Nau Ngluh Êjipt 24:11 - Nau Brah Ndu Ngơi 2023

¹¹ Păng mâu ôh yơr ti ƀư nau mhĭk ma phung kôranh ƀon lan Israel; khân păng hŏ treng uănh jêh Brah Ndu jêh nây khân păng nhêt sa.

Nau Ngluh Êjipt 24:11 ပူးပေါင်းရင်းမြစ်များ

Nau Ntơm 16:13

H'Agar kuăl Brah Yêhôva, Nơm hŏ ngơi đah păng, jêng “Brah Ndu plơ̆ uănh,” yor păng lah: “Ơm mâu di ta ntŭk aơ gâp hŏ saơ Nơm treng uănh đah gâp?”

Nau Ntơm 18:18

Nanê̆ Y-Abraham mra jêng du mpôl băl toyh jêh ri geh nau dăng ktang; lĕ rngôch phung ƀon lan klơ neh ntu tă bơh păng da dê mra geh nau ueh uĭn.

Nau Ntơm 31:54

jêh nây Y-Yakôb nhhơr mpa ƀư brah ta klơ yôk, jêh ri păng kuăl phung oh nâu păng sông sa. Jêh sông sa, khân păng rlu bê̆ch măng ta yôk nây.

I Phung Hađăch 21:8

H'Jêsêbel sŏk amoh Y-Ahap gay nchih samƀŭt jêh ri tâp pŏng hađăch, njuăl samƀŭt nây ma phung kôranh bu ranh jêh ri ma phung bu yơk dôl gŭ ndrel tâm ƀon Y-Nabôt.

II Nau Rêh Jêng 23:20

Nglĕ dŭt, păng gai phung kôranh chiă uănh toyh ma rhiăng bunuyh tahan, phung ndrŏng, phung kôranh chiă uănh jêh ri lĕ rngôch phung ƀon lan tâm bri nây; khân păng hăn vơt hađăch bơh ngih Brah Yêhôva, chuat rgăn mpông pêr pa lơ, njŭn tât ma ngih hađăch, jêh nây khân păng ăn hađăch gŭ ta sưng hađăch ma mah.

Nêhêmi 2:16

Phung kôranh chiă uănh mâu gĭt ôh ntŭk gâp hăn jêh ri moh ndơ gâp ƀư, yor ri gâp ê hŏ mbơh ôh ma phung Yuđa, ma phung kôranh ƀư brah, ma phung ndrŏng, ma phung kôranh chiă uănh mâu lah ăn ma phung mra ƀư pah kan, gĭt moh nau gâp ƀư.

Nau Mprơ Ơm 139:5

May gŭ jŭm gâp, panăp nđâp ma pakơi, Pah ti May ta klơ gâp.

Nau Ngluh Êjipt 18:12

Y-Jêtrô, po Y-Môis, nhhơr ndơ ƀư brah gŭch jêh ri mpa ƀư brah ma Brah Ndu. Y-Arôn jêh ri lĕ kôranh bu ranh Israel văch sông sa ndrel ma po Y-Môis, tanăp Brah Ndu.

Nau Ngluh Êjipt 19:21

Brah Yêhôva lah ma Y-Môis: “Hăn jŭr hom jêh ri buay ma phung ƀon lan lơi ăn khân păng sŏl rlau ntŭk hŏ treh gay uănh Brah Yêhôva; tơlah mâu iăt âk tâm phung khân păng mra khĭt.

Nau Ngluh Êjipt 24:1

Brah Ndu lah ma Y-Môis: “May jêh ri Y-Arôn, Y-Nadap jêh ri Y-Abihu nđâp pơh jât kôranh bu ranh phung Israel hao hom ndrel ma Brah Yêhôva, jêh ri gŭ bơh ngai dĭng yơk mbah.

Nơm Nti 9:7

Pônây, sông sa hom ma nau maak jêh ri nhêt ndrănh ndrel nuih răm rhơn, yorlah Brah Ndu hŏ dơn jêh lĕ ma nau may ƀư.

Yêrêmi 14:3

Phung ndrŏng prơh phung oh mon hăn joi dak; Khân păng hăn tât nglao, Ƀiălah mâu saơ dak ôh, Djôt yăng dơm plơ̆ sĭt; Khân păng prêng, rŭng răng, Nkŭm lơi bôk.

Daniel 10:17

Mâm ƀư oh mon kôranh gâp dơi ngơi ma kôranh? Yorlah aƀaơ aơ mâu hôm geh nau ktang ôh, mâu lĕ hôm geh n'hâm nsôr tâm gâp đŏng ôh!”

Nau Kơp Bunuyh 12:8

Gâp ngơi đah păng mbung ndrăng mbung ma nau rah vah, mâu geh nau ngơi ndâp Jêh ri păng saơ rup Brah Yêhôva. Mâm khân may mâu klach ƀiălah ngơi kek đah oh mon Gâp jêng Y-Môis?”

Nau Kơp Bunuyh 21:18

Ntu dak phung hađăch hŏ kuyh jêh, Phung kôranh toyh tâm phung ƀon lan hŏ kuyh jêh, Ma mâng jra hađăch jêh ri mâng jra khân păng!” Jêh nây, phung ƀon lan Israel hăn tă bơh bri rdah tât ta Matana,

Nau Vay Nkah Tay 12:7

Ta nây, tanăp muh măt Yêhôva Brah Ndu, khân may mra nhêt sa nđâp ma phung tâm vâl khân may jêh ri hâk răm ma lĕ rngôch kan ti khân may nơm ƀư, yor Yêhôva Brah Ndu hŏ ăn jêh nau ueh uĭn ma khân may.

Nau Vay Nkah Tay 4:33

Mâp geh du phung ƀon lan tăng bâr brah ngơi bơh tâm trong ŭnh, nâm bu khân may hŏ tăng jêh, jêh ri hôm e rêh lĕ mâu?

Phung Kôranh Phat Dôih 13:22

Y-Manôa lah ma ur păng: “N'hêl nanê̆ he mra khĭt, yorlah he lĕ saơ jêh Brah Ndu!”

Phung Kôranh Phat Dôih 5:13

Nôk nây, phung hôm e hăn trŭnh ma phung kôranh chiă uănh; Phung ƀon lan Brah Yêhôva văch ma gâp nâm phung tahan janh ktang.