Nau Ngluh Êjipt 24:12 - Nau Brah Ndu Ngơi 2023

¹² Brah Yêhôva lah ma Y-Môis: “Hao hom ta yôk, tât ta Gâp jêh ri gŭ kâp Gâp ta nây. Gâp mra ăn ma may ndap lŭ ta nây Gâp hŏ nchih jêh nau vay jêh ri nau vay ntăm gay nti phung ƀon lan.”

Nau Ngluh Êjipt 24:12 ပူးပေါင်းရင်းမြစ်များ

I Phung Hađăch 19:11

Brah Yêhôva lah ma păng: “Hăn luh hom, dâk ta klơ yôk panăp Brah Yêhôva.” Ri, Brah Yêhôva mra prot rgăn; geh sial khôm ktang ngăn, kŏ tât rlâm đang yôk jêh ri ƀư nchah lĕ lŭ tanăp măt Brah Yêhôva, ƀiălah mâu geh Brah Yêhôva gŭ tâm sial nây ôh. Jêh sial nây, geh nau n'găr neh ntu, ƀiălah mâu geh Brah Yêhôva gŭ tâm nau n'găr neh ntu nây ôh.

Êsra 7:10

Yorlah Y-Êsra hŏ mĭn jêh ŭch nti nau vay Brah Yêhôva, djôt prăp jêh ri nti ma phung Israel gĭt lĕ rngôch nau vay dăp jêh ri nau vay ƀư.

Nêhêmi 9:13

Kôranh Brah jŭr ta klơ yôk Sinai, Tă bơh trôk Kôranh Brah hŏ ngơi jêh ma khân păng. Kôranh Brah ăn nau vay ƀư jêh ri nau vay di jêh ri sŏng srăng; Lĕ nau vay dăp ueh jêh ri nau vay ntăm ueh.

Nêhêmi 9:14

Kôranh Brah ƀư ăn khân păng gĭt nar saƀat kloh ueh Kôranh Brah. Jêh ri ăn jêh ma khân păng lĕ nau vay ntăm, lĕ nau vay ƀư jêh ri nau vay Ma Y-Môis jêng oh mon Kôranh Brah.

Nau Mprơ Ơm 19:12

Mbu nơm dơi gĭt rbăng lĕ nau tih păng? Dăn Kôranh Brah yô̆ an lĕ nau tih gâp mâu gĭt.

Nau Ngluh Êjipt 19:3

Y-Môis hăn mâp Brah Ndu. Bơh ta klơ yôk, Brah Yêhôva kuăl păng jêh ri lah: “Ăn may ngơi ma ngih Y-Yakôb, jêh ri lah ma phung ƀon lan Israel pô aơ:

Nau Ngluh Êjipt 24:15

Y-Môis hao klơ yôk, jêh ri ndâr tŭk nkŭm yôk.

Nau Ngluh Êjipt 24:18

Y-Môis lăp ta nklang ndâr tŭk jêh ri hăn hao klơ yôk. Y-Môis gŭ ta klơ yôk puăn jât nar puăn jât măng.

Nau Ngluh Êjipt 24:2

Knŏng êng may jêng Y-Môis dơm dơi văch dăch Brah Yêhôva; lĕ phung êng mâu dơi ôh văch dăch. Phung ƀon lan mâu dơi tĭng may hao klơ yôk.”

Nau Ngluh Êjipt 31:18

Lôch jêh ngơi đah Y-Môis ta yôk Sinai, Brah Yêhôva ăn ma păng bar Rlat Nau Tâm Rnglăp ma lŭ tă bơh nglau ti Brah Ndu nchih.

Nau Ngluh Êjipt 32:1

Lah phung ƀon lan saơ Y-Môis gŭ ta klơ yôk jŏ ngăn ê hŏ trŭnh, khân păng rƀŭn ndrel jŭm Y-Arôn jêh ri ngơi: “Kay lŏng! Ăn may ƀư ma he lĕ phung brah hăn panăp he, yorlah phung hên mâu gĭt ôh moh nau hŏ tât ma Y-Môis, nơm hŏ ngluh jêh he luh bơh n'gor Êjipt.”

Nau Ngluh Êjipt 34:1

Brah Yêhôva ngơi ma Y-Môis: “Trah hom bar rlat lŭ nâm bu bar rlat alor, jêh nây Gâp mra nchih ta klơ bar rlat aơ lĕ nau ngơi hŏ geh ta klơ bar rlat may mbang nchah lơi jêh.

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Mathay 5:19

Yor nây, mbu nơm chalơi du ntil dŭt jê̆ tâm lĕ nau vay aơ jêh ri nti ma bu ƀư kơt nĕ, bu mra kuăl păng dŭt jê̆ tâm ƀon bri hađăch klơ trôk; ƀiălah mbu nơm tông prăp ma lĕ nau vay aơ jêh ri nti ma bu, mra dơi uănh jêng toyh lơn tâm ƀon bri hađăch klơ trôk.

II Kôrintô 3:3

Rah vah ngăn khân may jêng blah samƀŭt bơh Brah Krist, nchih jêh tă bơh nau pah kan hên, mâu di nchih ma dak ôch, ƀiălah ma Brah Huêng Ueh Brah Ndu gŭ rêh mro mrăng; mâu di nchih ta kađar lŭ, ƀiălah nchih ta lĕ kađar nuih n'hâm kon bunuyh.

II Kôrintô 3:7

Yorlah, tơlah nau pah kan djôt leo tât nau khĭt, bu tor kach rplay samƀŭt ta kađar lŭ, ƀiălah hôm tât ma nau chrêk rmah, ƀư ma phung Israel mâu dơi uănh ta muh măt Y-Môis, yor nau ral chrêk rmah, nđâp tơlah nau chrêk rmah nây rgăn ngăch,

Nau Vay Nkah Tay 4:14

Nôk nây, Brah Yêhôva ntĭnh đŏng ma gâp sâm nti khân may lĕ nau vay dăp jêh ri lĕ nau vay ƀư, gay ma khân may tĭng kơt nau nây tâm n'gor khân may mra lăp sŏk jêng drăp ndơn.”

Nau Vay Nkah Tay 5:22

Nây jêng lĕ nau ngơi tă bơh klơ yôk, Brah Yêhôva hŏ ngơi bâr huy ntĭnh ma lĕ rngôch phung Israel tâm rƀŭn luh bơh ŭnh, nklang ndâr tŭk krăk kher ngo klĕng. Păng mâu hôm ntop nau êng ôh ƀiălah Păng nchih lĕ nau nây ta bar rlat lŭ jêh ri jao ma gâp.

Nau Vay Nkah Tay 5:31

Ƀiălah ăn may gŭ ta aơ ndrel Gâp, Gâp mra mbơh ma may lĕ nau vay ntăm, nau vay dăp jêh ri nau vay ƀư bơh may mra ntĭm tay ma phung ƀon lan gay ma khân păng ƀư kơt tĭng nau nây tâm n'gor Gâp mra ăn ma khân păng gay ƀư drăp ndơn.’

ហេឞ្រើ 9:4

ta nây geh nơng ƀư brah mah gay nhhơr ndơ ƀâu kah jêh ri Hip Nau Tâm Rnglăp, mblum ma mah. Tâm hip nây geh du mlâm yăng mah bu dơ mana, mâng jra luh kao Y-Arôn, jêh ri lĕ rlat lŭ bu nchih nau tâm rnglăp.