Nau Ngluh Êjipt 23:6 - Nau Brah Ndu Ngơi 2023

⁶ Lơi may nsak nau di tâm lĕ nau dôih bơh bunuyh o ach.

Nau Ngluh Êjipt 23:6 ပူးပေါင်းရင်းမြစ်များ

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Yêrêmi 5:28

Khân păng toyh jêh ri lay. Nau tih mhĭk khân păng lĕ rlau keh; Khân păng mâu phat dôih ma nau di gay ma phung kon đơi dơi geh, Ăt mâu sâm kơl nau geh ma phung o ach.”

Nơm Nti 5:8

Dôl may saơ tâm du n'gor geh phung o ach bu tŭn jot, nau sŏng jêh ri nau di bu jot rchal, lơi ta hih rhâl ôh ma nau nây; yorlah du hê kôranh toyh geh kôranh toyh lơn nking n'gang jêh ri ta klơ khân păng hôm e geh kôranh toyh lơn đŏng.

Nau Vay Nkah Tay 27:19

‘Di ma rak rtăp ma nơm nsak nkhăng nau di ma nơm gŭ njưh ƀât lât, ma bunuyh kon đơi, jêh ri ma bu ur ndrô!’ Ăn lĕ rngôch phung ƀon lan mra plơ̆ lah: ‘Amen!’

Nau Vay Nkah Tay 16:19

Khân may mâu dơi ôh ƀư tih đah nau di, mâu gŭ nding, mâu dơn ôh drăp bu blŏl, yorlah drăp bu blŏl mra ƀư chieh măt phung blau mĭn jêh ri nsak nau ngơi bơh phung nơm sŏng srăng.

Kan Lêvi 19:15

Khân may mâu dơi ƀư nau mâu sŏng tâm nau phat dôih; mâu gŭ nding mpeh ma nơm o ach mâu lah yơk phung geh nau kan toyh, ƀiălah phat dôih hom phung chiau meng khân may ma nau sŏng.

Yêrêmi 7:6

tơlah khân may mâu tŭn jot ôh phung bu năch, phung kon đơi mâu lah bu ur khĭt sai, jêh ri mâu ƀư pling mham mâu geh nau tih ta ntŭk aơ, mâu lĕ nchuăt tĭng phung brah êng gay vơt nau mhĭk ma khân may nơm,

Yêrêmi 6:28

Lĕ rngôch phung khân păng tâm rdâng da dê, Hăn ngơi nchơt ăp ntŭk. Pler nâm bu kông, dăng nâm bu loih, Khân păng knŏng gĭt ƀư rai.

Ndrom Samƀŭt bơh Yôp 31:13

Tơlah gâp dun jêh nau di ma oh mon bu ur mâu lah bu klâu gâp, Moh nau khân păng ŭch phong ma gâp,

II Nau Rêh Jêng 19:7

Pôri aƀaơ ăn khân may geh nau yơk klach ma Brah Yêhôva, njrăng hom moh nau khân may ƀư, yorlah Yêhôva Brah Ndu he, mâu dơn nau mâu di, gŭ mpeh du ding, mâu lah dơn ndơ bu blŏl.”

I Samuel 8:3

Ƀiălah phung kon bu klâu păng mâu hăn tĭng ndô̆ ôh trong păng; khân păng hăn tĭng drăp ndơ, dơn ndơ bu blŏl, jêh ri ƀư kue đah nau sŏng.

Nau Hôr 18:5

Gŭ mpeh phung ƀai gay ma tŭn jot bunuyh sŏng srăng dôl phat dôih Jêng nau mâu di,

Nau Hôr 22:22

Lơi tŭn jot ôh bunuyh o ach yorlah khân păng ndĭt trơi, Mâu lĕ tŭn jot bunuyh rêh ni ta mpông ƀon;

Nau Hôr 31:5

Klach lah nôk nhêt nhŭl, khân păng chuêl nau vay ntăm, Ƀiălah hăn rlơ̆ đah nau di ăn phung rêh ni.

Êsai 5:23

Rêh ni ngăn ma phung yor dơn drăp blŏl gay kơp nau sŏng srăng ma phung geh nau tih, Jêh ri pit sŏk nau sŏng srăng ma phung sŏng srăng!