Nau Ngluh Êjipt 23:8 - Nau Brah Ndu Ngơi 2023

⁸ Lơi may dơn ôh drăp bu blŏl, yorlah drăp bu blŏl mra ƀư chieh măt nơm gĭt blau jêh ri nsak nau ngơi bơh phung nơm sŏng srăng.

Nau Ngluh Êjipt 23:8 ပူးပေါင်းရင်းမြစ်များ

Nau Mprơ Ơm 15:5

Păng mâu ăn chan prăk sŏk kao, Mâu lĕ sŏk dơn ndơ blŏl gay ƀư mhĭk bunuyh mâu geh nau tih. Mbu nơm ƀư pônây Mâu mra mâp nau mpât n'gơ ôh.

Nau Mprơ Ơm 26:10

Ti khân păng ƀư nau mhĭk, Ti ma khân păng bêng ma ndơ bu blŏl.

Nau Hôr 15:27

Bunuyh kơnh sa drăp tih ƀư uh ah ma ngih păng nơm, Bi nơm rmot ma drăp bu blŏl mra dơi geh nau rêh.

Nau Hôr 17:23

Bunuyh ƀai dơn ndơ bu blŏl ma nau ndâp Gay ƀư vĭ mâng njing nau di.

Nau Hôr 17:8

Ndơ bu blŏl tâm ban ma du găr lŭ khlay tanăp nơm dơi geh păng; Nđâp lah mbah ntŭk mpeh păng rle ăt dơi jêng.

Nau Hôr 19:4

Nau ndrŏng tâm rnglăp âk mĭt jiăng, Bi ma nơm o ach nđâp lah geh đŏng mĭt jiăng bu lĕ du ngai jêh.

Nơm Nti 7:7

Nau tŭn jot ƀư bunuyh blau jêng rluk, Ndơ bu blŏl ƀư djơh nuih n'hâm bunuyh.

Êsai 1:13

Lơi hôm njŭn ôh ndơ ƀư brah rnih môi mâu khlay! Gâp tâm rmot ma ndơ ƀâu kah, Ma nau rƀŭn khay mhe luh, ma nar saƀat jêh ri ma lĕ nau tâm rƀŭn toyh. Gâp mâu hôm dơi dơn ôh nau ƀư tih ƀaƀơ jêh ri lŏ hăn nau tâm rƀŭn yơk.

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsai 33:15

Nơm nhuat tĭng nau sŏng srăng jêh ri ngơi nau di, Tâm rmot ma nau sa ndơ mâu tâm di, Mât mray ti mâu sŏk dơn drăp blŏl; Nsêt tôr mâu ŭch iăt ôh nau nkhŭt mham, Nhêp măt mâu ŭch uănh ma nau mhĭk ôh.

Êsai 5:22

Rêh ni ngăn ma phung dăng nhêt ndrănh, Jêh ri phung blau kan nau lŭk lai lĕ ndơ nhêt nhŭl!

Êsai 5:23

Rêh ni ngăn ma phung yor dơn drăp blŏl gay kơp nau sŏng srăng ma phung geh nau tih, Jêh ri pit sŏk nau sŏng srăng ma phung sŏng srăng!

Êsêkiêl 22:12

Ta ntŭk may, bu dơn ndơ blŏl gay ƀư pling mham, may sŏk jêh prăk sa kao jêh ri n'hao prăk sa kao, may tŭn jot phung chiau meng gay geh ndơ jêh ri lĕ chuêl jêh Gâp, Kôranh Brah Yêhôva lah pônây.

Ndrom Samƀŭt bơh Ôsê 4:18

Khân păng nhêt sa nhŭl hơm, Jêh nây dah ma ƀư nau ka n'hong; Khân păng ŭch ngăn nau bêk prêng rlau lơn ma nau chrêk rmah.

Amôt 5:12

Yorlah Gâp gĭt nau ƀư tih khân may âk ir, Nau tih khân may mâu hôm dơi kơp; Khân may tŭn jot phung sŏng srăng, Dơn sŏk drăp bu blŏl, Jêh ri mâu koh dŏng nau di ma phung o ach tâm ntŭk mpông ƀon.

Mika 7:3

Ti khân păng vay ƀư nau mhĭk. Kôranh chiă uănh ŭch geh drăp ndơ, Kôranh phat dôih dơn ndơ bu blŏl; Bi ma kôranh toyh nuih n'hâm bêng ma nau ŭch kơnh, Khân păng tâm nchră ndrel.

Nau Vay Nkah Tay 10:17

yorlah Yêhôva Brah Ndu khân may jêng Brah Ndu ma phung brah jêh ri Kôranh Brah ma phung kôranh, jêng Brah Ndu toyh, bêng nau brah jêh ri ăn geh nau klach yơk, jêng Nơm mâu ôh tĭng du dĭng, jêh ri mâu dơn ôh drăp tâm blŏl.

Nau Vay Nkah Tay 16:19

Khân may mâu dơi ôh ƀư tih đah nau di, mâu gŭ nding, mâu dơn ôh drăp bu blŏl, yorlah drăp bu blŏl mra ƀư chieh măt phung blau mĭn jêh ri nsak nau ngơi bơh phung nơm sŏng srăng.

I Samuel 12:3

Aơ, gâp dâk ta aơ. Nkoch mbơh hom ma gâp tanăp Brah Yêhôva jêh ri tanăp nơm Păng tŏ jêh dak ƀâu kah: Mbu ndrôk gâp mâp sŏk jêh? Mâu lah mbu seh bri gâp mâp sŏk jêh? Mâu lah mbu nơm gâp geh ndơm mƀruh? Mbu nơm gâp tŭn jot jêh? Mbah tă ti gâp lĕ mâp sŏk jêh drăp bu blŏl gay nkŭm lơi măt gâp ma ndơ nây? Tơlah geh, gâp mra mplơ̆ sĭt ndơ nây ma khân may.”

I Samuel 8:3

Ƀiălah phung kon bu klâu păng mâu hăn tĭng ndô̆ ôh trong păng; khân păng hăn tĭng drăp ndơ, dơn ndơ bu blŏl, jêh ri ƀư kue đah nau sŏng.