Nau Ngluh Êjipt 24:1 - Nau Brah Ndu Ngơi 2023

¹ Brah Ndu lah ma Y-Môis: “May jêh ri Y-Arôn, Y-Nadap jêh ri Y-Abihu nđâp pơh jât kôranh bu ranh phung Israel hao hom ndrel ma Brah Yêhôva, jêh ri gŭ bơh ngai dĭng yơk mbah.

Nau Ngluh Êjipt 24:1 ပူးပေါင်းရင်းမြစ်များ

I Nau Rêh Jêng 6:3

Phung kon Y-Amram jêng Y-Arôn, Y-Môis jêh ri H'Miriam. Phung kon Y-Arôn jêng Y-Nadap, Y-Abihu, Y-Êlêasar, jêh ri Y-Ithamar.

Nau Ngluh Êjipt 1:5

Lĕ rngôch kon sau Y-Yakôb jêng pơh jât nuyh, bi ma Y-Yôsep hŏ gŭ jêh tâm n'gor Êjipt.

Nau Ngluh Êjipt 19:20

Brah Yêhôva jŭr ta klơ n'gơn yôk Sinai. Brah Yêhôva kuăl Y-Môis ăn hao ta n'gơn yôk jêh ri Y-Môis hăn hao.

Nau Ngluh Êjipt 19:24

Brah Yêhôva lah ma păng: “Hăn jŭr hom jêh ri leo Y-Arôn hao n'hanh may. Ƀiălah lơi ăn phung kôranh ƀư brah jêh ri phung ƀon lan sŏl rlau ntŭk hŏ treh gay văch dăch Brah Yêhôva, lah mâu iăt Brah Yêhôva mra rmal ma khân păng.”

Nau Ngluh Êjipt 19:9

Brah Yêhôva lah: “Aơ, Gâp mra hăn ma may tâm ndâr tŭk mbâl, gay tơlah Gâp ntăm ma may, phung ƀon lan tăng jêh ri rnơm ma may du njăr rêh.” Nôk Y-Môis djôt nau ƀon lan mbơh tay ma Brah Yêhôva,

Nau Ngluh Êjipt 20:21

Phung ƀon lan gŭ dâk ngai, bi Y-Môis hăn dăch ndâr tŭk mbâl, ta ntŭk Brah Ndu dôl gŭ.

Nau Ngluh Êjipt 24:15

Y-Môis hao klơ yôk, jêh ri ndâr tŭk nkŭm yôk.

Nau Ngluh Êjipt 24:2

Knŏng êng may jêng Y-Môis dơm dơi văch dăch Brah Yêhôva; lĕ phung êng mâu dơi ôh văch dăch. Phung ƀon lan mâu dơi tĭng may hao klơ yôk.”

Nau Ngluh Êjipt 24:9

Jêh nây, Y-Môis jêh ri Y-Arôn, Y-Nadap jêh ri Y-Abihu nđâp pơh jât kôranh bu ranh Israel hao ta klơ yôk;

Nau Ngluh Êjipt 28:1

“Tă bơh tâm phung ƀon lan Israel, ăn may săch Y-Arôn, nâu may, jêh ri phung kon bu klâu păng jêng Y-Nadap, Y-Abihu, Y-Êlêasar, jêh ri Y-Ithamar, ăn pah kan ndơ ƀư brah ma Gâp.

Nau Ngluh Êjipt 3:5

Brah Ndu lah: “Lơi dăch ta aơ ôh! Ăn may doh hom ntâu jot tă bơh jâng may yorlah ntŭk may dôl dâk nây jêng neh kloh ueh.”

Nau Ngluh Êjipt 34:2

Ôi taơ, rơm ndrăp hom. Bơh ơm ôi, hao hom yôk Sinai jêh ri dâk tanăp Gâp ta klơ n'gơn yôk nây.

Nau Ngluh Êjipt 6:23

Y-Arôn nđăp Y-Êlisêba, kon bu ur Y-Aminadap, oh Y-Nahsôn, bu ur nây deh ăn ma păng puăn lông kon jêng Y-Nadap, Y-Abihu, Y-Êlêasar, jêh ri Y-Ithamar.

Êsêkiêl 8:11

Dâk panăp rup nây geh pơh jât kôranh bu ranh ngih Israel, tâm phung nây geh Y-Jasania, kon bu klâu Y-Saphan, ti ăp nơm djôt khăl gŭch ndơ ƀâu kah nhhŭk ndơ ƀâu kah n'hôl rlet klơ.

Nau Kơp Bunuyh 11:16

Brah Yêhôva lah ma Y-Môis: “Rgum hom pơh jât nuyh tâm phung kôranh bu ranh Israel, jêng phung may gĭt năl jêh jêng kôranh bu ranh jêh ri kôranh chiă uănh phung ƀon lan. Njŭn leo hom khân păng tât ta Ngih Bok Nau Tâm Rƀŭn, jêh ri ăn khân păng dâk ndrel ma may ta nây.

Luka 10:1

Jêh nây, Kôranh Brah săch pơh jât oh mon êng, jêh ri njuăl bar hê bar hê hăn lor ma Păng lăp lĕ rngôch ƀon jêh ri lam ntŭk Păng mra hăn tât.

Luka 10:17

Pơh jât oh mon plơ̆ sĭt răm maak jêh ri nkoch pô aơ: “Ơ Kôranh Brah, tâm amoh May, phung brah mhĭk lăp gŭ tâm dâng ma hên.”

Nau Vay Nkah Tay 1:15

Pôri gâp hŏ săch jêh lĕ phung blau mĭn, gĭt rbăng tâm lĕ ndŭl mpôl jêh ri ndâk khân păng jêng phung kôranh ma khân may, chiă uănh ma rbăn nuyh, rhiăng nuyh, prăm jât nuyh mâu lah ma jât nuyh, jêh ri ndâk đŏng phung kôranh ma ăp ndŭl mpôl khân may.