Nau Ngluh Êjipt 23:7 - Nau Brah Ndu Ngơi 2023

⁷ Ăn kon der ngai đah lĕ nau ngơi nklă jêh ri lơi ta nkhĭt ôh bunuyh mâu geh nau tih mâu lah nơm sŏng srăng, yorlah Gâp mâu mra kơp ôh nau sŏng srăng ma nơm djơh mhĭk.

Nau Ngluh Êjipt 23:7 ပူးပေါင်းရင်းမြစ်များ

Nau Ntơm 18:23

Y-Abraham hăn văch dăch jêh ri ơh: “Brah Ndu mra ƀư rai lĕ phung sŏng srăng nđâp ma phung djơh mhĭk ƀơh?

Ndrom Samƀŭt bơh Yôp 22:23

Tơlah plơ̆ sĭt ma Nơm Geh Lĕ Nau Brah, may mra dơi jêng tay. Tơlah may mƀăr lơi nau djơh mhĭk bơh ngih bok may.

Nau Mprơ Ơm 119:29

Ƀư ăn gâp der ngai trong nau mbruh, Jêh ri ƀư nau yô̆ gay sâm nti nau vay May ma gâp.

Nau Mprơ Ơm 94:21

Khân păng tâm rgum gay ƀư mhĭk ma nau rêh bunuyh sŏng srăng Jêh ri tâm rmal nkhĭt phung mâu geh nau tih.

Nau Ngluh Êjipt 20:13

May mâu dơi nkhĭt bu.

Nau Ngluh Êjipt 20:16

May mâu dơi ngơi nchơt ƀư mhĭk ma phung chiau meng may nơm.

Nau Ngluh Êjipt 23:1

“Lơi may nkoch bri nklă. May mâu dơi tâm rnglăp đah bunuyh mhĭk gay mbơh mƀruh.

Nau Ngluh Êjipt 34:7

Djôt prăp nau rŏng kŏ tât rbăn rô̆ nuyh, Yô̆ an nau djơh mhĭk, nau ƀư tih jêh ri nau tih; Ƀiălah mâu kơp nơm geh nau tih ôh jêng mâu geh nau tih, Ƀiălah yor nau tih phung chô yau mra rmal ma phung kon sau kŏ tât pe, puăn rô̆ nuyh.”

Nau Hôr 11:21

Nanê̆ phung ƀai mâu klaih ôh bơh nau tâm rmal, Ƀiălah noi deh phung sŏng srăng mra dơi rklaih.

Nau Hôr 17:15

Mbu nơm kơp bunuyh mhĭk jêng sŏng srăng jêh ri nơm nduyh bunuyh sŏng srăng, Lĕ bar hê tâm rmot ma Brah Yêhôva da dê.

Êsai 33:15

Nơm nhuat tĭng nau sŏng srăng jêh ri ngơi nau di, Tâm rmot ma nau sa ndơ mâu tâm di, Mât mray ti mâu sŏk dơn drăp blŏl; Nsêt tôr mâu ŭch iăt ôh nau nkhŭt mham, Nhêp măt mâu ŭch uănh ma nau mhĭk ôh.

Êsai 5:20

Rêh ni ngăn ma phung rnha ntơ nau mhĭk jêng ueh, Lah nau ueh jêng mhĭk; Sŏk nau ngo jêng nau ang, Sŏk nau ang jêng nau ngo; Sŏk nau tăng jêng nau njŭng, Sŏk nau njŭng jêng nau tăng.

Kan Lêvi 19:11

Khân may mâu dơi ntŭng ôh, mâu lĕ dơi ngơi nchơt jêh ri mƀruh ndrăng he.

Kan Lêvi 19:16

Mâu dơi tâm phong ta nklang phung mpôl băl, mâu đŏng ngơi nchơt mƀruh gay ƀư mhĭk nau rêh ma phung chiau meng. Gâp jêng Brah Yêhôva.

Nahum 1:3

Brah Yêhôva mâu gơnh nuih ôh jêh ri geh nau brah dŭt toyh, Ƀiălah Păng mâu uănh ôh nơm geh nau tih jêng mâu tih. Brah Yêhôva chuat hăn tâm phŭt chuănh jêh ri tâm sial vănh blông, Ndâr tŭk jêng ndruyh neh tâm dâng jâng Păng.

Luka 3:14

Phung tahan ôp đŏng: “Bi hên, mâm hên mra ƀư?” Păng plơ̆ lah: “Lơi nkrit nhhu mâu lah ngơi nchơt bu gay sŏk prăk, ƀiălah maak nuih n'hâm di nau nkhôm khân may nơm.”

Samƀŭt Pôl Njuăl Ăn Ma Phung Nsing Ta Ƀon Rôm 1:18

Nau Brah Ndu ji nuih mpơl jêh tă bơh klơ trôk gay ma tâm rdâng đah lĕ ntil mâu ƀư tĭng nau vay jêh ri ma phung djơh mhĭk dŏng nau djơh mhĭk tŭn jot nau ngăn.

Êphêsô 4:25

Pôri yơh, ăp nơm tâm khân may mƀăr lơi hom nau mƀruh nchơt, “Ngơi hom ngăn ma phung chiau meng,” yorlah he jêng kô̆ săk jăn ndrăng he da dê.

Nau Vay Nkah Tay 25:1

“Lah lĕ bar đah geh nau tâm rlăch jêh ri khân păng hăn ma nau phat dôih pôri phung kôranh phat dôih mra ngơi an dôih ma khân păng: Mbơh nau sŏng srăng ma bunuyh geh nau sŏng srăng jêh ri mbơh nau tih ma bunuyh geh nau tih.

Nau Vay Nkah Tay 27:25

‘Di ma rak rtăp ma nơm sŏk dơn drăp bu blŏl gay ma nkhĭt du huê mâu geh nau tih ôh!’ Ăn lĕ rngôch ƀon lan mra plơ̆ lah: ‘Amen!’

I Têsalônik 5:22

ăn khân may der ngai lĕ rngôch nau djơh mhĭk.