mâu đŏng nhêt dak.